6/27/2022
Today from Hiiraan Online:  _
Wararka Maanta- Talaado, May 10, 2022
Musharax Cirro: Dalku wuxuu qaaday jidkii kalidii-talisnimada
 

Talaado, May, 10, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa madaxweynaha Somaliland ku eedeeyay in aanu diyaar u ahayn in uu qabto doorashooyinka mudaysan dabayaaqada sannadkan.

Cirro waxa uu sheegay in qudbad sannadeedkii uu madaxweyne Biixi shalay u jeediyay labada gole baarlamaan anay muujinayn in madaxweynuhu uu diyaar u yahay qabashada doorashooyinka sannadkan mudaysan.

"Waxa shacbiga iyo daneeyayaasha doorashooyinka Somaliland filayeen in sicad oo aan mugdi ku jirin uu uga hadlo arrimaha doorashooyinka, si shacbigu ugu diyaar garoobo xiliga doorasho kasta qabsoomayso, oo ay ugu mudantahay uguna soo horayso doorashada madaxtooyada oo ku beegan 13, November, 2022" ayuu yidhi Cirro.

Waxa uu ku andacooday in Somaliland ay qaaday jidkii kalidii-talisnimada, waxaanu taageerayaasha xisbiga Waddani ugu baaqay in ay u diyaar garoobaan talaabooyin uu sheegay in dib loogu soo celinayo dimuquraadiyada Somaliland.

"Dalku wuxuu qaaday jidkii digtaatooriyada (kalidii talisnimada) iyo sharci darada, taas oo horseedi karta, cawaaqib xumo aan Somaliland mahadin, dhamaan taageerayaasha xisbiga Waddani waxan u sheegayaa in ay u diyaar garoobaan talaabo kasta oo dalka dib loogu soo celinayo nidaamkii doorashooyinka," ayuu yidhi Cirro.

Cirro waxa uu sheegay in axsaabta mucaaradka ahi ay iskugu iman doonaan shir deg deg ah "Axsaabta mucaaradka ahi waxay iskugu iman doonaan shir deg deg ah oo ay kaga arrinsanayaan marxalada dalku galay".

Madaxweynaha Somaliland ayaa qudbad sannadeedkiisii uu shalay u jeediyay labada gole baarlamaan, ku balan qaaday in uu dhamaan doorashooyinka mudaysan uu wakhtigooda ku qabanayo, lakin asxaabta mucaaradka ayaa ka biyo diidan in doorashada urrurada siyaasada la qabto kahor doorashada madaxtooyada.

Abdilahi Geel-maal, Hiiraan Online












Click here
5/10/2022 3:55 PM EST
Talaado, May, 10, 2022 (HOL) - Guddoonka barlamaanka Soomaaliya ayaa soo saaray awaamiir lagu xoojinayo amniga goobta ay ka dhacayso doorashada madaxweynaha Soomaaliya iyo sidoo kale ciidamada loo xilsaaray masuuliyadda amniga doorashada.

5/10/2022 12:10 PM EST
Talaado, May, 10, 2022 (HOL) - Guddiga doorashada madaxweynaha Soomaaliya ayaa Galabta soo gabagabeeyay diiwaan galinta Musharaxiinta madaxweynaha 10-aad ee Jamhuuriyadda Fedaraalka Soomaaliya oo socotay sadaxdii maalmood ee lasoo dhaafay.

5/10/2022 9:42 AM EST
Talaado, May, 10, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur ayaa Maanta kormeer ku tagay xarunta lagu qabanayo doorashada madaxweynaha Jamhuuriyadda Soomaaliya oo maalinta berito ah ay ka bilaabaneyso hadal jeedinta musharaxiinta madaxweynaha.

5/10/2022 9:17 AM EST
Talaado, May, 10, 2022 (HOL) - Madaxweynaha Somaliland Muuse Biixi Cabdi, ayaa magacaabay guddi 5 qof ka kooban, oo baadhis ku samayn doonta khilaafka maamul ee ka dhexeeya Guddida Doorashooyinka Somaliland.

5/10/2022 7:22 AM EST
Talaado, May, 10, 2022 (HOL) - Beesha caalamka ayaa soo dhoweysay horumarka laga gaaray diiwaangelinta musharrixiinta u taagan xilka madaxweynaha iyo u diyaargarowga kale ee loogu jiro inaan laga dib dhicin waqtiga kama dambeysta ah ee doorashada madaxweynaha.

5/10/2022 7:17 AM EST
Talaado, May, 10, 2022 (HOL) - Howgalka nabad ilaalinta midowga Afrika ee Soomaaliya (ATMIS) ayaa sheegay, iyagoo la tashanaya guddoomiyaha barlamaanka Soomaaliya inay xoojinayaan amniga xerada Afisyooni , halkaas oo ay ka dhacayso doorashada madaxweynaha dalka.

5/10/2022 2:43 AM EST
Talaado, May, 10, 2022 (HOL) - Warar dheeraad ah ayaa kasoo baxaya qarax miino oo Xalay fiidkii hore lala beegsaday kolanyo gaadiid ah oo uu la socday Taliyaha ciidanka Booliiska gobolka Banaadir Farxaan Qaroole.

5/10/2022 1:20 AM EST
Talaado, May, 10, 2022 (HOL) - Guddiga qaban qaabada doorashada madaxweynaha Soomaaliya ayaa sheegay in diiwaan galinta musharraxiinta madaxweynaha ay ku egtahay maanta oo tallaado ah, gaar ahaan afarta galabnimo.

5/10/2022 1:13 AM EST
Talaado, May, 10, 2022 (HOL) - Wasiirkii hore ee arrimaha dibadda Somalia, Maxamed Cabdirisaaq Maxamuud, ayaa ku dhawaaqay inuu ka haray tartanka loogu jiro xilka madaxweynaha Soomaaliya.

5/10/2022 1:12 AM EST
Talaado, May, 10, 2022 (HOL) - Guddoomiyaha Xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi, ku eedeeyay in aanu daacad ka ahayn qabashada doorashada madaxtooyada.