Khamiis, October, 26, 2023 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa maanta magacaabay Golaha hanaanka casriyeynta iyo isbadalka Soomaaliya.
Magacaabista Golahaan ayaa la tilmaamay in looga golleyahay dhismaha iyo kobcinta isbeddel horseedaya Horumar waara, islamarkaana saldhig u noqon kara Soomaaliya xasiloon, maamul hufnaan leh oo dhaqaale ahaan isku filanan karo sida lagu sheegay war kasoo baxay Xafiiska Raysal wasaaraha Soomaaliya.
Golahaan cusub ee uu magacaabay Raysal wasaare Xamse Cabdi Barre ayaa ka kooban 13 wasiir iyo 6 xubnood oo ka tirsan Xafiiskiisa oo ay ku jiraan lataliyeyaal sar sare.
"Hanaanka casriyeynta iyo isbeddelka Soomaaliya ayaa abuuraya dadaalo isku dhafan oo ay qeyb ka yihiin dhammaan Wasaaradaha Xukuumadda, Dowladaha xubinta ka ah Dowladda Federaalka, Saaxiibada Caalamiga ah, Ururrada aan Dowliga ahayn, Ganacsatada iyo Bulshada Rayidka ah, si loo hagaajiyo Maamulka, sare loogu qado Horumarinta Dhaqaalaha, daryeelka bulshada iyo in la dhiso kaabayaasha dhaqaalaha" ayaa lagu yiri war kasoo baaxay Xafiiska Raysal wasaaraha Xamse Cabdi Barre.
Hoos ka akhriao Xubnaha Golaha Hannaanka Casriyeynta iyo Isbeddelka Soomaaliya ee la magacaabay:1. Mudane Biixi limaan Cige, Wasiirka Maaliyadda
2. Mudane Faarax Sheekh Cabdulqaadir, Wasiirka Waxbarashada,Hiddaha iyo Tacliinta Sare
3. Mudane Axmed Macalin Fiqi, Wasiirka Arrimaha Gudaha, Federaalka iyo Dib-u-heshiisiinta
4. Mudane Maxamud Cabdiraxmaan Sheekh Faarax (Beene Beene), Wasiirka Qorshaynta
5. Mudane Cabdirisaaq Cumar Maxamed, Wasiirka Batroolka iyo Macdanta
6. Mudane Maxamed Axmed Shekh Cali (Doodishe), Wasiirka Amniga Gudaha
7. Mudane Axmed Madoobe Nuunow, Wasiirka Beeraha iyo Waraabka
8. Marwo Fardowsa Cismaan Cigaal, Wasiirka Gaadiidka iyo Duulista Hawada
9. Dr. Maxamed Cilmi Ibraahim, Wasiirka Shaqada iyo Arrimaha Bulshada
10. Mudane Jaamac Takhal Cabbaas, Wasiirka Biyaha iyo Tamarta
11. Mudane Axmed Xasan Aadan, Wasiirka Kalluumeysiga iyo Dhaqaalaha Buluugga ah
12. Mudane Jibril Cabdirashid Xaaji Cabdi, Wasiirka Ganacsiga iyo Warshadaha
13. Marwo Khadiija Maxamed Almakhsuumi, Wasiirka Deegaanka iyo Isbeddelka Cimillada
Golahan ayaa waxaa shir guddoomin doona Ra'iisul Wasaaraha Xukuumadda JFS, waxa ayna yeelan doonaan Xoghayn ka kooban:1. Mudane Maxamed Abuukar Zubeyr, Xoghayaha Joogtada ah ee Xafiiska Ra’iisul Wasaaraha
2. Maxamed Cabdiraxmaan Maxamed (Boolbool), Agaasimaha Golaha Wasiirada ee XRW
3. Mudane Kamaludin Dahir Xasan, La-taliye, Arrimaha Amniga RW
4. Cabdirisaaq Cali Ibraahim, La-taliye, Horumarinta iyo Xiriirinta Barnaamijyada ee XRW.
5. Axmed Cumar Maxamed, La-taliye, Arrimaha Golaha Wasiirada ee XRW
6. Xasan Cabdulaahi Diiriye, La-taliye, Horumarinta iyo Tayaynta Maamulka Hay'adaha Dowladda ee XRW.