Khamiis, June 12, 2008(HOL): Qeybo ka mid ah Magaalada Beledweyne ayaa xalay waxaa laga maqlayay rasaas goos goos ah oo sida wararku sheegayaan ay ridayeen kooxo hubeysan oo xalay gudaha u soo galay Magaalada Beledweyne sida ay HOL u sheegeen qaar ka mid ah Saraakiisha Maamulka Gobalka.
Saraakiishu waxaa ay intaa ku dareen kooxaha xalay soo galay magaalada oo ay ku tilmaameen in ay ahaayeen dhalin-yaro Diimeedka Al-shabaab sidoo kale tageen guro ay degan yihiin qaar ka mid ah Mas'uuliyiinta Gobalka, Inkastoo aysan jirin falal ay halkaa ka geystaan maadaama ay ka maqnaayeen dadkii ay bartilmaameed sanayeen.
Ma jirin dhaq-dhaqaaq ay sameeyeen Ciidamada Maamulka iyo kuwa Itoobiya ee jooga Magaalada taasoo jawiga ka dhigtay mid aan kacsaneyn hadana dadka magaaladu waxaa ay dareemayeen Cabsi iyo wal wal ay ka qabaan in dagaal uu dhaxmaro Kooxaha hubeysan iyo Ciidamada Itoobiya ee jooga magaalada Beledweyne.
Xaafada Howl-wadaag oo siweyn looga dareemay dhaq-dhaqaaqa kooxaha hubeysan ayaa dadka ku dhaqan waxaa ay u xaqiijiyeen HOL in ay arkeen qaar ka mid ah gadiidka (Cabdi Bilaha) oo ay saaran yihiin dhalin-yaro hubeysan oo goobaha qaar dadka ku wargalinayay in ay guryahooda galaan.
Dhaq-dhaqaaqa xalay ka jiray Magaalada ayaa ku soo beegmaya wax yar uun kadib markii Ciidamo ka tirsan kuwa Maamulka lagu wareejiyay amaanka Buutada-liqliqato ee kala barta Magaalada Beledweyne oo ay horay u joogeen Ciidamo Itoobiyaan ah.
C/raxmaan Diini, Hiiraan Online
[email protected]
Beledweyn, Somalia
Kooxo hubeysan oo xalay gudaha u soo galay Beledweyne
Cabirka Farta
More News
- Dhaqdhaqaaqa Al-Shabaab oo sheegay in uu qaaday weerarro uu ku muujinayo in uusan dhaqan-gal noqon karin Heshiiskii Jibouti
- Wefti UNDP ka tirsan oo booqasho maalin ah Somaliland u yimid, Wasaaradaha qaarkoodna guddoonsiiyay 23 Baabuur
- Dagaal habeenkii labaad caawa ka socda Xaafado ka tirsan Degmooyinka Yaaqshiid iyo Huriwaa
- Carruur isku qoys ah oo la sheegay in lagu sumeeyay Magaalada Hargeysa
- Madaxweyne C/llaahi Yuusuf oo u dhoofay Dalka Itoobiya
- Shiikh Shariif oo ugu baaqay Shacabka Soomaaliyeed in ay taageeraan heshiiskii ay Jibouti ku wada gaareen Isbaheysiga Dib u xoreynta iyo Dowladda Federaalka
- Ergooyinkii Dowladda Federaalka iyo Isbaheysiga Dib u xoreynta oo horaanta Todobaadka soo socda ku kulmaya Dalka Sacuudiga
- WASIIRKA ARRIMAHA DIBADDA JIBOUTI:“Weerarka ay Eritrea nagu soo qaaday waxaan u aragnaa in ay ka xun tahay Heshiiska ay dhinacyada Soomaalida ku gaareen Jibouti”
- Maxkamadaha Islaamka oo sheegtay in ay ka dambeeyeen dagaal shalay gelinkii dambe ka dhacay Magaalada Muqdisho
- Dagaal xooggan oo saaka ka dhacay qeybo ka mid ah Wadada Makka Al-Mukarama ee Magaalada Muqdisho