6/27/2022
Today from Hiiraan Online:  _
Wararka Maanta- Arbaco, May 11, 2022
Wariyaasha madaxa banaan oo ka hadlay sababtii Maanta loogu diiday iney galaan hoolka doorashada madaxweynaha

Arbaco, May, 11, 2022 (HOL) - Wariyaasha madaxa banaan ee ka howlgala magaalada Muqdisho ee Caasimadda Soomaaliya ayaa shir jaraa'id oo ay qabteen waxay ku sheegeen in loo diiday Maanta iney gudaha u galaan hoolka loogu talo galay in lagu qabto doorashada madaxweynaha Soomaaliya oo ay Maanta ka socotay hadal jeedinta Musharaxiinta u taagan xilka madaxweynaha 10-aad ee dalka.

Wariyaasha ayaa guddiga doorashada madaxweynaha ku eedeeyay iney ka hor istaageen soo tabinta khudbahada ay jeedinayaan Musharaxiinta madaxweynaha, iyagoona tilmaamay in guddiga ay ku xad gudbeen heshiiskii 17-kii Septembar oo ay ku cadeed in saxaafada madaxa banaan ay qeyb ka noqdaan howlaha tabinta doorashooyinka dalka.

"Waxa gudaha Afisyooni ka socda waxba kama ogin oo waa naloo diiday inaan gudaha galno oo soo tabino sida ay wax u socdaan, waxaana gudaha loo ogolaaday Tv-ga qaranka oo kaliya dhamaan saxaafada madaxa banaan hoolka doorashada waa loo diiday, waxaana guddiga doorashada ay ku xadgudbeen heshiiskii 17-ka Septembar oo saxaafada madaxa banaan loogu ogolaaday iney soo tabiso doorashada dalka" ayuu yiri mid ka mid ah wariyaasha madaxa banaan.

Xoghayaha Ururka saxafiyiinta Soomaaliyeed SJS Cabdalla Muumin oo dhankiisa ka hadlay wariyaasha maanta loo diiday iney gudaha u galaan hoolka doorashada ayaa sheegay in nasiib daro weyn ay tahay in wariyaasha loo diido soo tabinta hadal jeedinta Musharaxiinta Madaxweynaha.

"Warbaahinta madaxa banan saakay albaabka ayaa laga xirtay oo waxaa loo diidey iney galaan gudaha hoolka doorashada inay kaso tabiyaan hadal jeedinta musharaxiinta madaxweynaha Soomaaliya, iyagoo maray dhaman wixi sharudaho aha sida baaritanka isdiiwan galinta, waxana arinkaasi ka dembeyay xubno ka tirsan gudiga doorashada ee labada Aqal oo waliba ay ka mid yihiin rag aqoonyahano ah" ayuu yiri Xoghaye Cabdalla Muumin.

Xoghayaha Ururka Saxafiyiinta Soomaaliyeed SJS Cabdalla Muumin ayaa sidoo kale sheegay in guddiga doorashada ay 9-kii bishaan soo saareen warqad ay ku sheegayaan in saxaafada hool gaar ah oo kaamorooyin lagu xiray la geyn doono, islamarkaana wadahadalo ay arintaasi kala yeesheen guddiga ay ku ogolaadeen in wariyaasha loo gudbiyo hoolka doorashada, hayeeshe waxuu sheegay in saaka si cad ayaa loogu diiday wariyaasha madaxa banaan iney gudaha galaan.

"Maanta iyo beri waxaa soconaya hadal jeedinta Musharaxinta Madaxweynaha oo ay daneynayaan shacabka Soomaaliyeed iney saxaafada madaxa banaan kala socdaan sida ay u soo tabinayaan hadalada Musharaxiinta madaxweynaha oo aragtiyo kala duwan leh, wariyaasha madaxa banaan kuma filno muqalada  yaryar ay duubayaan Tv-ga qaranka iyo shirkad kale uu leeyahay Taliyahii hore ee NISA Fahad Yaasiin, marka saxaafada madaxa banaan dhamaan musharaxiinta si isku mid ah ayay ugu adeegeysa waana in loo ogolaada soo tabinta arimaha doorashada" ayuu yiri Cabdalla Muumin.

Gabagabadii Wariyaasha madaxa banaan ayaa guddoomiyaha Golaha shacabka waxay ugu baaqeen inuu soo faragliyo caqabada wariyaasha ka haysato soo tabinta doorashada madaxweynaha, maadama uu isaga haatan yahay masuulka ugu sareeya dalka.

Jamaal Cali Cabdi, Hiiraan Online












Click here
5/11/2022 11:04 AM EST
Arbaco, May, 11, 2022 (HOL) - Waxaa goordhaw soo gabagaboobay hadal jeedinta maalinta koowaad ee Musharaxiinta u taagan xilka madaxweynaha Soomaaliya, waxaana Maanta khudbadahooda ka hor jeediyay Xildhibaanada labada Aqal 20 Musharax oo mid ah 39-ka Musharax ee isku diiwaan galiyay tartanka doorashada Madaxweynaha Jamhuuriyadda Fedaraalka Soomaaliya.

5/11/2022 8:47 AM EST
Arbaco, May, 11, 2022 (HOL) - Afhayeenka ciiddanka Booliiska Soomaaliya gaashaanle Cabdifitaax Aadan Xasan ayaa sheegay inay todobo qof ku dhaawacmeen qarax ismiidaamin ah oo maanta barqadii ka dhacay wadada KM4 ee lagu baaro dadka u socda garoonka Aadan Cadde.

5/11/2022 8:21 AM EST
Arbaco, May, 11, 2022 (HOL) - Madaxweynaha Somaliland Muuse Biixi Cabdi, oo ka hadlayay munaasibad lagu qabtay Jaamacada Hargaysa, ayaa doqoniimo ku tilmaamay in dadka reer Somaliland ay u ordaan doorashooyinka Soomaaliya.

5/11/2022 6:29 AM EST
Arbaco, May, 11, 2022 (HOL) - Xukuumada Somaliland ayaa markale si kasoo horjeeda shakiga ay mucaaradku ka qabaan in doorashada madaxtooyadu dib u dhacdo, sheegtay in doorashada wakhtigeeda lagu qabanayo.

5/11/2022 6:24 AM EST
Arbaco, May, 11, 2022 (HOL) - Shirkadda Cumar Sabriye Engineering Company oo ka shaqeysa howlaha dabka iyo badqabka korontada, ayaa shalay lagu daah-furay magaalada Muqdisho.

5/11/2022 5:01 AM EST
Arbaco, May, 11, 2022 (HOL) - Inta la xaqiijiyay 3 ruux oo labo kamid ah ay yihiin Askar katirsan Ciidanka dowaldda ayaa ku geeriyootay qarax ka dhacay agagaarka bar laga hubiyo gaadiidka u gudba garoonka diyaaradaha Aadan Cadde ee Magaalada Muqdisho.

5/11/2022 3:22 AM EST
Arbaco, May, 11, 2022 (HOL) - Dhawaqa qarax ayaa laga maqlay nawaaxiga isgoyska KM-4 gaar ahaan waddada aada garoonka diyaaraha ee magaalada Muqdisho.

5/11/2022 1:58 AM EST
Arbaco, May, 11, 2022 (HOL) - Waxaa Maanta oo Arbaco ah lagu wadaa in teendhada Afisyooni ee magaalada Muqdisho ay ka bilaabato hadal jeedinta Musharaxiinta isku diiwaan galisay doorashada xilka madaxweynaha Soomaaliya.

5/11/2022 1:10 AM EST
Arbaco, May, 11, 2022 (HOL) - Guddoomiyaha barlamaanka Soomaaliya Sheikh Aadan Madoobe ayaa sameeyay magacaabistii ugu horreysay tan iyo markii loo doortay xilka guddooomiyaha barlamaanka, 28-kii Abril.

5/11/2022 1:00 AM EST
Arbaco, May, 11, 2022 (HOL) - Hogagamiyaha mucaaradka dalka Kenya Raila Odinga ayaa ballan qaaday in uu xoojin doono xiriirka laba geesoodka ah ee u dhaxeeya Kenya iyo Soomaaliya, si buu yiri loo hormariyo dhaqaalaha Kenya.