2/21/2024
Today from Hiiraan Online:  _
Wararka Maanta- Axad, Feb 11, 2024
Wasiirka maaliyadda Soomaaliya oo Dubia uga qeybgalay shirka sanadlaha ah hay'addaha Maaliyadda Carabta
 

Axad, February, 11, 2024 (HOL) - Wasiirka Maaliyadda Soomaaliya Biixi Imaan Cige oo ku sugan dalka Isutaga Imaaraatka Carab ayaa ka qeyb galay furitaanka shirka sanadlaha ah ee horumarinta dhaqaalaha hay'addaha Maaliyadda ee dalalka Carabta.

Wasiirka Maaliyadda ayaa la wadaagay hay'adaha Maaliyadda Carabta, wasiirada Maaliyadda Dalalka Carbeed iyo Madaxda IMF arrimaha horumarinta dhaqaalaha Soomaaliya, hannaanka dib-u-habeynta Maaliyadda iyo guulihii Dowladda Federaalka Soomaaliya ay ka gaartay qorshihii Deyn Cafinta ee soo gaba gaboobay dhammaadka sanaddii tagtay.

Wasiir Bixii Imaan ayaa xusay caqabadaha iyo samaynta dhanka dhaqaalaha ay ku yeelatay arrinta ka taagan Badda Cas oo bilihii u dambeeyay marakiibta isaga kala goosha ay  weerar kala kulmeen.

Kristalina Georgieva oo ah Madaxa Hey'adda Lacagta Adduunka ee IMF, oo dhankeeda ka hadashay shirkan ayaa dalalka carbeed ugu baaqday in ay abuuraan fursado dhaqaale oo lagu xoojinayo hannaanka ka soo kabashada aafooyinka, iyada oo fursado looga dhigayo bulshooyinka soo koraya.

Shirkaan ayaa ahaa meertadiisii 8-aad oo lagu qabanayo magaalada Dubai ee Imaaraadka Carabta.













Click here
2/11/2024 2:54 PM EST
Axad, February, 11, 2024 (HOL) - Somaliland ayaa sheegtay in diidmada dowlada Soomaaliya ee heshiiska isfaham ee Somaliland iyo Itoobiya ay tahay sharciga caalamiga ah oo la jabiyay, sida lagu yidhi qoraal kasoo baxay Wasaarada Arrimaha Dibadda Somaliland.

2/11/2024 10:03 AM EST
Axad, February, 11, 2024 (HOL) - Qaar ka mid ah ganacsatada Suuqa Bakaraaha ee magaalada Muqdisho oo maanta shir jaraa'id warbaahinta u qabtay ayaa sheegeen iney qarka u saaran yihiin iney xiraan goobahooda ganacsiga Suuqa Bakaaraha.

2/11/2024 7:46 AM EST
Axad, February, 11, 2024 (HOL) - Safaaradda dowladda Mareykanka ay ku leedahay magaalada Muqdisho ayaa ka hadashay weerarkii Xalay ka dhacay xerada Jenaraal Gordan ee magaalada Muqdisho, kaasoo lagu dilay saraakiil u dhalatay dalka isutaga Imaaraadka Carabta.

2/11/2024 4:16 AM EST
Axad, February, 11, 2024 (HOL) - Dowladda Soomaaliya ayaa ku boorisay Midowga Afrika iyo Qaramada Midoobay inay mawqif mabda'a ka qaataan ku xad-gudubka ay Itoobiya ku hayso madax-bannaanideeda iyo wadajirkeeda dhuleed ee Soomaaliya.

2/11/2024 2:22 AM EST
Axad, February, 11, 2024 (HOL) - Wararka naga soo gaaraya deegaanka Camaara ee gobolka Mudug ayaa sheegaya in Xalay ku dhawaad toban hoobiye lagu garaacay gudaha deegaankaas.

2/11/2024 1:29 AM EST
Axad, February, 11, 2024 (HOL) - Wasaaradda Gaashaandhigga Imaaraadka Carabta ayaa shaacisay inay geeriyoodeen saraakiil ciidan oo ka tirsanaa ciidamada qalabka sida ee Imaaraadka iyo sarkaal ka tirsan ciidamada Difaaca Baxreyn oo ay weheliyaan labo kale oo lagu dhaawacay weerarkii xerada Janaraal Goordan.