6/8/2023
Today from Hiiraan Online:  _
Wararka Maanta- Sabti, May 20, 2023
Dagaal sababay dhimashada 10 ruux oo ka dhacay gobolka Shabeellaha Hoose
 

Sabti, May, 20, 2023 (HOL) - Warar dheeraad ah ayaa kasoo baxaya dagaal khasaare badan geystay oo saacadahii lasoo dhaafay ka dhacay duuleedka degmada Wanlaweyn ee gobolka Shabeellaha Hoose, kaasoo dhexmaray laba maleeshiyo beeleed oo walaalo ah.

Dagaalkaan u dhaxeeya labada maleeshiyo beeleed ayaa xoogiisa dhacay Shalay galinkii dambe, kaasoo qaatay saacado badan soona gaaray ilaa Xalay fiidkii hore.

Dagaal beeleedkaan ayaa la sheegay iney ku dhinteen dad gaaraya 10 ruux oo labada dhinac ah, islamarkaana tiro intaas ka badan ay ku dhaawacneen sida ay warbaahinta gudaha u sheegeen ilo deegaanka ah.

Wararka ayaa sidoo kale sheegaya in dagaalkaan uu yahay md salka ku haaya muran mudo dheer soo taagana oo la xariira lahaan shaha dhul ku yaala deegaano hoostaga degmada Wanlaweyn ee gobolka Shabeellaha Hoose.

Wararkii ugu dambeeyay ee laga helayo deegaanada labada maleeshiyo beeleed ay ku dagaalameen ayaa sheegaya in maanta xaaladu ay tahay mid wali kacsan.

Ma jirto ilaa hada wax war ah oo kasoo baxay saraakiisha laamaha amaanka iyo maamulka degmada Wanlaweyn ee gobolka shabeellaha Hoose oo ku aadan dagaal beeleedka ka dhacay duuleedka degmadaas.












Click here
Agab iyo saanad ciidan oo loo waday Al-shabaab oo markale lagu qabtay Dekadda Muqdishu
5/20/2023 11:22 AM EST
Sabti, May, 20, 2023 (HOL) - Ciidanka Nabadsugida iyo Sirdoonka Qaranka Soomaaliya ayaa Maanta markale dekada magaalada Muqdisho ku qabtay agab iyo saanad ciidan oo la sheegay in loo waday kooxda Al-shabaab.

Crisis Group: Waxa la gaadhay xiligii Somaliland iyo Dhulbahante wadahadli lahaayeen
5/20/2023 11:11 AM EST
Sabti, May, 20, 2023 (HOL) - Hay'adda Xasaradaha Adduunka ee International Crisis Group, ayaa dhinacyada Laascaanood ku dagaalamaya ugu baaqday in ay wadahadlaan.

Raysal wasaare Xamse oo dhalinyarada ka codsaday iney kala shaqeeyaan Xukuumadiisa ciribtirka afar waxyaabood
5/20/2023 10:07 AM EST
Sabti, May, 20, 2023 (HOL) - Raysal Wasaaraha Xukuumada Federaalka Soomaaliya Xamsa Cabdi Barre ayaa Maanta magaalada Muqdisho ka furay Shirweynaha Qaran ee dhallinyarada Soomaaliyeed oo lagu dhaqan gelinayo Siyaasadda Qaran ee Dhallinyarada.

Guddoomiye ku xigeenkii ONLF oo is casilay
5/20/2023 5:45 AM EST
Sabti, May, 20, 2023 (HOL) - Daahir Maxamed Cali ( Daahir Baasto ) oo ahaa Guddoomiye ku xigeenka Ururka ONLF ayaa is casilay, kaddib markii uu Daahir baasto ku eedeeyay hoggaanka ONLF inuu ururka ka leexiyay wadadii loo aasaasay oo ahayd inay ka tarjumaan baahiyaha Shacabka dowlad degaanka Soomaalida.

Madaxweyne Deni: Koox yar oo riyoonaysa ayaa diidan dowladnimada iyo dimuqraadiyadda Puntland
5/20/2023 3:41 AM EST
Sabti, May, 20, 2023 (HOL) - Madaxweynaha maamulka Puntland, Siciid Cabdullaahi Deni ayaa sheegay inay koox yar kasoo horjeedaan doorashooyinka dimuqraadiyadda, isagoo kooxdaas ku tilmaamay kuwo riyoonaya.

Siyaasiyiiinta mucaraadka Puntland oo beeniyay inay ka hor yimaadeen wada hadalka doorashada
5/20/2023 3:09 AM EST
Sabti, May, 20, 2023 (HOL) - Madasha siyaasiyiinta mucaaradka Puntland ayaa sheegay in aysan ka warqabin ama aysan diidin wadahadallo looga hadlayo muranka doorashada Puntland.

Madaxweyne Xasan Sheekh Maxamuud oo kulan la qaatay dhaxal sugaha dalka Boqotooyada Sacuudiga
5/20/2023 2:50 AM EST
Sabti, May, 20, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ku sugan wadanka Boqortooyada Sacuudi Carabiya ayaa kulan kula qaatay halkaasi dhaxal sugaha dalka Sacuudiga Amiir Maxamed Binu Salmaan.

IMF oo soo gabagabeysay dib u eegistii shanaad ee barnaamijka deyn cafinta Soomaaliya
5/20/2023 1:03 AM EST
Sabti, May, 20, 2023 (HOL) - Hey'adda Lacagta Adduunka ee IMF ayaa warbixin ka soo saartay qiimaynta hannaanka dib-u-eegista 5-aad ee Barnaamijka Deyn Cafinta Soomaaliya.