2/27/2024
Today from Hiiraan Online:  _
Wararka Maanta- Arbaco, Mar 15, 2023
Dowladda Imaaraatka Carabta oo Muqdisho geysay 800tan oo mucaawino ah

Arbaco, Maarso, 15, 2023 (HOL) - Dowladda Imaaraatka Carabta ayaa maanta Muqdisho ka dajisay gargaar mucaawino ah oo gaaraya 800 tan.

Dowladda Imaaraatka ayaa gargaarkan ugu talo gashay in la gaarsiiyo qoysaska Soomaaliyeed ee tabaalaysan ee ku nool gobolada dalka, si ay bisha Ramadaan u helaan raashin ay quutaan.

Safiirka Imaaraatka u fadhiya Soomaaliya, Ahmed Juma Al-Rumaithi, ayaa sheegay inay shacabka Soomaaliyeed la qeyb sanayaan dhibaatada ay wajahaan xilligan.

Agaasimaha hay’adda maaraynta masiibooyinka Soomaaliya, Maxamuud Macallin, ayaa mucaawinadan ka guddoomay safiirka, isagoo ballanqaaday in la gaar siindoono guud ahaan gobolada dalka oo aan ka ahayn degaanada ay haystaan Alshabaab.

Imaaraatka Carabta ayaa kamid ah dowladaha safka hore uga jiray taakulada Soomaaliya. Gaar ahaan intii dowladdan jirto waxay dhowr jeer Soomaaliya geeyeen mucaawino.

Bishii August ee sanadkii hore, Imaaraatka ayaa Soomaaliya keenay mucaawino ka koobnayd 40 konteenar oo ay ku jiraan raashin kala duwan oo loogu talagalay dadka ay abaaruhu sida ba’an u saameeyeen, taasoo gaartay heer aad u xun oo ay ku barakaceen in ka badan 1 milyan oo qof.

Kaddib markii uu dib usoo noqday xiriirka labada dal, Dowladda dalkaas ayaa sheegtay inay xoojinayso gurmadka biniaadinimo ee Soomaaliya.













Click here
3/15/2023 11:09 AM EST
Arbaco, Maarso, 15, 2023 (HOL) - Waxaa magaalada Dhuusamareeb ee xarunta maamulka Galmudug lagu soo gabagabeeyay shir afartii maalmood ee lasoo dhaafay halkaasi uga socday Wasaaradda Ganacsiga Xukuumadda Federaalka Soomaaliya iyo Wasaaradaha Ganacsiga dowlad gooboleedyada kala ah Galmudug, Jubbaland, Hirshabeelle, Koonfur Galbeed iyo Maamulka Gobolka Banaadir.

3/15/2023 6:27 AM EST
Arbaco, Maarso, 15, 2023 (HOL) - Afhayeenka Guddida 33-ka ee Laascaanood ku sugan, ayaa sheegay in anay hirgalin xabad joojintii xukuumada Somaliland ku dhawaqday, iyo in anay wadahadal aqbalayn ilaa ciidamada Somaliland Oog tagaan.

3/15/2023 5:58 AM EST
Arbaco, Maarso, 15, 2023 (HOL) - Puntland ayaa sheegtay inay kasoo horjeedo qorshaha dowladda Federaalka Soomaaliya ay ku doonayso in ay deymo uga hesho hay’adaha caalamiga ah iyo dalalka deeqaha bixiya.

3/15/2023 3:54 AM EST
Arbaco, Maarso, 15, 2023 (HOL) - Dowladda Fedaraalka Soomaaliya ayaa markale shaaca ka qaaday in ciqaab adag la marsiin doono cid walba oo lagu helo iney ka mid tahay kooxda Al-shabaab ama garab u noqota.

3/15/2023 2:30 AM EST
Aqoonta cusub ee daaweynta unugyada asliga ah (stem cell therapy) ayaa waa cusub u furtay daaweynta cuduro kala duwan. Qaar ka mid ah cudurada ku dhaca indhaha ayaa ka mid kuwa lagu daaweyn karo habkaan cusub ee daaweynta unugyada (Stem Cell therapy). Haddii laga helo ogolaasho Wasaaradda Caafimaadka ee qaabilsan arrintaan, bukaano badan ayaa ka faa’ideysan karo aqoontaan cusub ee daaweynta unugyada (Stem Cell Therapy).

3/15/2023 1:17 AM EST
Arbaco, Maarso, 15, 2023 (HOL) - Maxkamadda ciidamada qalabka sida ee Soomaaliya ayaa saakay xukun dil ah ku fulisay saddex nin oo katirsanaa Alshabaab.