1/27/2023
Today from Hiiraan Online:  _
Wararka Maanta- Axad, Jan 22, 2023
Faahfaahino kasoo baxaya dab khasaare geystay oo Xalay ka kacay Suuqa Bakaraaha ee magaalada Muqdisho
 

Axad, January, 22, 2023 (HOL) - Warar dheeraad ah ayaa kasoo baxaya dab khasaare badan geystay oo Xalay ka kacay  qeybo ka mid ah Suuqa Bakaaraha ee magaalada Muqdisho, kasoo damintiisa ay qaadatay saacado badan.

Dabka ayaa la sheegay in markii hore uu ka kacay qeybta lagu iibiyo Maacuunta, hayeshee uu ku faafay qeybo kale ay ka mid yihiin Dahabka, Malabka iyo harqaanlayaasha Tafaariiqda, waxaana daminta dabkaasi iska kaashaday gaadiidka dab damiska ee maamulka gobolka Banaadir iyo Shirkadadaha gaarka loo leeyahay iyo dad shacab ah.

Warar aan la xaqiijin ayaa sheegaya in dabka ka kacay Suuqa Bakaaraha uu markii hore ka bilowday koronto ku jirtay goob maqaayad ah, hayeeshee waxaa sidaan oo kale dhowr jeer uu dab uga kacay Suuqa Bakaaraha oo ah Suuqa ganacsi ee ugu weyn Soomaaliya.

Amaanka Suuqa Bakaraaha ee Xalay dabka ka kacay waxaa sugaayay ciidamo ka tirsan Booliiska Banaadir oo uu hoggaaminaayay Taliyaha Qeybta Guud ee Booliska Gobalka Banaadir Gaashaanle sare Macalin Mahdi oo ku sugnaa goobta Dabka ka kacay ee suuqa Bakaaraha gaar ahaan qeybta dahablaha, waxaa la fasaxay mudadii dabka la daminaayay isticmaalka Mooto Bajaajta oo horay loo joojiyay socodkeeda wixii ka dambeeya 12:00 habeenimo.

Qaar ka mid ah ganacsatada goobaha ganacsi ku lahaa meelaha gubtay oo warbaahinta gudaha la hadlay ayaa sheegeen inuu dabka baabi'iyay goobo badan oo ganacsi, islamarkaana lagu waayay hanti farabadan, hayeeshee wali tirakoob rasmi ah lagama soo saarin khasaaraha uu geystay dabka.












Click here
1/22/2023 10:29 AM EST
Axad, January, 22, 2023 (HOL) - Ciidanka booliiska gaarka ah ee Haramcad ayaa goor dhowayd ku guulaystay inay soo afjaraan kooxdii Alshabaab ee weerarka ku qaadday xarunta gbolka Banaadir.

1/22/2023 10:25 AM EST
Axad, January, 22, 2023 (HOL) - Waxaa wali ka socda gudaha xarunta Aqalka dowladda Hoose ee Xamar dagaal u dhaxeeya ciidamada dowladda Soomaaliya iyo dagaalamayaal ka tirsan shabaab oo duhurnimadii Maanta halkaasi ku galay weerar qaraxyo ku bilaawday.

1/22/2023 5:42 AM EST
Axad, January, 22, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa cafis u fidiyey askartii dhowaan ka qeyb qaadatay shaqaqadii ka dhacday magaalada Baydhabo.

1/22/2023 5:23 AM EST
Axad, January, 22, 2023 (HOL) - Qaraxyo aad u xoogan oo Ismiidaamin ah ayaa goordhaw laga maqlay jugtooda inta badan degmooyinka gobolka Banaadir, kuwaas oo lasoo sheegayo iney ka dhaceen nawaaxiga xarunta maamulka gobolka Banaadir.

1/22/2023 3:33 AM EST
Axad, January, 22, 2023 (HOL) - Howlgalka Midowga ee ATMIS ayaa si rasmi ah ugu wareejiyay Dowladda Federaalka Soomaaliya xerada Maslax ee degmada Huriwaa, halkaas oo ay haysteen tan iyo sanadkii 2012-kii.

1/22/2023 12:35 AM EST
Axad, January, 22, 2023 (HOL) - Ciidanka Xoogga dalka Soomaaliyeed iyo kuwa deegaanka ee ku sugan degmada Ceeldheer ee gobolka Mudug ayaa howlgalo qorsheysan ku qabtay saddex Horjooge oo ka tirsan kooxda Alshabaab.