3/3/2024
Today from Hiiraan Online:  _
Wararka Maanta- Axad, Feb 11, 2024
Dad isku qoys ah oo ku geeriyooday hoobiyaal lagu garaacay deegaanka Camaara
 

Axad, February, 11, 2024 (HOL) - Wararka naga soo gaaraya deegaanka Camaara ee gobolka Mudug ayaa sheegaya in Xalay ku dhawaad toban hoobiye lagu garaacay gudaha deegaankaas.

Hoobiyaasha lagu weeraray deegaanka Camaara ayaa geystay khasaare isugu jira dhimasho, dhaawac iyo burbur soo gaaray guryo dad shacab ah daganayeen.

Wararka hordhaca ah ayaa sheegaya in mid ka mid ah hoobiyaasha uu ku dhacay guri dad shacab ah dagan yihiin oo ay ku dhinteen Aabahii iyo hooyadii qoyska guriga uu madfaca ku habsaday, islamarkaana uu ku dhaawacmay wiil ay dhaleen.

Waxaa sidoo kale hoobiyaasha lagu garaacay Camaara ku geeriyooday haweeney kale oo hoobiyaasha mid ka mid ah uu ugu tagay hoygeeda.

Saraakiisha ciidamada xoogga dalka ee ku sugan deegaankaas ayaa sheegeen in weerarkaan hoobiyaasha ah ay ka dambeeyaan kooxda Al-shabaab ee laga saaray deegaanka.

Deegaanka Camaara ayaa waxaa saakay ka jira xaalado murugo leh, waxa uuna ka mid yahay deegaankaas deegaanadii ugu dambeeyay ee laga saaray kooxda Al-shabaab ee ka dagaalanta gobolka Mudug.












Click here
2/11/2024 2:54 PM EST
Axad, February, 11, 2024 (HOL) - Somaliland ayaa sheegtay in diidmada dowlada Soomaaliya ee heshiiska isfaham ee Somaliland iyo Itoobiya ay tahay sharciga caalamiga ah oo la jabiyay, sida lagu yidhi qoraal kasoo baxay Wasaarada Arrimaha Dibadda Somaliland.

2/11/2024 10:03 AM EST
Axad, February, 11, 2024 (HOL) - Qaar ka mid ah ganacsatada Suuqa Bakaraaha ee magaalada Muqdisho oo maanta shir jaraa'id warbaahinta u qabtay ayaa sheegeen iney qarka u saaran yihiin iney xiraan goobahooda ganacsiga Suuqa Bakaaraha.

2/11/2024 7:46 AM EST
Axad, February, 11, 2024 (HOL) - Safaaradda dowladda Mareykanka ay ku leedahay magaalada Muqdisho ayaa ka hadashay weerarkii Xalay ka dhacay xerada Jenaraal Gordan ee magaalada Muqdisho, kaasoo lagu dilay saraakiil u dhalatay dalka isutaga Imaaraadka Carabta.

2/11/2024 7:43 AM EST
Axad, February, 11, 2024 (HOL) - Wasiirka Maaliyadda Soomaaliya Biixi Imaan Cige oo ku sugan dalka Isutaga Imaaraatka Carab ayaa ka qeyb galay furitaanka shirka sanadlaha ah ee horumarinta dhaqaalaha hay'addaha Maaliyadda ee dalalka Carabta.

2/11/2024 4:16 AM EST
Axad, February, 11, 2024 (HOL) - Dowladda Soomaaliya ayaa ku boorisay Midowga Afrika iyo Qaramada Midoobay inay mawqif mabda'a ka qaataan ku xad-gudubka ay Itoobiya ku hayso madax-bannaanideeda iyo wadajirkeeda dhuleed ee Soomaaliya.

2/11/2024 1:29 AM EST
Axad, February, 11, 2024 (HOL) - Wasaaradda Gaashaandhigga Imaaraadka Carabta ayaa shaacisay inay geeriyoodeen saraakiil ciidan oo ka tirsanaa ciidamada qalabka sida ee Imaaraadka iyo sarkaal ka tirsan ciidamada Difaaca Baxreyn oo ay weheliyaan labo kale oo lagu dhaawacay weerarkii xerada Janaraal Goordan.