3/28/2024
Today from Hiiraan Online:  _
Wararka Maanta- Isniin, May 22, 2023
Booliska Soomaaliya iyo Atmis oo isku raacay in sare loo qaado amniga dowlad goboleedka Hirshabeelle

Isniin, May 22, 2023 (HOL) - Ciidamada Booliska Soomaaliya iyo kuwa Midowga Afrika ee AMISOM ayaa ku heshiiyey in sare loo qaado amniga dowlad goboleedka Hirshabeelle kadib wada hadalo magaalada Jowhar ku dhex maray taliyeyaasha labada dhinac.

Kulanka ayaa waxaa goob joog ka ahaa Taliyaha Booliska Dowlad Goboleedka Hirshabeelle Col. Xasan Dhicisow, Madaxa Xafiiska Qaramada Midoobay ee Magaalada Jowhar, Gagan Banjara, iyo Madaxa ATMIS ee Booliska Hirshabeelle Marafa Manu.

Sida lagu sheegay war qoraal ah oo uu soo saaray Atmis, Saraakiisha Sare ee Millateriga iyo Booliska ayaa ka wada hadlay sidii loo dardargelin lahaa wada shaqeynta lagu sugayo ammaanka Jowhar.

“Waxaan yeelanay is-dhaafsi wanaagsan, wadahadallo wanaagsan oo ku saabsan sidii aan u wada shaqeyn lahayn, qorsheynta howlgallada si hufan loogula dagaallamo argagixisada Al-Shabaab. Waxaan ku heshiinay in aan sii wadno shirarka noocaan oo kale ah si aan xogta isku weydaarsano, isla markaana loo qorsheeyo howlgallada,” ayuu yiri Taliyaha ATMIS Burundi, Brig. Gen. Jean Claude Niyiburana.

Dagaalka ka dhanka ah kooxda xagjirka ah ayaa noqday mudnaanta koowaad ee ATMIS iyo dowladda Federaalka ah ee Soomaaliya iyadoo dhimista ciidamada uu galay marxalad xasaasi ah.

Brig. Gen. Niyiburana ayaa sheegay in wada shaqeynta ATMIS iyo Booliska Soomaaliyeed ee dowlad goboleedka Hirshabeelle, ay dhabaha u xaari doonto howlgallada ka dhanka ah Al-Shabaab.

Col. Xasan ayaa kulanka ku tilmaamay tallaabo wanaagsan oo loo qaaday sidii loo xoojin lahaa dadaallada wadajirka ah ee lagu wiiqayo Al-Shabaab iyo kooxaha kale ee hubeysan.

“Waxaan ka wada hadalnay sidii loola dagaalami lahaa Al-Shabaab iyo xoreynta deegaanada ay gacanta ku hayaan. Sida aad la socotaan waxaa socda howlgalo ka dhan ah Shabaabka ku sugan Hirshabeelle. Deegaannada bariga webiga Shabeelle waa la xasiliyay, waana la xoreeyay, ujeedkuna wuxuu ahaa in la qorsheeyo sidii loo xoreyn lahaa deegaannada ka harsan galbeedka webiga Shabeelle,” ayuu hadalkiisa ku daray.












Click here
5/22/2023 2:30 PM EST
Isniin, May 22, 2023 (HOL) - Beesha caalamka ayaa Puntland ku bogaadisay sida ay uga go'antahay inay ka mirodhaliyaan ballanqaadkooda ku aadan hirgalinta nidaamka dimoqraadiyadda.

5/22/2023 12:25 PM EST
Isniin, May 22, 2023 (HOL) - Dowladda Itoobiya ayaa shaaca ka qaaday khasaaraha dhabta ah ee ka dhashay dagaalkii mudada labada sano ah ka socday gobolka Tigray, kaas oo dhinacyadii uu dagaalku ka dhaxeeyay ay dhawaan heshiiyeen.

5/22/2023 6:13 AM EST
Isniin, May 22, 2023 (HOL) - Cabdulqaadir Xasan Cabdulle (Sheelare) oo ahaa askari dowladda katirsan, kaasoo lix qof oo shacab ah ku dilay qori Dhashiike ah intii lagu gudo jiray shaqaaqo ka dhacday isgoyska Siinaay ee degmada Yaaqshiid, ayaa maanta lagu xukumay dil toogasho.

5/22/2023 4:36 AM EST
Isniin, May 22, 2023 (HOL) - Sarkaal ciidan oo horey usoo noqday taliye ku xigeenkii ciidanka ilaalada ee garoonka diyaaradaha ee magaalada Garowe ayaa saakay lagu dilay magaalada Garowe.

5/22/2023 4:01 AM EST
Isniin, May 22, 2023 (HOL) - Warar dheeraad ah ayaa kasoo baxaya howlgalo qorsheysan oo ay Xalay ciidanka dowladda ka sameeyeen degmada Howlwadaag ee magaalada Muqdisho, kaasoo lagu soo qabtay xubno ka tirsan Al-shabaab iyo waxyabaaha maanka dooriya.

5/22/2023 2:19 AM EST
Isniin, May 22, 2023 (HOL) - Wabiga Shabeelle ee dhexmara gudaha magaalada Baledweyne ee xarunta gobolka Hiiraan oo sagaalkii bishaan ku fatahay xaafadaha Baledweyne oo sababatay barakaca kumanaan qoys ayaa saacadahii lasoo dhaafay bilaabay inuu ka naqo xaafadaha qaar.

5/22/2023 2:11 AM EST
Isniin, May 22, 2023 (HOL) - Dadka ku nool tuulooyinka xuduudka Kenya iyo Soomaaliya ee ismaamulka Lamu ayaa aad ugu farxay kadib markii lagu dhawaaqay in 90 maalmood gudahood la furayo xadka Kenya iyo Soomaaliya.