3/28/2024
Today from Hiiraan Online:  _
Wararka Maanta- Khamiis, May 25, 2023
33 degmo oo katirsan Puntland oo saakay looga dareeray doorashooyin qof iyo cod ah

Khamiis, May 25, 2023 (HOL) - 33 degmo oo katirsan Puntland ayaa saakay si nabad ah looga codeynayaa, iyadoo dadweynuhu dooranayaan wakiillada ku matalaya golayaasha degaanka ee dowladaha hoose ee Puntland.

Doorashadan oo ah mid dimuqraadi ah ayaa ah middii ugu horreysay oo degaanada Puntland ka dhacda tan iyo sanadkii 1969, waxayna dadweynuhu safaf ugu jiraan inay codkooda ku doortaan xildhibaanada matalaya.

Sida uu sheegay guddiga doorshada ee TPEC, lix urur siyaasadeed ayaa doorashadan ku tartamaya, kuwaas oo kala ah, Kaah, Mideeye, Sincad, Runcad, Mustaqbal, iyo Ifiye.

Doorashadan qof iyo codka ah ayaa waxaa ka maqan Garowe, Dangorayo iyo Godob jiraan, kuwaas oo siyaasiyiinta mucaaradka ay ka hor yimaadeen in doorashada laga qabto, sababa ay ku sheegeen in Deni uu doonayo inuu ku xalaalaysto qorshe muddo kororsi.

Amniga doorashada ayaa aad loo adkeeyay, iyadoo in ka badan 6 kun oo askari loo daad gureeyay goobaha codbixinta ka dhacayso.

Dowladda federalka Soomaaliya ayaa dhawaan ka digtay in ay qalalaase sababi karaan doorashooyinka Puntland, iyadoo ka digtay in doorasho aan heshiis lagu ahayn lagu degdego.

Si kastaba ha ahaatee, doorashada ayaa socondoonta illaa lixda maqribnimo ee caawa, iyadoo kadibna loo gudbidoono tirinta codadka doorashada iyo ku dhawaaqista natiijada.












Click here
5/25/2023 11:11 AM EST
Khamiis, May 25, 2023 (HOL) - Wabiga Shabeelle ayaa fatahaad ka sameeyay saacadahii lasoo dhaafay xaafado ka tirsan degmada Buulaburte ee gobolka Hiiraan.

5/25/2023 9:58 AM EST
Khamiis, May 25, 2023 (HOL) - Shirka Todobaadlaha ee Golaha Wasiirrada Xukuumadda Fedaraalka Soomaaliya oo uu maanta shir guddoominayey Raysal Wasaare ku xigeenka Xukuumadda ahna ku simaha Raysal wasaaraha Saalax Axmed Jaamac ayaa diiradda lagu saaray Fatahaadda Wabiga Shabeelle uu ka sameeyey gobolka Hiiraan, diyaar garowga imtixaanka Shahaadiga ee dugsiga sare iyo dhaqan gelinta nidaaminta bajaajyada ka howlgala Caasimadda dalka.

5/25/2023 7:48 AM EST
Khamiis, May 25, 2023 (HOL) - Wasiirka arrimaha gudaha Puntland Cabdi Faarax Siciid Juxa ayaa nasiib darro ku tilmaamay in siyaasiyiin uu ku sifeeyay saaqidiin ay hor istaageen inay doorasho ka dhacdo magaalada Garowe.

5/25/2023 4:15 AM EST
Khamiis, May 25, 2023 (HOL) - Warar dheeraad ah ayaa kasoo baxaya qarax miino oo saakay ka dhacay agagaarka xarunta degmada Kaxda ee magaalada Muqdisho.

5/25/2023 1:52 AM EST
Khamiis, May 25, 2023 (HOL) - Maamulka gobolka Banaadir ayaa ku dhawaaqay in maanta oo Khamiis ah magaalada Muqdisho uu ka dhaqan galayo jadwalkii loo asteeyay Mooto Bajaajyada ka shaqeeya Muqdisho ee ahaa A iyo B.

5/25/2023 1:35 AM EST
Khamiis, May 25, 2023 (HOL) - Dowldda Mareykanka ayaa cunaqabateyn culus ku soo rogtay 26 qof iyo hay’ado xiriir la leh kooxda Al-Shabaab, iyo Shirkado Soomaaliyeed oo dhoofiya Dhuxusha.