6/27/2022
Today from Hiiraan Online:  _
Wararka Maanta- Talaado, May 10, 2022
Diiwaan gelinta Musharaxiinta madaxweynaha oo lasoo gabagabeeyay iyo jadwalka hadal jeedintooda oo la shaaciyay
 

Talaado, May, 10, 2022 (HOL) - Guddiga doorashada madaxweynaha Soomaaliya ayaa Galabta soo gabagabeeyay diiwaan galinta Musharaxiinta madaxweynaha 10-aad ee Jamhuuriyadda Fedaraalka Soomaaliya oo socotay sadaxdii maalmood ee lasoo dhaafay.

Maanta oo aheyd maalintii sadaxaad ee diiwaan galinta musharaxiinta madaxweynaha waxaa is diiwaan galiyay 7 Musharax oo kala ah Siciid Cabdullaahi Dani, Maxamed Cabdiraxmaan Cali, Taabit Cabdi Maxamed, Cabdi Cali Xasan, Cismaan Xasan Wehliye, (Xasan Bariise), Zakariye Xaaji Maxamuud iyo Maxamed Amiin Faarax.

Guddiga ayaa diiwaan galiyay mudada sadaxda maalmood ah ee diiwaan gelinta ay socotay 39 Musharax oo isku soo taagay tartanka doorashada madaxweynaha Soomaaliya, kuwaas oo dhamaantood qaatay shahaadada musharaxnimo, kadib markii ay buuxiyeen sharuudahii looga baahnaa.

Musharaxiinta is diiwaan galisay waxaa ka mid ah madaxweynaha mudo xileedkiisa dhamaaday Farmaajo, madaxweynayaashii hore Sheekh Shariif iyo Xasan Sheekh, Raysal wasaareyaal hore, siyaasiyiin caan ah iyo xubno kale oo ku cusub saaxada siyaasada dalka.

Guddiga doorashada madaxweynaha ayaa sidoo kale shaaciyay magacyada 20 Musharax ee maalinta berito ah khudbadahooda ka horjeedin doona labada Gole ee Baarlamaanka Fedaraalka Soomaaliya, waxaana Musharax walba loo qorsheeyay inuu khudbadiisa kusoo koobo mudo 15- daqiiqo ah.

Hoos ka Akhriso Magacyada Musharaxiinta la shaaciyay ee berito jeedinaya khudbadahooda:-


Jamaal Cali Cabdi, Hiiraan Online












Click here
5/10/2022 3:55 PM EST
Talaado, May, 10, 2022 (HOL) - Guddoonka barlamaanka Soomaaliya ayaa soo saaray awaamiir lagu xoojinayo amniga goobta ay ka dhacayso doorashada madaxweynaha Soomaaliya iyo sidoo kale ciidamada loo xilsaaray masuuliyadda amniga doorashada.

5/10/2022 11:38 AM EST
Talaado, May, 10, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa madaxweynaha Somaliland ku eedeeyay in aanu diyaar u ahayn in uu qabto doorashooyinka mudaysan dabayaaqada sannadkan.

5/10/2022 9:42 AM EST
Talaado, May, 10, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur ayaa Maanta kormeer ku tagay xarunta lagu qabanayo doorashada madaxweynaha Jamhuuriyadda Soomaaliya oo maalinta berito ah ay ka bilaabaneyso hadal jeedinta musharaxiinta madaxweynaha.

5/10/2022 9:17 AM EST
Talaado, May, 10, 2022 (HOL) - Madaxweynaha Somaliland Muuse Biixi Cabdi, ayaa magacaabay guddi 5 qof ka kooban, oo baadhis ku samayn doonta khilaafka maamul ee ka dhexeeya Guddida Doorashooyinka Somaliland.

5/10/2022 7:22 AM EST
Talaado, May, 10, 2022 (HOL) - Beesha caalamka ayaa soo dhoweysay horumarka laga gaaray diiwaangelinta musharrixiinta u taagan xilka madaxweynaha iyo u diyaargarowga kale ee loogu jiro inaan laga dib dhicin waqtiga kama dambeysta ah ee doorashada madaxweynaha.

5/10/2022 7:17 AM EST
Talaado, May, 10, 2022 (HOL) - Howgalka nabad ilaalinta midowga Afrika ee Soomaaliya (ATMIS) ayaa sheegay, iyagoo la tashanaya guddoomiyaha barlamaanka Soomaaliya inay xoojinayaan amniga xerada Afisyooni , halkaas oo ay ka dhacayso doorashada madaxweynaha dalka.

5/10/2022 2:43 AM EST
Talaado, May, 10, 2022 (HOL) - Warar dheeraad ah ayaa kasoo baxaya qarax miino oo Xalay fiidkii hore lala beegsaday kolanyo gaadiid ah oo uu la socday Taliyaha ciidanka Booliiska gobolka Banaadir Farxaan Qaroole.

5/10/2022 1:20 AM EST
Talaado, May, 10, 2022 (HOL) - Guddiga qaban qaabada doorashada madaxweynaha Soomaaliya ayaa sheegay in diiwaan galinta musharraxiinta madaxweynaha ay ku egtahay maanta oo tallaado ah, gaar ahaan afarta galabnimo.

5/10/2022 1:13 AM EST
Talaado, May, 10, 2022 (HOL) - Wasiirkii hore ee arrimaha dibadda Somalia, Maxamed Cabdirisaaq Maxamuud, ayaa ku dhawaaqay inuu ka haray tartanka loogu jiro xilka madaxweynaha Soomaaliya.

5/10/2022 1:12 AM EST
Talaado, May, 10, 2022 (HOL) - Guddoomiyaha Xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi, ku eedeeyay in aanu daacad ka ahayn qabashada doorashada madaxtooyada.