Hiiraan Online

 

Jimco, April, 19, 2024 (HOL) - Shirkii golaha wadatashiga qaranka ee uu dhawaan iclaamiyay madaxweynaha dowladda Fedaraalka Soomaaliya Xasan Sheekh Maxanuud oo lagu waday in berito uu ka furmo Muqdisho ayaa la sheegay inuu u baaqday sababo farsamo awgood.

War qoraal ah oo kasoo baxay xafiiska Raysal wasaaraha Xukuumadda Fedaraalka ayaa lagu shaaciyay in shirka golaha wadatashiga qaran uu u baaqday cilado farsamo, islamarkaana dib loo dhigay mudo kooban.

Baaqashada shirka golaha wadatashiga qaran ayaa warar hoose oo soo baxaya waxay sheegayaan iney la xariirto mad madow iyo kala shaki soo kala dhex galay madaxda qaar ka mid ah dowlad goboleedyadii xiriirka dhow la lahaa dowladda Federaalka.

Si kastaba ha ahaatee waxaa xusid mudan in Madaxweynaha maamulka Puntland oo ka mid aha madaxda lagu casuumay shirkaan baaqday inuu horey u sheegay inuusan ka qeyb gali doonin shirka golaha wadatashiga oo ugu dambeyn Caawa Xukuumadda Fedaraalka ay shaacisay inuu u baaqday cilado faraamo awgood.

Hoos ka akhriso qoraalka kasoo baxay Xukuumadda oo faahfaahsan:-