1/27/2023
Today from Hiiraan Online:  _
Wararka Maanta- Sabti, Jan 21, 2023
Mareykanka oo sheegay inuu duqeyn ku dilay 30 ka mid ah dagaalamayaasha Al-shabaab
 

Sabti, January, 21, 2023 (HOL) - Dowladda Mareykanka ayaa shaacisay in 30 ka mid ah dagaalamayaasha kooxda Al-shabaab lagu dilay duqeyn diyaaradeed oo laga fuliyay duuleedka deegaanka Galcad ee gobolka Galgaduud.

Duqeyntaan diyaaradeed ayaa la sheegay iney ka dhacday deegaan qiyaas ahaan magaalada Muqdisho uga beegan dhinaca Waqooyi Bari ilaa 260 KM, iyadoo Taliska Africom uu sheegay in ugu yaraan 30 xubnood oo ka mid ah Al-shabaab lagu dilay duqeynta, islaarkaana lagu burburiyay ilaa sadax baabuur.

Qoraalka Taliska Africom kasoo baxay ayaa sidoo kale lagu sheegay in duqeynta ay aheyd mid lagu caawinaayay dowladda Soomaaliya, kadib weerarkii Al-shabaab Shalay ku qaadeen fariisinkii ciidanka ku lahayeen deegaanka Galcad oo lagu dilay Taliye ku xigeenkii ciidanka Danab iyo askar kale oo ka tirsan dowladda Soomaaliya.

Warkaan kasoo baxay Taliska Africom ayaa kusoo beegmaya, iyadoo warsaxafadeed kasoo baxay dowlada Fedaraalka Soomaaliya lagu xusay in ciidanka xoogga dalka ay iska caabiyeen weerarkii Shalay ka dhacay Galcad oo ay ku dhinteen 7 ka mid ah askarta dowladda, islamarkaana Shabaab halkaasi looga dilay in ka badan 100 xubnood.

Dowladda Mareykanka ayaa ka mid ah dowladdaha sida tooska ah dowladda Soomaaliya kaga caawiya dhanka duqeymaha diyaaradaha howlgalada ka dhanka ah Shabaab ee ka socda gobolka dalka.












Click here
1/21/2023 12:22 PM EST
Sabti, January, 21, 2023 (HOL) - Taliyaha booliska gobolka Banaadir Gaashaanle sare Macalin Mahdi, ayaa sheegay in askar loosoo xiray dilkii saakay Maxamed Cabdi Salaan oo Bajaajle ahaa loogu geystay degmada Howlwadaag.

1/21/2023 7:09 AM EST
Sabti, January, 21, 2023 (HOL) - Madaxweyne ku xigeenka maamulka Puntland, Axmed Cilmi Cismaan (Axmed Karaash), ayaa ka digay in fara galin lagu sameeyo aayo katashiga deegaanada SSC.

1/21/2023 7:00 AM EST
Sabti, January, 21, 2023 (HOL) - Xubnaha wasiirada Somaliland ee Laascaanood ku sugan ayaa sheegay in ay ogolyihiin shirkasta oo dhan oo aan ka hor imanayn qaranimada Somaliland, waxayna ka digeen faragalin shisheeye.

1/21/2023 5:51 AM EST
Sabti, January, 21, 2023 (HOL) - Ciidamada Xoogga Dalka iyo ciidamada ammaanka Jubbaland ayaa Alshabaab kala wareegay deegaanka Janaay Cabdalle oo 60 KM dhanka galbeed kaga beegan magaalada Kismaayo ee gobolka Jubbada hoose.

1/21/2023 3:46 AM EST
Sabti, January, 21, 2023 (HOL) - Cod laga duubay Wasiirka Arrimaha Guddaha Somaliland Maxamed Kaahin Axmed, ayaa muujinaya in xukuumadu ogolaatay in ay Laascaanood soogalaan odayaal wata ciidamo hubaysan.

1/21/2023 2:52 AM EST
Sabti, January, 21, 2023 (HOL) - Waxaa goordhaw lagu dilay isgoyska Howlwadaag ee magaalada Muqdisho wiil dhalinyaro ah oo ku shaqeeysanaayay Mooto Bajaaj oo lagu magacaabayay Maxamed Xeyle, kaasoo dilkiisa uu geystay askari ka tirsan ciidanka dowladda Soomaaliya.

1/21/2023 2:03 AM EST
Sabti, January, 21, 2023 (HOL) - Waxaa Maanta degan xaalada deegaanka Galcad ee gobolka Galgaduud oo shalay subaxnimadii hore ay ka dhaceen weerar khasaaro badan geystay, waxaana saakay halkaasi howlgalo baaritaano ah ka wada ciidamada dowladda iyo kuwa dadka deegaanka.

1/21/2023 12:47 AM EST
Sabti, January, 21, 2023 (HOL) - Maamulka Koonfur Galbeed sheegay inay jab xoogan u gaysteen kooxda Al-shabaab, kadib markii ay weerar ku soo qaadeen Deegaanka Goof-gaduud Buurey ee Gobolka baay.

1/21/2023 12:38 AM EST
Sabti, January, 21, 2023 (HOL) - Wararka ka imaanaya dalka Itoobiya ayaa sheegaya in Ciidamada Eritariya ay ka baxeen goobo ay kaga sugnaayeen Adwa iyo Aksum oo ka tirsan gobolka Tigray ee Waqooyiga dalka Itoobiya.