3/3/2024
Today from Hiiraan Online:  _
Wararka Maanta- Khamiis, Feb 8 , 2024
Ciidamada Itoobiya ee aan katirsanayn ATMIS oo bandow ka dhaqan galiyay degmada Doolow ee gobolka Gedo
 

Khamiis, February, 8, 2024 (HOL) - Ciidamada Itoobiya oo aan ka mid ahayn howlgalka Midowga Afrika ayaa bandow habeenkii ah ka dhaqan galiyay degmada Doolow ee xadka Soomaaliya.

ENDF ayaa dhaq dhaqaaqyo ka bilaabay gobolka Gedo, iyagoo isku fidiyay dhul ballaaran oo ay ka mid tahay waddada xiriirisa Doolow iyo Beled-Xaawo, halkaasoo lagu dilay 6 qof oo Oromo ah.

Talaabadan ayaa ka dambeysay kadib markii dabley hubeysan ay weerar ku qaadeen guri ku yaala magaalada Beled-Xaawo, halkaasi oo ay ku dileen lix ruux oo carruur ay ku jiraan, kuwaasi oo kasoo jeeda qowmiyada Oromada, sida ay sheegeen saraakiisha amaanka ee degmadaasi.

Itoobiya ayaa waxaa Soomaaliya ka jooga kumannaan askari oo qayb ka ah howlgalka Midowga Afrika ee ku-meel-gaarka ah, ama ATMIS, iyo ciidamo kale oo ka jooga Soomaaliya kuwaas oo ay dowladda Soomaaliya horey u dalbatay si ay ula dagaalamaan kooxda Alshabaab.

Wasiirka amniga maamulka Jubbaland Yuusuf Xuseen Dhuumaal ayaa sheegay in maamulkooda uu aaminsan yahay in Al-shabaab ay beegsadeen dadka u dhashay dalka Itoobiya, kuwaasoo magaalada u joogay arrimo ganacsi iyo shaqooyin guri.

Ma jiro wax war ah oo ka soo baxay Al-Shabaab oo ku aadan weerarkaasi.












Click here
2/8/2024 11:28 AM EST
Khamiis, February, 8, 2024 (HOL) - Warar dheeraad ah ayaa laga helaya dhacdo naxdin leh oo maanta ka dhacday degmada Dharkeenleey ee magaalada Muqdisho, taasoo ah in haweeney ay maanta dishay ninkeedii.

2/8/2024 9:04 AM EST
Khamiis, February, 8, 2024 (HOL) - Wasiirka Wasaaradda Gaashaandhiga Xukuumadda Fedaraalka Soomaaliya Cabduqaadir Maxamed Nuur Jaamac ayaa magaalada Ankara ee dalka Turkiga kulan kula qaatay dhigiisa dalkaas Yaşar Güler.

2/8/2024 6:12 AM EST
Khamiis, February, 8, 2024 (HOL) - Golaha Wasiirrada Soomaaliya ayaa kulankoodii toddobaadlaha ahaa ku ansixiyay 10 Safiir oo Soomaaliya uga howlgali doona qaar kamid ah dalalka caalamka.

2/8/2024 3:05 AM EST
Khamiis, February, 8, 2024 (HOL) - Xafiiska Qaramada Midoobay ee Soomaaliya ayaa soo dhoweeyay soo qabashada eedeysanihii lagu eedeeyay inuu nolasha ku gubay xaaskiisa, kaasoo hay’adda NISA ay kasoo qabatay isagoo baxsad ah degaano katirsan gobolka Mudug.

2/8/2024 1:52 AM EST
Khamiis, February, 8, 2024 (HOL) - Wararka ka imaanaya degmada Maxaas ee gobolka Hiiraan iyo nawaaxigeeda ayaa sheegaya in halkaasi maalmahii lasoo dhaafay xoolo badan u dhinteen cudur la garan waayay noociisa iyo waxa sababa.