3/28/2024
Today from Hiiraan Online:  _
Wararka Maanta- Isniin, Mar 13, 2023
Howlgal lagu dilay 7 ka mid dagaalamayaasha Al-shabaab oo ka dhacay gobolka Jubbada Hoose
 

Isniin, Maarso, 13, 2023 (HOL) - Ciidamada Kumaandooska xoogga dalka Soomaaliyeed oo kaashanaya ciidanka Daraawiishta maamulka Jubbaland ayaa saacadahii lasoo dhaafay howlgalo qorsheysaysan ka sameeyay deegaanka Miido oo ka mid ah deegaanada hoostaga degmada Afmadoow ee gobolka Jubbada Hoose.

Ciidamada ayaa howlgalkooda ka fuliyay nawaaxiga deegaanka Miido oo qiyaas ahaan degmada Afmadoow u jirta 26 KM, waxayna halkaasi ku burburiyeen ciidamada xarumo kooxda Al-shabaab ku lahayeen.

Taliyaha Ururka 5-aad ee guutada 16-aad ee ciidanka Kumaandooska Danab Carab Dheeg Axmed ayaa warbaahinta qaranka u sheegay in holwgalkaasi ay ku dileen 7 ka mid ah dagaalamayaasha Ururka Al-shabaab oo uu ku jiro Sarkaal magaciisa uu kusoo koobay Asad, islamarkaana lagu dhaawacay 5 xubnood oo kale.

Wuxuu sidoo kale Taliyaha uu sheegay in howlgalka ay ciidamada kusoo qabsadeen hub kala ah 4 qori oo Ak47 ah iyo 1 qori BKM ah oo ay Soomaalida u taqaano Dabajeex, isagoona xusay iney sii wadi doonaan howlgalada ka dhanka ah kooxda Al-Shabaab.

Ciidamada dowladda Soomaaliya iyo kuwa maamulka Jubbaland ayaa mudoiyinkii dambe deegaano ka tirsan gobolka Jubbada Hoose ka waday howlgalo ka dhan ah Al-shabaabka ku sugan deegaanadaasi.












Click here
3/13/2023 4:54 PM EST
Isniin, Maarso, 13, 2023 (HOL) - Guddiga amniga gobolka Mudug ee Puntland ayaa amray in masaajidda kuyaalla magaalada Gaalkacyo lagu xiro kaamirooyinka qarsoon ee ka qeyb qaata sugida amniga .

3/13/2023 11:35 AM EST
Isniin, Maarso, 13, 2023 (HOL) - Golaha Aqalka Sare ee Baarlamaanka Fedaraalka Soomaaliya oo uu shir guddoominaayay guddoomiye ku xigeenka koowaad Cali Shacbaan Ibraahin ayaa Maanta cod aqlabiyad leh ku ansixiyay xubnaha guddiga madaxa banaan ee dib u eegista Dastuurka dalka.

3/13/2023 10:37 AM EST
Isniin, Maarso, 13, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo Maanta magaalada Muqdisho ka daahfuray shirweynaha qaran ee Waxbarashada dalka ayaa sheegay in dowladdiisa ay ka go'an tahay dib u soo nooleynta, mideynta iyo tayeynta nidaamka Waxbarashada dalka.

3/13/2023 7:43 AM EST
Isniin, Maarso, 13, 2023 (HOL) - Goob uu madaxweynaha Soomaaliya Xasan Sheikh Maxamuud uga qeyb galayay shirweynaha waxbarashada Soomaaliya, ayaa si kedis ah waxaa halmar uga kacay dab ka dhashay fiilooyinka korontada.

3/13/2023 3:28 AM EST
Isniin, Maarso, 13, 2023 (HOL) - Soomaaliya iyo Shiinaha ayaa ku heshiiyey in ay iska kaashadaan la dagaallanka argagixisada ka dib wada hadal dhexmaray Wasiirka Gaashaandhigga Soomaaliya, C/qaadir Maxamed Nuur iyo Safiirka Shiinaha ee Soomaaliya, Fei Shengchao.

3/13/2023 1:37 AM EST
Isniin, Maarso, 13, 2023 (HOL) - Maxkamadda ciidamada qalabka sidda ee Soomaaliya, ayaa saakay xukun dil ah ku fulisay labo askari oo katirsanaa ciidanka dowladda.