2/21/2024
Today from Hiiraan Online:  _
Wararka Maanta- Jimco, Feb 9 , 2024
Dhacdo argagax leh oo ka dhacday degmada Kaaraan ee magaalada Muqdisho
 

Jimco, February, 9, 2024 (HOL) - Wararka ka imaanaya degmada Kaaraan ee magaalada Muqdisho ayaa sheegaya in Xalay halkaasi ay ka dhacday dhacdo si weyn looga argagaxay oo saakay laga hadal haayo xaafadaha degmadaas.

Dhacdaan naxdinta leh ayaa timid kadib markii hooyo iyo wiilkeeda oo dhalinyaro ah ay tooreey ku dileen aabihii qoyska.

Dilka tooreyda loo adeegsaday oo ay geysteen wiilka adeerka loo ahaa iyo hooyadiis ayaa yimid kadib markii khilaaf gacan ka hadal ahaa uu dhexmaray marxuumka la dilay iyo xaaskiisa.

"Hooyo iyo aabe ayaa markii hore isku buuqay oo aabe ayaa feer isha uga dhuftay hooyo, kadibna hooyo qolka ayay gashay waxay wacatay wiilkeeda weyn oo banaanka ku maqna markii yimid hooyo iyo isaga aabe ayay toorey ku bilaabeen aabana banaanka ayuu u cararay oo inuu dhintay uma maleyn lakiin dhiig bax ayuu bananka ugu dhintay" ayuu yiri wiil yar oo ay wada dhaleen hooyada dilka geysatay iyo aabaha la dilay.

Ninka la dilay ayaa la sheegay inuu ka mid ah ganacsatada yar yar ee wax ku iibisa hareeraha Isgoyska Sanca ee degmada Kaaraan, waxaana dilkiisa uu qeyb ka noqonaya dilalka argagaxa leh ee bishaan gudaheeda ka dhacay Muqdisho iyo Shabeellaha Hoose.

Ma jirto ilaa iyo hada wax war ah oo kasoo baxay laamaha amaanka dowladda Fedaraalka Soomaaliya oo ku aadan dilkaan naxdinta leh ee xalay loo gaystay ninkaan.













Click here
2/9/2024 4:09 PM EST
Jimco, February, 9, 2024 (HOL) - Guddoomiyaha Xisbiga Mucaaradka Somaliland ee UCID, ayaa sheegay in Itoobiya ay istimaasho Badda Cas, isla markaana ay xaq u leedahay in ay saldhig ku yeelato.

2/9/2024 6:19 AM EST
Jimco, February, 9, 2024 (HOL) - Wararka ka imaanaya dalka Koonfur Afrika ayaa sheegaya in kooxo burcad ah oo u dhalatay dalkaas in Xalay muwaadin Soomaaliyeed ay ku dileen deegaanka Belville oo ka mid ah deegaanada hoostaga Magaalada Cape town.

2/9/2024 4:07 AM EST
Jimco, February, 9, 2024 (HOL) - Wasaaradda Awqaafta iyo arrimaha Diinta Xukuumadda Fedaraalka Soomaaliya ayaa shaaca ka qaaday qiimaha sanadkaan 2024-ka ay kusoo xajin doonaan Xujeeyda Soomaaliyeed.

2/9/2024 2:45 AM EST
Jimco, February, 9, 2024 (HOL) - Taliska qeybta ciidanka Booliiska maamulka Puntland ee gobolka Bari ayaa sheegay iney gacanta kusoo dhigeen laba horjooge oo ka tirsan Ururka Daacish.

2/9/2024 1:12 AM EST
Jimco, February, 9, 2024 (HOL) - Hay'adda Duulista Rayidka Soomaaliyeed ayaa ka hadashay war si weyn loogu faafiyay saacadahii lasoo dhaafay baraha bulshada oo la xariiray in dowladda Soomaaliya ay hawada ka celisay diyaarad ku socotay magaalada Hargeysa oo la sheegay iney aheyd nooca gargaarka caafimaadka ah ee Air Ambulance.