2/22/2024
Today from Hiiraan Online:  _
Wararka Maanta- Isniin, Mar 13, 2023
Golaha Aqalka Sare oo Maanta ansixiyay Guddiga Madaxa banaan ee dib u eegista Dastuurka
 

Isniin, Maarso, 13, 2023 (HOL) - Golaha Aqalka Sare ee Baarlamaanka Fedaraalka Soomaaliya oo uu shir guddoominaayay guddoomiye ku xigeenka koowaad Cali Shacbaan Ibraahin ayaa Maanta cod aqlabiyad leh ku ansixiyay xubnaha guddiga madaxa banaan ee dib u eegista Dastuurka dalka.

Xubnaha gudigan ay Maanta ansixiyeen Golaha Aqalka Sare oo ka kooban 5 xubnood oo kala ah Maxamed Xasan Idiris, Farxiya Muumin Cali, Burhaan Aadan Cumar, Axmed Maxamuud Jaamac iyo Maxamed Cabdalla Saalax ayaa 11-kii bishaan waxaa horay u soo ansixiyay Golaha Shacabka Baarlamaanka Fedaraalka Soomaaliya.

Guddigan waxaa Golaha Aqalka Sare ee Baarlamaanka Fedaraalka Soomaaliya horgeeyay Wasaaradda Caddaalada iyo Arrimaha Dastuurka Xukuumadda Soomaaliya.

Ansixinta guddigaan ee Golaha Aqalka Sare waxaa ogolaatay 30 Senatar mana jirin Senatar diiday ama ka aamusay codeynta xubnaha guddigaan madaxa banaan ee dib u eegista Dastuurka.

Ansixinta guddigaan madaxa banaan ee dib u eegista Dastuurka ayaa kusoo beegmeysa, iyadoo horay dhowr hindise sharciyeed  u soo ansixyeen labada Gole ee Barlamaanka Soomaaliya, islamarkaana kuwa kale ay horyaalaan ansixintooda.













Click here
3/13/2023 4:54 PM EST
Isniin, Maarso, 13, 2023 (HOL) - Guddiga amniga gobolka Mudug ee Puntland ayaa amray in masaajidda kuyaalla magaalada Gaalkacyo lagu xiro kaamirooyinka qarsoon ee ka qeyb qaata sugida amniga .

3/13/2023 10:37 AM EST
Isniin, Maarso, 13, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo Maanta magaalada Muqdisho ka daahfuray shirweynaha qaran ee Waxbarashada dalka ayaa sheegay in dowladdiisa ay ka go'an tahay dib u soo nooleynta, mideynta iyo tayeynta nidaamka Waxbarashada dalka.

3/13/2023 7:43 AM EST
Isniin, Maarso, 13, 2023 (HOL) - Goob uu madaxweynaha Soomaaliya Xasan Sheikh Maxamuud uga qeyb galayay shirweynaha waxbarashada Soomaaliya, ayaa si kedis ah waxaa halmar uga kacay dab ka dhashay fiilooyinka korontada.

3/13/2023 3:28 AM EST
Isniin, Maarso, 13, 2023 (HOL) - Soomaaliya iyo Shiinaha ayaa ku heshiiyey in ay iska kaashadaan la dagaallanka argagixisada ka dib wada hadal dhexmaray Wasiirka Gaashaandhigga Soomaaliya, C/qaadir Maxamed Nuur iyo Safiirka Shiinaha ee Soomaaliya, Fei Shengchao.

3/13/2023 3:13 AM EST
Isniin, Maarso, 13, 2023 (HOL) - Ciidamada Kumaandooska xoogga dalka Soomaaliyeed oo kaashanaya ciidanka Daraawiishta maamulka Jubbaland ayaa saacadahii lasoo dhaafay howlgalo qorsheysaysan ka sameeyay deegaanka Miido oo ka mid ah deegaanada hoostaga degmada Afmadoow ee gobolka Jubbada Hoose.

3/13/2023 1:37 AM EST
Isniin, Maarso, 13, 2023 (HOL) - Maxkamadda ciidamada qalabka sidda ee Soomaaliya, ayaa saakay xukun dil ah ku fulisay labo askari oo katirsanaa ciidanka dowladda.