4/13/2024
Today from Hiiraan Online:  _
Wararka Maanta- Jimco, Feb 9 , 2024
Faysal Cali Waraabe: Waxan la yaabanahay nimanka dhulkoodii aan xukumin ee Berbera inagu haysta
 

Jimco, February, 9, 2024 (HOL) - Guddoomiyaha Xisbiga Mucaaradka Somaliland ee UCID, ayaa sheegay in Itoobiya ay istimaasho Badda Cas, isla markaana ay xaq u leedahay in ay saldhig ku yeelato.

Guddoomiyaha ayaa sheegay in dowlada Soomaaliya anay xukumin qaybo badan oo Soomaaliya kamid ah, isla markaana anay suuragal ahayn in ay Berbera ka taliso.

"Waxan la yaabayaa nimanka Xamar jooga, Xasan Sheekh iyo kooxdiisa, ee goofkiisii aan xukumin ee Berbera inagu haysta, ee dhulkiisii aan xukumin, heshiiskani waa heshiis danteena ah, wax la iibiyay ma jirtee" ayuu yidhi Guddoomiye Waraabe.

Faysal waxa uu sheegay in khuburo Ingiriis ahi ay heshiiska u kala qorayso Somaliland iyo Itoobiya, waxa uuna sheegay in ay yihiin khuburo ku takhasusutay arrimaha sharciyada badaha.

Waxa uu sheegay in Itoobiya ay isticmaasho Bada Cas oo ay alaabooyinku usoo maraan, sidaa darteedna ay xaq u leedahay in ay saldhig ciidan ku yeelato badda.

"Heshiis wanaagsan ayaynu galaynaa, oo shilinta laga dhilay, markaa waa khadar Alle inoo keenaye haynagaga dhawaaqina, nin ka dhimanaya noloshiinu yaanu idiin warramin" ayuu yidhi Guddoomiye Waraabe.

Dowlada Soomaaliya ayaa heshiiska ku tilmaantay mid khatar ku ah madaxbannaanida Soomaaliya, iyada oo sheegtay in anay aqbali doonin.












Click here
2/9/2024 6:19 AM EST
Jimco, February, 9, 2024 (HOL) - Wararka ka imaanaya dalka Koonfur Afrika ayaa sheegaya in kooxo burcad ah oo u dhalatay dalkaas in Xalay muwaadin Soomaaliyeed ay ku dileen deegaanka Belville oo ka mid ah deegaanada hoostaga Magaalada Cape town.

2/9/2024 4:11 AM EST
Jimco, February, 9, 2024 (HOL) - Wararka ka imaanaya degmada Kaaraan ee magaalada Muqdisho ayaa sheegaya in Xalay halkaasi ay ka dhacday dhacdo si weyn looga argagaxay oo saakay laga hadal haayo xaafadaha degmadaas.

2/9/2024 4:07 AM EST
Jimco, February, 9, 2024 (HOL) - Wasaaradda Awqaafta iyo arrimaha Diinta Xukuumadda Fedaraalka Soomaaliya ayaa shaaca ka qaaday qiimaha sanadkaan 2024-ka ay kusoo xajin doonaan Xujeeyda Soomaaliyeed.

2/9/2024 2:45 AM EST
Jimco, February, 9, 2024 (HOL) - Taliska qeybta ciidanka Booliiska maamulka Puntland ee gobolka Bari ayaa sheegay iney gacanta kusoo dhigeen laba horjooge oo ka tirsan Ururka Daacish.

2/9/2024 1:12 AM EST
Jimco, February, 9, 2024 (HOL) - Hay'adda Duulista Rayidka Soomaaliyeed ayaa ka hadashay war si weyn loogu faafiyay saacadahii lasoo dhaafay baraha bulshada oo la xariiray in dowladda Soomaaliya ay hawada ka celisay diyaarad ku socotay magaalada Hargeysa oo la sheegay iney aheyd nooca gargaarka caafimaadka ah ee Air Ambulance.