12/22/2024
Today from Hiiraan Online:  _
Wararka Maanta- Arbaco, Dec 11, 2024
Xulka Qaranka 15 jirada Soomaaliya oo maanta guul muhiim ah ka gaaray dhigooda dalka Rwanda
 

Arbaco, December, 11, 2024 (HOL) - Ciyaartooyda Xulka Qaranka Soomaaliya ee 15 sano jirada ayaa maanta guul weyn oo muhiim ah ka gaaray tartanka isreeb reebka Koobka Iskuullada Afrika, gaar ahaan dalalka Bariga iyo Bartamaha Afrika.

Xulka Qaranka ee 15 jirada Soomaaliya oo dalka Uganda uga qaybgalaya isreeb reebka Koobka Iskuullada Afrika kulan ay maanta la ciyaareen dhigooda dalka Rwanda kaga adkaaday 2 - 1

15 jirada Qaranka Soomaaliyeed ayaa kulankii maanta kusoo bandhigay ciyaar aad u xiiso badneyd oo rajo badan galisay dadka Soomaaliyeed.

Ciyaartooyda Xulka Qaranka Soomaaliya ayaa horay usoo ciyaaray labo kulan midna waa laga badiyay oo Uganda ayaa 1 - 0 uga badisay, kulanka kale bareejo 0 - 0 ayeey la galeen Tanzania, kulankaan waa kulankii sadaxaad.

Si kastaba ha ahaatee Tartankaan ayaa ah mid loo ciyaariya sida horyaalada oo kale, iyadoo dhamaan xulalka ka qeyb galaya ay is wada arki doonaan, waxaana guuleysan doona xulka ugu dhibca badnaada.

Xulkii ku guuleysta tartanka isreeb reebka Koobka Iskuullada Afrika ayaa si toos ah uga qeyb gali doona tartanka CAF African Championship ee dhici doona sanadka 2025.