3/3/2024
Today from Hiiraan Online:  _
Wararka Maanta- Isniin, Feb 12, 2024
Xulka Qaranka Ivory Coast oo ku guuleystay koobkii Qaramada Afrika
 

Isniin, February, 12, 2024 (HOL) - Xulka kubadda cagta dalka Ivory Coast ayaa Xalay ku guuleystay koobka kubadda Cagta Qaramada Afrika oo ay marti galineysay.

Guusha Ivory Coasta ayaa timid kadib markii 2-1 uga badiyeen dhigooda xulka kubadda Cagta qaranka Nigeria ciyaar aad u xiiso badneyd oo ku dhexmartay garoonka Al-Xasan Wattara ee magaalada Abidjan ee dalka Ivory Coast.

Xulka qaranka Nigeria ayaa goolka koowaad la hormartay qeybti hore ee ciyaarta, waxaana madax ugu dhaliyay goolka William Troost-Ekong, kaddib markii uu ka faa’iideystay kubad uu u soo karoosay Samuel Chukwueze.

Xulka Ivory Coasta ayaa qeybtii dambe ciyaarta la yimid goolasha barbar dhaca iyo badiskaba, waxaana goolka guusha Ivory Coast u saxiixay Sebastien Haller ciyaarta oo ay dhamaadkeeda ka dhineyd 9 daqiiqo oo kaliya, taasi ayaan u suurta galisay Ivory Coast iney ku guuleystaan markii sadaxaad koobka Qaramada Africa.

Dalka Ivory Coast ayaa noqday Xalay dalki ugu horeeyay 18 sano kadib isagoo martigelinaya qaada koobka Qaramada Afrika, tan iyo sanadki 2006-dii, xiligaas oo ay Xulka Masar oo martigelisay koobka ku guuleysateen.












Click here
2/12/2024 9:50 AM EST
Isniin, February, 12, 2024 (HOL) - Wararka ka imaanaya degmada Wadajir ee magaalada Muqdisho ayaa sheegaya in maanta halkaasi lagu dilay Macalin Iskuul oo lagu magacaabi jiray Cabdiraxmaan Maclow Abiikar.

2/12/2024 6:23 AM EST
Isniin, February, 12, 2024 (HOL) - Guddoomiyaha xisbiga mucaaradka Somaliland ee UCID Eng. Faysal Cali Waraabe ayaa shaki ka muujiyay nidaamka ay golayaasha sharci dajinta Somaliland u wadaan ansixinta xeerka doorashooyinka ee Xeer Lr 91.

2/12/2024 5:49 AM EST
Isniin, February, 12, 2024 (HOL) - Baarlamaanka federaalka Soomaaliya labadiisa aqal ayaa ka doodaya wax ka bedelka afar cutub oo kamid ah qodobada ugu horeeya ee Dastuurka KMG ah.

2/12/2024 4:35 AM EST
Isniin, February, 12, 2024 (HOL) - Ra'iisal Wasaaraha Itoobiya Abiy Ahmed ayaa maanta gaaray magaalada Godey si uu xariga uga jaro Garoonka Diyaaradaha ee Ugaas Miraad Layli ee magaalada Godey, oo qaybo cusub lagu daray isla markaana dib u habayn casri ah lagu sameeyay.

2/12/2024 1:24 AM EST
Isniin, February, 12, 2024 (HOL) - Ciidamada dowladda Fedaraalka Soomaaliya oo kaashanaya kuwa saaxiibada Caalamiga ah ayaa duqeymo culus ka fuliyay deegaano hoostaga degmada Jamaame ee gobolka Jubbada Hoose.

2/12/2024 1:08 AM EST
Isniin, February, 12, 2024 (HOL) - Puntland ayaa xalay magaalada Boosaaso ka fulisay howlgal ka dhan ah dadka kasoo jeeda Itoobiya ee u badan qowmiyadda Oromada, kuwaas oo maalmihii lasoo dhaafay si aad ah ugusii qulqulaya halkaas.