12/22/2024
Today from Hiiraan Online:  _
Wararka Maanta- Arbaco, Dec 11, 2024
Ciidamo dowladda Soomaaliya katirsan oo ku jabay dagaalkii Raaskambooni oo isku dhiibay Kenya
 

Arbaco, December, 11, 2024 (HOL) - Dowladda Kenya ayaa sheegtay inay iskusoo dhiibeen ciidamo katirsan kuwa xoogga Dalka Soomaaliya, kuwaas oo maanta dagaal kula galay deegaanka Raaskambooni Ciidamada Jubbaland.

War lagu daabacay barta Internetka ee ciidamada la dagaalanka argigixisada Kenya, ayaa lagu sheegay in Ciidamada is dhiibay ay dalbadeen magangalyo, iyagoo hubkoodii ku wareejiyay ciidamada Kenya.

Ciidamadan ayaa u gudbay xadka Kenya, waxaana wararku sheegayaan inay ku jiraan saraakiil ciidanka oo hoggaaminayay.

Dhinaca kale, deegaanka Raaskambooni ayaa si rasmi ah gacanta ugu galay ciidamada Jubbaland.  Jubbaland waxay sheegtay inay iskusoo dhiibeen In ka badan 40 kamid ah ciidamada Gorgor.

Dowladda Federaalka Soomaaliya weli wax jawaab ah kama bixin ciidamadeeda isku dhiibay dalka Kenya.