1/27/2023
Today from Hiiraan Online:  _
Wararka Maanta- Axad, Jan 22, 2023
Taliska Booliiska gobolka Banaadir oo sheegay in goordhaw lasoo afjarayo weerarka ka socda Aqalka Dowladda Hoose
 

Axad, January, 22, 2023 (HOL) - Waxaa wali ka socda gudaha xarunta Aqalka dowladda Hoose ee Xamar dagaal u dhaxeeya ciidamada dowladda Soomaaliya iyo dagaalamayaal ka tirsan shabaab oo duhurnimadii Maanta halkaasi ku galay weerar qaraxyo ku bilaawday.

Taliska Booliiska gobolka Banaadir ayaa goordhaw shaaciyay in gudaha xarunta Aqalka dowladda hoose ay kasoo badbaadiyeen inta badan Shaqaalaha kala duwan ee gobolka, islamarkaana uu socdo howlgalkii ugu dambeeyay ee lagu soo afjarayo weerarka.

Qoraalka kasoo baxay Taliska Booliiska Banaadir ayaa sidoo kale lagu sheegay in ciidamada Haramcad ee sida gaarka ah u tababaran ay bilaawgii hore ee howlgalka iney toogasho ku dileen xubno ka mid ah dableyda gudaha u gashay xarunta aqalka dowladda hoose.

"Taliyaha Qeybta Guud ee Booliska Gobolka Banaadir G/le sare Macalin Mahdi ayaa weli ku sugan xarunta Aqalka Dowladda Hoose ee Xamar, waxaana haatan socda afjarkii ugu danbeeyay ee haraadiga Kooxda Khawaarijta ah ee Weerarka kusoo qaaday xarunta Gobolka Banaadir" ayaa lagu yiri war kasoo baxay Taliska Booliiska Banaadir.

Wali lama oga khasaaraha rasmiga ah ee tirada dhimashada weerarkan Al-shabaab ku galeen gudaha xarunta maamulka gobolka Banaadir, waxaana wararkii ugu dambeeyay ee haatan kusoo dhacaya Warqabadka HOL ay sheegayaan in weerarka ay soo afjareen daqiiqado kooban ka hor ciidamada Booliiska ee sida gaarka u tababaran ee Haramcad.

Lasoco wixii kusoo kordha wararkan.












Click here
1/22/2023 10:29 AM EST
Axad, January, 22, 2023 (HOL) - Ciidanka booliiska gaarka ah ee Haramcad ayaa goor dhowayd ku guulaystay inay soo afjaraan kooxdii Alshabaab ee weerarka ku qaadday xarunta gbolka Banaadir.

1/22/2023 5:42 AM EST
Axad, January, 22, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa cafis u fidiyey askartii dhowaan ka qeyb qaadatay shaqaqadii ka dhacday magaalada Baydhabo.

1/22/2023 5:23 AM EST
Axad, January, 22, 2023 (HOL) - Qaraxyo aad u xoogan oo Ismiidaamin ah ayaa goordhaw laga maqlay jugtooda inta badan degmooyinka gobolka Banaadir, kuwaas oo lasoo sheegayo iney ka dhaceen nawaaxiga xarunta maamulka gobolka Banaadir.

1/22/2023 3:33 AM EST
Axad, January, 22, 2023 (HOL) - Howlgalka Midowga ee ATMIS ayaa si rasmi ah ugu wareejiyay Dowladda Federaalka Soomaaliya xerada Maslax ee degmada Huriwaa, halkaas oo ay haysteen tan iyo sanadkii 2012-kii.

1/22/2023 1:12 AM EST
Axad, January, 22, 2023 (HOL) - Warar dheeraad ah ayaa kasoo baxaya dab khasaare badan geystay oo Xalay ka kacay qeybo ka mid ah Suuqa Bakaaraha ee magaalada Muqdisho, kasoo damintiisa ay qaadatay saacado badan.

1/22/2023 12:35 AM EST
Axad, January, 22, 2023 (HOL) - Ciidanka Xoogga dalka Soomaaliyeed iyo kuwa deegaanka ee ku sugan degmada Ceeldheer ee gobolka Mudug ayaa howlgalo qorsheysan ku qabtay saddex Horjooge oo ka tirsan kooxda Alshabaab.