11/25/2024
Today from Hiiraan Online:  _
Wararka Maanta- Arbaco, Dec 6 , 2023
Masar oo sheegtay inay Soomaaliya ka taageerayaan dhinaca amniga kadib markii cunaqabatayntii dalka laga qaaday
 

Arbaco, December, 6, 2023 (HOL) - Dowladda Masar ayaa sheegtay inay kamid tahay waddamada ansixiyay Qaraarka Golaha Ammaanka ee meesha looga saaray cunaqabateynta hubka ee saarnayd Soomaaliya tan iyo 1992-kii.

Wasaaradda arrimaha dibadda Masar ayaa soo saartay bayaan ay ku qiratay in qaraarkan uu muujinayo horumar la taaban karo oo dowladda Soomaaliya ay ka gaartay dagaalka ay kula jirto Alshabaab iyo raadinta xasilloonida.

Masar waxa ay xaqiijisay in ay si hagar la’aan ah u garab taagan tahay dadaallada Dowladda Federaalka Soomaaliya ay ku doonayso in ay dib ugu soo celiso amniga iyo xasilloonida dalkeeda, iyo sidoo kale horumarinta horumarka dalka Soomaaliya.

Taageeradan ayaa la filayaa in ay saameyn faa'iido leh ku yeelato ammaanka iyo xasilloonida gobolka Geeska Afrika.

Dowladda Soomaaliya ayaa sheegtay inay jiraan dalalka saaxiib la ah Soomaaliya, kuwaas oo diyaar u ah inay Soomaaliya ku taageeraan hub.