2/21/2024
Today from Hiiraan Online:  _
Wararka Maanta- Talaado, Feb 6 , 2024
Madaxweyne Xasan Sheekh oo fariin xasaasi ah u diray madaxda dowladda Itoobiya
 

Talaado, February, 6, 2024 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa markale fariin adag u diray dowladda Itoobiya oo ku aadan damaceeda ku aadan iney hesho qeyb ka mid ah biyaha iyo dhulka Soomaaliya.

Madaxweyne Xasan Sheekh ayaa faray Itoobiya iney meel iska dhigto damaca iyo xadgudubka ay hankeeda ku hayso, islamarkaana aysan marnaba Soomaaliya gorgortan ka geli karin dhulkeeda.

“Itoobiya waxa aan leenahay damaca dhulka ayaan qaar goosanayaa ka imaaw, maalinta aad ka timaado waxa kasoo haray oo dhan waan kawada hadlaynaa oo waxa aan hubaa in aan ka heshiin karno balse faraqa ayaan kaa haystaa iyo ii daay meeshaas heshiis kama dhasho” Ayuu yiri Madaxweyne Xasan Sheekh Maxamuud.

Xasan Sheekh Maxamuud ayaa madaxda dalka Itoobiya ugu baaqay iney kusoo noqdaan dhaqanka Suuban ee Adduunka ku dhaqmo iyo dowlad wanaagga oo ku xusan xeerarka lagu dhisay ururrada kala duwan ee caalamiga ah, isagoon xusay ineysan jirin cadawtinimo kale oo kala dhaxeysa shacabka reer Itoobiya.

“Dadka reer Itoobiya iyo Qowmiyadaha kala duwan wax xumaan ama xasadnimo ah an u qabno haba yaraatee ma jirto, dowladdooda ayaa tacaddi ku jirta oo ka baxday dhaqanka dowladnimo iyo derisnimo, waxaan leenahay dhaqanka Suuban kusoo noqo, Dhul, Bad iyo Dad isla socda in nalaga qaado nalaguma qancin karo” ayuu yiri madaxweynaha Soomaaliya Xasan Sheekh Maxamuud.

Kowdii bishii Janaayo ee sanadkaan 2024 ayay aheyd markii Itoobiya ay Somaliland la gashay heshiis ka careysiiyay dowladda Fedaraalka iyo dalal badan oo ka mid ah kuwa Caalamka oo ka horyimid heshiiskaas oo ahaa in Itoobiya hesho qeyb ka mid ah biyaha iyo dhulka Soomaaliya.












Click here
2/6/2024 11:53 AM EST
Talaado, February, 6, 2024 (HOL) - Ra’iisul Wasaaraha Itoobiya Abiyi Axmed oo maanta hortagay Golaha Wakiilada Shacabka ee Itoobiya ayaa jawaabo ka bixiyay su'aalo ay wakiilada shacabku ka waydiiyeen heshiiskii is afgarad ee dhinaca Badda ahaa ee bil ka hor Itoobiya la gashay Somaliland.

2/6/2024 10:20 AM EST
Talaado, February, 6, 2024 (HOL) - Waxaa goordhaw garoonka diyaaradaha Aadan Cadde ee magaalada Muqdisho laga soo dajiyay eedeysane Sayid Cali Macalin Daa'uud oo ah nin ku eedeysan inuu dhawaan Muqdisho ku gubay Xaaskiisii oo Xaamilo aheyd.

2/6/2024 9:33 AM EST
Talaado, February, 6, 2024 (HOL) - Guddoomiye ku xigeenka amniga iyo siyaasada maamulka gobolka Banaadir Maxamed Axmed Diiriye Yabooh oo warbaahinta kula hadlay gudaha Suuqa Bakaraaha ayaa faahfaahin dheeraad ah ka bixiyay weerar khasaare geystay oo maanta ka dhacay Bakaaraha.

2/6/2024 6:47 AM EST
Talaado, February, 6, 2024 (HOL) - Dhowr hoobiye ayaa goor dhowayd ku dhacay suuqa bakaaraha ee magaalada Muqdisho, iyadoo ay ka dhasheen khasaare dhaawacyo ah.

2/6/2024 3:59 AM EST
Talaado, February, 6, 2024 (HOL) - Maxkamadda Degmada Hargeysa ayaa saaka sannad iyo lix bilood oo xadhig ah ku xukuntay abwaan Cabdiraxmaan Aadan Ibraahin (Abees), oo shalay Hargeysa lagu xidhay sida uu walaalkii u xaqiijiyay Galaydh Media.

2/6/2024 2:58 AM EST
Talaado, February, 6, 2024 (HOL) - Guddoomiyaha Xisbiga Waddani ee Somaliland Xirsi Cali Xaaji Xasan, ayaa beeniyay warar sheegayay in dowlada Ingiriisku ay wax ka waydiisay baasboorkiisa, isla markaana lagu xidhay London.

2/6/2024 2:08 AM EST
Talaado, February, 6, 2024 (HOL) - Aabaha dhalay gabadhii dhawaan ninkeeda uu ku gubay gudaha magaalada Muqdisho Sheekh Cabdicasiis Maxamed oo ka hadlay soo qabashada ninkii dilay gabadhiisii Luul Sheekh Cabdicasiis ayaa ugu horeyn u mahadceliyay madaxda dowladda Fedaraalka.

2/6/2024 1:05 AM EST
Talaado, February, 6, 2024 (HOL) - Cutubyo ka tirsan ciidamada badda Hindiya ayaa la geynayaa biyaha istaraatiijiga ah ee Jabuuti, Gacanka Cadmeed, Xeebta Bari ee Soomaaliya iyo sidoo kale Waqooyiga iyo Badda Carabta.