3/29/2024
Today from Hiiraan Online:  _
Wararka Maanta- Sabti, Mar 18, 2023
Madaxweynaha Soomaaliya oo gaaray Uganda si uu tababar ugusoo xiro ciidamo
 

Sabti, Maarso, 18, 2023 (HOL) - Madaxweynaha Soomaaliya Xasan Sheekh Maxamuud ayaa gaaray caawa magaalada Kambaala ee dalka Uganda.

Safarka madaxweyne Xasan Sheikh ayaa ku saabsan tababar uu usoo xirayo cutubyo ka tirsan Ciidamada Qalabka Sida ee Soomaaliyeed, kuwaas oo tababar ku qaadanayay dalka Uganda.

Madaxweyne Xasan Sheikh Maxamuud ayaa uga mahadceliyey dowladda Uganda doorka ay ka qaadanayso dib u dhiska Ciidamada Soomaaliyeed ee wajahaya dagaalka ka dhanka ah Alshabaab.

Madaxweyne Xasan Sheekh Maxamuud ayaa adkeeyey muhiimadda ay leedahay dib u habaynta Ciidanka Qalabka Sida oo uu sheegay inay aas-aas u yihiin dowladnimada iyo in guul deg-deg ah laga gaaro dagaalka dalka lagaga sifaynayo Alshabaab.

Madaxweynaha dalka Uganda ayaa horey u ballanqaaday inuu dalkiisa ka caawinayo Soomaaliya tababarka ciidamada qalabka sida.

Madaxweyne Museveni ayaa  aaminsan in xalka amni ee Soomaaliya uu ku jiro dib u dhiska ciidanka qaranka Soomaaliya si ay masuuliyadda ugala wareegaan ciidamada midowga Afrika ee ATMIS.












Click here
3/18/2023 3:34 PM EST
Sabti, Maarso, 18, 2023 (HOL) - Afhayeenka Guddida 33-ka ee Laascaanood ku sugan, ayaa ciidamada Somaliland ku eedeeyay in ay laayeen maxabiis ay ka qabteen xoogaga dagaalka kula jira.

3/18/2023 9:44 AM EST
Sabti, Maarso, 18, 2023 (HOL) - Alle ha u naxariistee waxa magaalada Boorama ku geeriyootay fannaanadii codka halaasiga ah lahayd ee Aamina Cabdillaahi Xirsi.

3/18/2023 6:23 AM EST
Sabti, Maarso, 18, 2023 (HOL) - Allaha ha u naxariistee, waxaa xalay magaalada Muqdisho ku geeriyooday xildhibaan Maxamuud Maxamed Seeyseey oo katirsanaa barlamaanka Soomaaliya, sida u shaaciyay guddoomiyaha Golaha Shacabka Sheekh Aadan Madoobe.

3/18/2023 6:17 AM EST
Sabti, Maarso, 18, 2023 (HOL) - Xukuumada Somaliland ayaa sheegtay in ay dagaalka saaka ka dhacay duleedka Laascaanood ku qabatay 20 maxbuus, 2 baabuur, 15 qori oo kuwa culus ah iyo hub fudud oo tiro badan.

3/18/2023 2:52 AM EST
Sabti, Maarso, 18, 2023 (HOL) - Wararka ka imaanaya magaalada Lamu ee gobolka Waqooyi Bari dalka Kenya ayaa sheegaya in qarax miino oo geystay khasaare dhmasho iyo dhaawac leh lagula eegtay duuleedka magaaladaasi gaari ay leeyihiin ciidamada dalka Kenya.

3/18/2023 2:01 AM EST
Sabti, Maarso, 18, 2023 (HOL) - Dagaal xooggan oo u dhaxeeya ciidamada Somaliland iyo kuwa SSC ayaa saakay ka billowday dhowr jiho oo magaalada Laascaanood ah.

3/18/2023 1:49 AM EST
Sabti, Maarso, 18, 2023 (HOL) - Somaliland ayaa sheegtay in kooxo ay ku tilmaantay huwan, oo ay sheegtay in argagixiso kamid tahay isla markaana ay Puntland hogaaminayso ay weerar muddo la qorshaynayay kusoo qaadeen fadhiisimada millatariga ee aaga Laascaanood.