4/13/2024
Today from Hiiraan Online:  _
Wararka Maanta- Sabti, Feb 10, 2024
Maraykanka oo wafdi culus u diraya Ethiopia si uu ugala soo hadlo arrimaha ka taagan gobolka
 

Sabti, February, 10, 2024 (HOL) - Kaaliyaha Xoghayaha Arrimaha Dibedda ee Maraykanka u qaabilsan Afrika Molly Phee ayaa lagu wadaa inay hawl-gal diblomaasiyadeed ku tagto Addis Abeba, Ethiopia, laga bilaabo 12 ilaa 17ka Febraayo, 2024.

Sida laga soo xigtay Waaxda Arrimaha Dibadda Mareykanka, Kaaliyaha Xoghayaha waxaa ku wehlin doona mas’uuliyiin ka tirsan dowladda oo uu ka mid yahay Danjire Mike Hammer oo ah ergeyga gaarka ah ee Geeska Afrika.

Ujeedka ugu weyn ee socdaalkooda ayaa ah ka qeyb galka shir madaxeedka Midowga Afrika iyo ka qeyb galka wadahadalada heerka sare ah oo ay la yeelanayaan madaxda Midowga Afrika.

Shir Madaxeedka Midowga Afrika oo lagu wado inuu ka dhaco Addis Ababa 14-ka illaa 18-ka Febraayo, 2024-ka, ayaa la filayaa inay ka qaybgalaan in ka badan 34 hoggaamiye oo Afrikaan ah, oo ay ku jiraan madaxweynayaal, ra'iisul-wasaarayaal, iyo dad kale oo saameyn leh.

Inta uu ku sugan yahay Addis Ababa, Kaaliyaha Xoghaye Phee waxa uu sidoo kale wada-hadallo laba geesood ah la yeelan doonaa mas’uuliyiin ka tirsan Dowladda Itoobiya si ay uga wada hadlaan arrimaha muhiimka ah ee gobolka sida ay sheegtay Wasaaradda Arrimaha Dibadda Maraykanka.

Booqashada saraakiisha Maraykanku waxay ku soo beegantay ka dib markii dawladda Maraykanku ay walaac xooggan ka muujisay heshiiska dhinaca badda ee Ethiopia iyo Somaliland, iyo warbixinnada dilalka rayidka ah ee lala beegsaday magaalada Merawi, ee ku taal Waqooyiga Gojjam ee gobolka Axmaarada.












Click here
2/10/2024 4:12 PM EST
Sabti, February, 10, 2024 (HOL) - Madaxweynaha Soomaaliya Xasan Sheekh Maxamuud ayaa isbitaalka Digfeer ku booqday dhaawacyada Saraakiisha Imaaraatka ee ku dhawaacmay toogashadii ka dhacday Xerada Janaraal Goordan ee magaalada Muqdisho.

2/10/2024 3:14 PM EST
Sabti, February, 10, 2024 (HOL) - Toogasho ayaa ka dhacday Xerada Ciidanka General Gordan ee Magaalada Muqdisho, halkaasi oo la xaqiijiyay inay ku geeriyoodeen ugu yaraan 5 kamid ah saarakiil kasoo jeeda Imaaraatka Carabta.

2/10/2024 10:27 AM EST
Sabti, February, 10, 2024 (HOL) - Madaxweynahii hore ee Soomaaliya Sheekh Shariif Sheekh Axmed Raysal wasaarahii hore Xasan Cali Kheyre iyo Xildhibaan Cabdiraxmaan Cabdishakuur Warsame ayaa qoraal ay si wadajir ah u soo saareen si weyn ugu dhaliilay madaxweynaha Soomaaliya Xasan Sheekh Maxamuud.

2/10/2024 10:01 AM EST
Sabti, February, 10, 2024 (HOL) - Ciidamada xoogga dalka Soomaaliyeed, gaar ahaan Kumaandooska Danab ayaa howlgal qorsheysan oo lagu dilay 27 xubnood oo ka mid ah kooxda Al-shabaab ka sameeyay deegaanka Yaaqdabeyl ee gobolka Jubbada Hoose.

2/10/2024 8:35 AM EST
Sabti, February, 10, 2024 (HOL) - Xisbiga talada Somaliland haya ee Kulmiye, ayaa sheegay in uu soo dhawaynayo heshiiska Somaliland iyo Itoobiya.

2/10/2024 7:04 AM EST
Sabti, February, 10, 2024 (HOL) - Baarlamaanka Soomaaliya ayaa maanta oo Sabti ah ansixiyay xubinimada Soomaaliya ee ururka Bulshada Bariga Afrika (EAC).

2/10/2024 4:10 AM EST
Sabti, February, 10, 2024 (HOL) - Howlgalka nabad ilaalinta Soomaaliya ee ATMIS, ayaa shaaciyay inay Soomaaliya ka saareen 5,000 oo Askari, iyo 13 Saldhig oo Ciidan oo ay ku wareejiyeen ciidanka hay'adda Nabad Sugida Soomaaliya, intii lagu guda jiray wajigii koowaad iyo labaad ee dhimista ATMIS.

2/10/2024 2:49 AM EST
Sabti, February, 10, 2024 (HOL) - Ciidamada dowladda oo kaashanaya kuwa dadka deegaanka ayaa howlgal qorsheysan kusoo qabtay horjooge ka tirsan kooxda Al-shabaab.

2/10/2024 2:43 AM EST
Sabti, February, 10, 2024 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa Xalay kulan gaar ah kula qaatay xarunta Madaxtooyada Qaranka Soomaaliya qaar ka mid ah Culimada Soomaaliyeed.

2/10/2024 1:54 AM EST
Sabti, February, 10, 2024 (HOL) - Maxkamadda ciidamada qalabka sida ee Puntland ee fadhigeedu yahay magaalada Boosaaso ayaa midkiiba 10 sano oo xabsi ah ku xukuntay afar nin oo lagusoo eedeeyay inay katirsan yihiin Alshabaab.