6/27/2022
Today from Hiiraan Online:  _
Wararka Maanta- Arbaco, May 11, 2022
Hadal jeedinta Musharaxiinta Madaxweynaha Soomaaliya ee Maalinta koowaad oo soo gabagaboowday
 

Arbaco, May, 11, 2022 (HOL) - Waxaa goordhaw soo gabagaboobay hadal jeedinta maalinta koowaad ee Musharaxiinta u taagan xilka madaxweynaha Soomaaliya, waxaana Maanta khudbadahooda ka hor jeediyay Xildhibaanada labada Aqal 20 Musharax oo mid ah 39-ka Musharax ee isku diiwaan galiyay tartanka doorashada Madaxweynaha Jamhuuriyadda Fedaraalka Soomaaliya.

Musharaxiinta ayaa khudbadahooda uga hadlaayay barnaamij siyaasadeedkooda iyo sidii Xildhibaanadda labada gole ay ugu dooran lahayeen xilka ugu sareya dalka Soomaaliya, waxaana Musharax kasto uu diirada ku saaray hadal jeedintiisa sidii loogu dooran lahaa madaxtinimada Soomaaliya.

Munaasabada hadal jeedinta 20-ka Musharax ee Maanta waxaa goob joog ahaa labada guddoon ee Golaha Shacabka, Golaha Aqalka sare iyo ku xigeenadooda iyo qaar ka mid ah mudanayaasha labada Gole ee Baarlamaanka Fedaraalka Soomaaliya.

Guddoomiyaha guddiga isku dhafka ah ee doorashada madaxweynaha Soomaaliya Senator Cabdiqani Geelle Maxamed oo Maanta daahfuray Munaasabada, islamarkaana goordhaw soo xiray ayaa sheegay in si wanaagsan ay ugu soo gabagabowday munaasabada hadal jeedinta 20-ka Musharax, isagoona sheegay in berito la dhageysan doono hadal jeedinta 19 Musharax oo ay ka mid yihiin Farmaajo iyo madaxweynayaashii hore ee dalka Sheekh Shariif iyo Xasan Sheekh iyo siyaasiyiin kale oo caan ah.

Gabagabadii guddoomiyaha guddiga doorashada Madaxweynaha 10aad ee dalka ayaa ka codsaday Xildhibaannada labada Aqal in ay ka soo qeyb galaan hadal jeedinta Musharaxiinta ee loo madal sanyahay maalinta berito oo ah maalinta u dambeysa ee hadal jeedinta Musharaxiinta madaxweynaha dalka.

Doorashada madaxweynaha  ayaa lagu wadaa in ay dhacdo 15- ka bishaan May oo ku beegan maalin Axada ah, waxaana ka dhiman sadax maalmood oo kaliya.

Jamaal Cali Cabdi, Hiiraan Online












Click here
5/11/2022 10:25 AM EST
Arbaco, May, 11, 2022 (HOL) - Wariyaasha madaxa banaan ee ka howlgala magaalada Muqdisho ee Caasimadda Soomaaliya ayaa shir jaraa'id oo ay qabteen waxay ku sheegeen in loo diiday Maanta iney gudaha u galaan hoolka loogu talo galay in lagu qabto doorashada madaxweynaha Soomaaliya oo ay Maanta ka socotay hadal jeedinta Musharaxiinta u taagan xilka madaxweynaha 10-aad ee dalka.

5/11/2022 8:47 AM EST
Arbaco, May, 11, 2022 (HOL) - Afhayeenka ciiddanka Booliiska Soomaaliya gaashaanle Cabdifitaax Aadan Xasan ayaa sheegay inay todobo qof ku dhaawacmeen qarax ismiidaamin ah oo maanta barqadii ka dhacay wadada KM4 ee lagu baaro dadka u socda garoonka Aadan Cadde.

5/11/2022 8:21 AM EST
Arbaco, May, 11, 2022 (HOL) - Madaxweynaha Somaliland Muuse Biixi Cabdi, oo ka hadlayay munaasibad lagu qabtay Jaamacada Hargaysa, ayaa doqoniimo ku tilmaamay in dadka reer Somaliland ay u ordaan doorashooyinka Soomaaliya.

5/11/2022 6:29 AM EST
Arbaco, May, 11, 2022 (HOL) - Xukuumada Somaliland ayaa markale si kasoo horjeeda shakiga ay mucaaradku ka qabaan in doorashada madaxtooyadu dib u dhacdo, sheegtay in doorashada wakhtigeeda lagu qabanayo.

5/11/2022 6:24 AM EST
Arbaco, May, 11, 2022 (HOL) - Shirkadda Cumar Sabriye Engineering Company oo ka shaqeysa howlaha dabka iyo badqabka korontada, ayaa shalay lagu daah-furay magaalada Muqdisho.

5/11/2022 5:01 AM EST
Arbaco, May, 11, 2022 (HOL) - Inta la xaqiijiyay 3 ruux oo labo kamid ah ay yihiin Askar katirsan Ciidanka dowaldda ayaa ku geeriyootay qarax ka dhacay agagaarka bar laga hubiyo gaadiidka u gudba garoonka diyaaradaha Aadan Cadde ee Magaalada Muqdisho.

5/11/2022 3:22 AM EST
Arbaco, May, 11, 2022 (HOL) - Dhawaqa qarax ayaa laga maqlay nawaaxiga isgoyska KM-4 gaar ahaan waddada aada garoonka diyaaraha ee magaalada Muqdisho.

5/11/2022 1:58 AM EST
Arbaco, May, 11, 2022 (HOL) - Waxaa Maanta oo Arbaco ah lagu wadaa in teendhada Afisyooni ee magaalada Muqdisho ay ka bilaabato hadal jeedinta Musharaxiinta isku diiwaan galisay doorashada xilka madaxweynaha Soomaaliya.

5/11/2022 1:10 AM EST
Arbaco, May, 11, 2022 (HOL) - Guddoomiyaha barlamaanka Soomaaliya Sheikh Aadan Madoobe ayaa sameeyay magacaabistii ugu horreysay tan iyo markii loo doortay xilka guddooomiyaha barlamaanka, 28-kii Abril.

5/11/2022 1:00 AM EST
Arbaco, May, 11, 2022 (HOL) - Hogagamiyaha mucaaradka dalka Kenya Raila Odinga ayaa ballan qaaday in uu xoojin doono xiriirka laba geesoodka ah ee u dhaxeeya Kenya iyo Soomaaliya, si buu yiri loo hormariyo dhaqaalaha Kenya.