3/3/2024
Today from Hiiraan Online:  _
Wararka Maanta- Arbaco, Feb 7 , 2024
Xisbiga Waddani oo cambaareeyay xadhiga Abwaan Cabdiraxmaan Abees
 

Arbaco, February, 7, 2024 (HOL) - Xisbiga mucaaradka Somaliland ee Waddani ayaa sheegay in aan sharciga loo marin xadhiga Abwaan Cabdiraxmaan Aadan Ibraahin (Abees), oo shalay Maxkamada Degmada Hargaysa ay sannad iyo lix billood ku xukuntay.

Xogeeyaha Guud ee Xisbiga Khadar Xuseen Cabdi, ayaa sheegay in abwaanka si jujuub ah dacwadiisa loo qaaday isla markaana aan garyaqaan loo qaban, nidaam sax ahna loo qaadin.

"Xukuumada Muuse Biixi waxay maraysa in ay qoysaskii kala dhexgasho, oo ah unugii u hooseeyay ee bulshada, waxaanu ka xunahay xadhiga sharci darada ah ee lagu xukumay Abwaan Abees, in inta habeen la xidhay maalintii ku xigtayna la yidha waxa lagu xukumay sannad iyo lix billood" ayuu yidhi xogeeyuhu.

Waxa uu sheegay in xataa hadii ay jirto eeda uu abwaanka aabihii kusoo oogay ee ah in uu yahay waalid caasi, aanu xadhigiisu ka badan karin muddo 6 billood ah sida uu sharcigu sheegayo.

Abwaan Cabdiraxmaan Abees ayaa 5 tii bishan xabsiga loo taxaabay kadib markii uu aabihii ku eedeeyay in uu yahay waalid caasi, iyadoo shalayna Maxkamada Degmada Hargaysa ay ku xukuntay sannad iyo lix billood.

Dhanka kale, abwaanka hooyadii oo la hadashay MMTV, ayaa sheegtay in wiilkeeda ay xukuumadu xidhay, isla markaana loo soo dhexmaray aabihii, lana doonayo in la bahdilo, oo eed aanu lahayn lagu qaado.

Abwaanka ayaa 2 dii bishan Hargaysa kusoo bandhigay buug uu ku dhaliilayo xukuumada oo la magac baxay "Mayal" buuggan oo lasoo bandhigay kadib sannado ay xukuumadu xayirtay.













Click here
2/7/2024 3:35 PM EST
Arbaco, February, 7, 2024 (HOL) - Abwaan Nageeya Cali Khaliif oo muddo saddex bilood ah la weysanaa, ayaa markii ugu horraysay caawa kasoo muuqday warbaahinta Alfurqaan ee ay leeyihiin kooxda Alshabaab.

2/7/2024 9:03 AM EST
Arbaco, February, 7, 2024 (HOL) - Dowladda Itoobiya ayaa sheegtay in la qabtay shidaal badan oo laga bixinayay Dowlad degaanka Soomaalida loona waday Jubbaland Soomaaliya, sida lagu daabacay bogga rasmiga ah ee Facebook ku leeyihiin Ciidamada Millitariga Itoobiya.

2/7/2024 4:52 AM EST
Arbaco, February, 7, 2024 (HOL) - Askar katirsan ciidamadii lagusoo tababaray dalka Eritrea, ayaa maanta xirtay garoonka diyaaradaha ee magaalada Boosaaso, iyagoo ka cabanaya mushaar la’aan.

2/7/2024 2:33 AM EST
Arbaco, February, 7, 2024 (HOL) - Waxaa sii kordhaya khasaaraha nafeed ee ka dhashay qaraxyo maalintii shalay ka dhacay suuqa Bakaaraha ee magaalada Muqdisho.

2/7/2024 2:09 AM EST
Arbaco, February, 7, 2024 (HOL) - Wararka ka imaanaya degmada Caabudwaaq ee gobolka Galgaduud ayaa sheegaya in kooxo hubeysan ay Xalay ku dileen gudaha degmadaas haweeneey caan ka aheyd.

2/7/2024 1:55 AM EST
Arbaco, February, 7, 2024 (HOL) - Warar dheeraad ah ayaa kasoo baxaya khasaaraha ka dhashay qarax galinkii dambe ee shalay ka dhacay guri ku yaala deegaanka Beera yabaal oo ka mid ah deegaanada hoostaga degmada Buula burte ee gobolka Hiiraan.