3/28/2024
Today from Hiiraan Online:  _
Wararka Maanta- Axad, May 21, 2023
Dowladda Uganda oo tababar usoo xirtay ciidamo katirsan milatariga Soomaaliya
 

Axad, May, 21, 2023 (HOL) - Dowladda Uganda ayaa tababar usoo xirtay ciidamo katirsan milatariga Soomaaliya, kuwaas oo uu tababar uga socday dalka Uganda.

Saraakiil ka socday wasaaradda difaaca Uganda ayaa u hambalyeeysay ciidamada tababarka loo soo xiray, iyagoo xusay in xirfadaha la baray ay muhiim u yihiin ka hortagga argagixisada iyo fulinta howlo gaar ah oo loogu talagalay nabadeynta Soomaaliya.

Waxay xuseen in tababarka wadajirka ah uu xoojinayo iskaashiga difaaca iyo amniga ee labada dal ee Soomaaliya iyo Uganda.

"Tababarka XDS wuxuu gacan ka geystaa horumarinta nabadda iyo amniga gobolka maadaama ay kor u qaadayso dhisidda awooddooda," ayay tiri Hon Huda oo ahayd wakiilka wasiirka difaaca dalka Uganda.

Huda ayaa sidoo kale ku ammaantay Madaxweyne Museveni iyo Madaxweynaha Jamhuuriyadda Federaalka Soomaaliya Xasan Sheekh Maxamuud horumarinta Pan-Africanism-ka, nabadda iyo amniga gobolka.

Wasiirka Gaashaandhigga Soomaaliya Cabdulqaadir Maxamed Nuur oo ka hadlay tababarka loosoo xiray ciidamadan, ayaa ku ammaanay Madaxweyne Museveni iyo dhammaan ciidamada UPDF gacanta ay ka geystaan la dagaalanka argagixisada Soomaaliya.

Wuxuu yiri: Nafhurnimadiina iyo taageeradiina Soomaaliya mar walba waa la qaddarin doonaa inta aan la dagaallamayno argagixisada si loo helo Soomaaliya ammaan ah. Mar walba waanu u ka mahadcelin doonnaa doorla Uganda."

Wasiirka Difaaca Soomaaliya oo hadalkiisa sii wata ayaa ku bogaadiyay kor u qaadista tayada Ciidanka xoogga dalka Soomaaliyeed, isagoo yiri “XDS waxay qori doonaan taariikhda ciidanka difaaca Uganda ee ku sugan Soomaaliya”.












Click here
5/21/2023 5:16 PM EST
Axad May 21, 2023 (HOL) - Safiirka Soomaaliya u fadhiya dalka Sacuudi Arabia danjire Saalim Macow Xaaji ayaa iscasilay sababo la xariira dhaqan xume ay kula kaceen wafdigii madaxweynaha ee shirka Jaamacadda kaga qayb-galay magaalada Jidda ee dalka Sacuudiga.

5/21/2023 11:07 AM EST
Axad, May, 21, 2023 (HOL) - Hay'adda Maareynta Musiiboyinka Qaranka Soomaaliya ee SoDMA ayaa Maanta diyaarad sida shixnad gargaar oo daawo ah u dirtay magaalada Laascaanood ee xarunta gobolka Sool oo ay ka socdaan tan iyo bishii labaad ee sanadkaan dagaalo qaraar oo u dhaxeeya ciidamada Somaliland iyo kuwa dadka deegaanka Laascaanood.

5/21/2023 10:02 AM EST
Axad, May, 21, 2023 (HOL) - Wararka ka imaanaya gobolka Galgaduud ee maamulka Galmudug ayaa sheegaya in ciidamada dowladda Soomaaliya oo kaashanaya kuwa dadka deegaanka iney Maanta u ruqaansadeen dhinaca degmada Ceelbuur ee gobolka Galgaduud.

5/21/2023 9:54 AM EST
Axad, May, 21, 2023 (HOL) - Guddoomiyaha xisbiga UCID ee Somaliland Faysal Cali Waraabe, ayaa sheegay in Somaliland anay la hadli doonin ergayga wadahadal Somaliland iyo Soomaaliya ee dhawaan uu Madaxweyne Xasan Sheekh magacaabay.

5/21/2023 6:47 AM EST
Axad, May, 21, 2023 (HOL) - Dowladda federalka Soomaaliya ayaa sida aan xogta ku helayno waxay casuumaad u fidisay Isimada SSC ee ku sugan magaalada Laascaanood, si ay u yimaadaan magaalada Muqdisho.

5/21/2023 3:05 AM EST
Axad, May, 21, 2023 (HOL) - Raysal wasaaraha Xukuumadda fedaraalka Soomaaliya Xamse Cabdi Barre ayaa sheegay in dib loo dhigay qaadista Imtxaanka shahaadiga ah ee ardayda magaalada Baledweyne, sababo la xariira fataahada wabiga Shabeelle uu ka sameeyay Baledweyne oo ay ku barakaceen kumanaan qoys.

5/21/2023 1:58 AM EST
Axad, May, 21, 2023 (HOL) - Dowladda Soomaaliya ayaa sheegtay inuu geeriyooday horgooje sare oo katirsanaa kooxda Alshabaab oo lagu magacaabo Mahad Cagadub.