1/27/2023
Today from Hiiraan Online:  _
Wararka Maanta- Axad, Jan 22, 2023
Ciidanka xoogga dalka iyo kuwa deegaanka oo gacanta ku dhigay horjoogayaal katirsan Alshabaab

Axad, January, 22, 2023 (HOL) - Ciidanka Xoogga dalka Soomaaliyeed iyo kuwa deegaanka ee ku sugan degmada Ceeldheer ee gobolka Mudug ayaa howlgalo qorsheysan ku qabtay saddex Horjooge oo ka tirsan kooxda Alshabaab.

Horjoogayaashan oo lagu kala magacaabo Cabdirashiid Macalin Cali Durdurshe, Cabdi Gaanyaco iyo Mascuud Cali Lugeey, ayaa lagusoo bandhigay magaalada Xarardheere.

Saraakiisha ciidanka dowladda ayaa sheegay in horjoogayaashan ay kamid ahaayeen saraakiisha firxadka ah Alshabaab ee ka cararay howlgallada ka dhanka ah Alshabaab ee ka socda Mudug.

Dhinaca kale, waxaaa aad loo adkeeyay ammaanka magaalada Xarardheere halkaas oo ay ciidamadu isku fidiyeen deegaanada hoos yimaada.

Ciidamada dowladda ayaa la sheegay inay Alshabaab ku baacsanayaan duurka, iyagoo ka hortagaya inay Alshabaab sameeyaan fursad ay iskusoo abaabulaan.

Alshabaab ayaa badi soo weeraray deegaanadii laga saaray, taasoo ciidamada ku noqotay dhabarjab, taasoo keentay in dowladdu haatan dib uga fekerto sidii looga hortagi lahaa weerarada nuucaan ah.
















Click here
1/22/2023 10:29 AM EST
Axad, January, 22, 2023 (HOL) - Ciidanka booliiska gaarka ah ee Haramcad ayaa goor dhowayd ku guulaystay inay soo afjaraan kooxdii Alshabaab ee weerarka ku qaadday xarunta gbolka Banaadir.

1/22/2023 10:25 AM EST
Axad, January, 22, 2023 (HOL) - Waxaa wali ka socda gudaha xarunta Aqalka dowladda Hoose ee Xamar dagaal u dhaxeeya ciidamada dowladda Soomaaliya iyo dagaalamayaal ka tirsan shabaab oo duhurnimadii Maanta halkaasi ku galay weerar qaraxyo ku bilaawday.

1/22/2023 5:42 AM EST
Axad, January, 22, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa cafis u fidiyey askartii dhowaan ka qeyb qaadatay shaqaqadii ka dhacday magaalada Baydhabo.

1/22/2023 5:23 AM EST
Axad, January, 22, 2023 (HOL) - Qaraxyo aad u xoogan oo Ismiidaamin ah ayaa goordhaw laga maqlay jugtooda inta badan degmooyinka gobolka Banaadir, kuwaas oo lasoo sheegayo iney ka dhaceen nawaaxiga xarunta maamulka gobolka Banaadir.

1/22/2023 3:33 AM EST
Axad, January, 22, 2023 (HOL) - Howlgalka Midowga ee ATMIS ayaa si rasmi ah ugu wareejiyay Dowladda Federaalka Soomaaliya xerada Maslax ee degmada Huriwaa, halkaas oo ay haysteen tan iyo sanadkii 2012-kii.

1/22/2023 1:12 AM EST
Axad, January, 22, 2023 (HOL) - Warar dheeraad ah ayaa kasoo baxaya dab khasaare badan geystay oo Xalay ka kacay qeybo ka mid ah Suuqa Bakaaraha ee magaalada Muqdisho, kasoo damintiisa ay qaadatay saacado badan.