3/29/2024
Today from Hiiraan Online:  _
Wararka Maanta- Axad, May 8 , 2022
Guddiga doorashada Madaxweynaha oo diiwaan-geliyay 10 kamid ah musharraxiinta Madaxweynaha dalka


Axad, May, 8, 2022 (HOL) - Guddiga isku-dhafka ee soo diyaarinta doorashada Madaxweynaha Soomaaliya ayaa maanta diiwaan-geliyay toban kamid ah musharraxiinta xilka Madaxweynaha 10-aad ee dalka Soomaaliya.

Musharraxiinta is-diiwaan-gelisay maanta ayaa kala ah Sheekh Shariif Shiikh Axmed, Daahir Maxamuud Geelle, Bashiir Xaaji Cali, Cabdulqaadir Cosoble Cali, Cabdullahi Cali Xasan, Xasan Cali Khayre, Cabdikariim Xuseen Guuleed, Cabdinur Sheekh Maxamed, Cabdiraxmaan Cabdishakuur Warsame iyo Cabdiraxmaan Macalin Axmed Ablaal.

Madaxweyne Farmaajo, Xasan Sheekh iyo Saciid Deni ayaa la filayaa in ay is-diiwaan-geliyaa ka hor 10-ka bisha oo ah maalinta u dambeysay ee diiwaan-gelinta musharraxiinta Madaxweynaha Soomaaliya.

Musharraxiinta keliya maanta is-diiwaan-gelisay ayaa mid kasta oo kamid ah waxaa uu bixiyay lacag dhan $40,000, taas oo markii la isku daro noqonaysa $400,000, waana ku dhowaad nus milyan dollar.

Doorashada Madaxweynaha ayaa 15-ka bishan ka dhici doonta Teendhada Afisiyooni ee magaalada Muqdishu.

Hassan Istiila, Hiiraan Online
[email protected]













Click here
5/8/2022 1:42 PM EST
Axad, May, 8, 2022 (HOL) - Bulshada ku dhaqan magaalada St. Cloud iyo nawaaxigeeda ee gobolka Minnesota ee dalka Mareykanka ayaa iska aruuriyay aduun lacageed oo gaaraya 70,000 oo doolar oo ay ugu talo galeen iney uga qeyb qaataan gurmadka loo sameynaayo dadkii ku hanti beelay dabkii baabi'iyay Suuqii weynaa ee magaalada Hargeysa ayaa waxay ku wareejiyeen hay'adda Haro oo gaarsiin doonto guddiga gurmadka Musiibadii Suuqa Waaheen.

5/8/2022 11:14 AM EST
Axad, May, 8, 2022 (HOL) -Wasiirka Wasaaradda Waxbarashada Xukuumadda Soomaaliya Cabdullaahi Abuukar Xaaji Carab ayaa shaaca ka qaaday in Imtixaanka Shahaadiga Dugsiyada Sare ee sanadkan uu halis ugu jiro inuu baaqdo.

5/8/2022 10:50 AM EST
Axad, May, 8, 2022 (HOL) - Guddoonka Golaha Shacabka Baarlamaanka 11 -aad ee dalka Soomaaliya ayaa goordhaw go'aan rasmi ah kasoo saaray murankii ka taagnaa maalmahii lasoo dhaafay sharci ahaan shiyaha Xildhibaanadda lagu soo kala doortay magaalooyinka Ceelwaaq iyo Garbahaareey ee gobolka ee Gedo.

5/8/2022 7:52 AM EST
Axad, May, 8, 2022 (HOL) - Dad aan haybtooda la aqoonsan, ayaa caga julayn iyo baqo galin joogto ah ku haya, xildhibaano ka tirsan Golaha Wakiilada Somaliland, sida uu sheegay xildhibaan Barkhad Jaamac Batuun.

5/8/2022 7:25 AM EST
Axad, May, 8, 2022 (HOL) - Ciidanka nabad-sugidda iyo sirdoonka Soomaaliya ee NISA ayaa magaalada Baardheere ee Gobolka Gedo waxay kusoo bandhigtay dagaalamyaal kasoo goostay kooxda Alshabaab, iskuna soo dhiibay gacanta Dowladda Soomaaliya.

5/8/2022 7:05 AM EST
Axad, May, 8, 2022 (HOL) - Nabadoonada iyo waxgaradka gobolka Mudug ayaa kasoo horjeestay xil ka qaadista madaxweynaha ku xigeenka Puntland uu ku sameeyay qaar kamid ah golaha wasirradda.

5/8/2022 4:21 AM EST
Axad, May, 8, 2022 (HOL) - Waxaa goordhaw magaalada Muqdisho ee Caasimadda Soomaaliya si rasmi ah uga bilaabatay diiwaan galinta Musharaxiinta dooneysa iney u tartamaan xilka madaxweynaha 10-aad ee Jamhuuriyadda Fedaraalka Soomaaliya.

5/8/2022 1:23 AM EST
Axad, May, 8, 2022 (HOL) - Hoos u dhac la taaban karo oo ku yimid adeegsiga duqeymaha Mareykanka ee lagula dagaalamo Al-Shabaab ee Soomaaliya, ayaa keentay in ay yaraato warbixinnada khasaaraha dadka rayidka ah ka soo gaaraya, sida lagu sheegay warbixin cusub.

5/8/2022 1:17 AM EST
Axad, May, 8, 2022 (HOL) - Waxaa Maanta oo Axad ah lagu wadaa in magaalada Muqdisho ay ka bilaabato diiwaan galinta Musharaxiinta dooneysa iney u tartamaan doorashada Madaxweynaha dalka Soomaaliya.