6/27/2022
Today from Hiiraan Online:  _
Wararka Maanta- Jimco, May 10, 2022
Madaxweynaha Somaliland oo baadhis galinaya guddida doorashooyinka
 

Talaado, May, 10, 2022 (HOL) - Madaxweynaha Somaliland Muuse Biixi Cabdi, ayaa magacaabay guddi 5 qof ka kooban, oo baadhis ku samayn doonta khilaafka maamul ee ka dhexeeya Guddida Doorashooyinka Somaliland.

Wareegto kasoo baxday madaxtooyada Somaliland, ayaa lagu sheegay in kadib markii uu madaxweynuhu garwaaqsaday in khilaafka maamul iyo maaliyadeed ee ka dhexeeya guddida uu waxyeelayn karo xilgudashadooda, ayuu magacaabay guddi baadhiseed oo ka kooban 5 xubnood oo kala ah Maxamed Jaamac Cabdi, Farxaan Maxamed Cali, Siciid Xasan Habbane, Axmed Saleebaan Jaamac iyo Bashiir Cabdi Xariir.

Wareegtada ayaa lagu yidhi "Guddidu waxay baadhitaan ku soo samayn doonaan arrimaha ay ka mid yihiin, Nidaamka maamulka iyo maaliyadda ee  xubnaha komsihanka, nidaamka iibka iyo qandaraasyada adeegyada iyo agabka komishanka, nidaamka maamulka iyo diiwaan-gelinta hantida raagta ee komishanka".

Khilaaf maamul oo saameeyay shaqada Guddida Doorashooyinka Somaliland, ayaa soo if baxay 27 bishii Abril, markaasi oo ay soo baxday waraaq sheegaysa in guddidu ay dooratay guddoomiye cusub, iyo waraaq kale oo sheegaysa in aanu jirin guddoomiye cusub oo la doortay waraaqda horena ay si qalad ah kusoo baxday.

Guddida doorashooyinka ayaa wakhtiga uu khilaafku soo baxay ku gudda jiray howlaha u diyaar garowga doorashooyinka la filayo in ay Somaliland ka dhacaan dabayaaqada sannadkan.



Abdilahi Geel-maal, Hiiraan Online












Click here
5/10/2022 3:55 PM EST
Talaado, May, 10, 2022 (HOL) - Guddoonka barlamaanka Soomaaliya ayaa soo saaray awaamiir lagu xoojinayo amniga goobta ay ka dhacayso doorashada madaxweynaha Soomaaliya iyo sidoo kale ciidamada loo xilsaaray masuuliyadda amniga doorashada.

5/10/2022 12:10 PM EST
Talaado, May, 10, 2022 (HOL) - Guddiga doorashada madaxweynaha Soomaaliya ayaa Galabta soo gabagabeeyay diiwaan galinta Musharaxiinta madaxweynaha 10-aad ee Jamhuuriyadda Fedaraalka Soomaaliya oo socotay sadaxdii maalmood ee lasoo dhaafay.

5/10/2022 11:38 AM EST
Talaado, May, 10, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa madaxweynaha Somaliland ku eedeeyay in aanu diyaar u ahayn in uu qabto doorashooyinka mudaysan dabayaaqada sannadkan.

5/10/2022 9:42 AM EST
Talaado, May, 10, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur ayaa Maanta kormeer ku tagay xarunta lagu qabanayo doorashada madaxweynaha Jamhuuriyadda Soomaaliya oo maalinta berito ah ay ka bilaabaneyso hadal jeedinta musharaxiinta madaxweynaha.

5/10/2022 7:22 AM EST
Talaado, May, 10, 2022 (HOL) - Beesha caalamka ayaa soo dhoweysay horumarka laga gaaray diiwaangelinta musharrixiinta u taagan xilka madaxweynaha iyo u diyaargarowga kale ee loogu jiro inaan laga dib dhicin waqtiga kama dambeysta ah ee doorashada madaxweynaha.

5/10/2022 7:17 AM EST
Talaado, May, 10, 2022 (HOL) - Howgalka nabad ilaalinta midowga Afrika ee Soomaaliya (ATMIS) ayaa sheegay, iyagoo la tashanaya guddoomiyaha barlamaanka Soomaaliya inay xoojinayaan amniga xerada Afisyooni , halkaas oo ay ka dhacayso doorashada madaxweynaha dalka.

5/10/2022 2:43 AM EST
Talaado, May, 10, 2022 (HOL) - Warar dheeraad ah ayaa kasoo baxaya qarax miino oo Xalay fiidkii hore lala beegsaday kolanyo gaadiid ah oo uu la socday Taliyaha ciidanka Booliiska gobolka Banaadir Farxaan Qaroole.

5/10/2022 1:20 AM EST
Talaado, May, 10, 2022 (HOL) - Guddiga qaban qaabada doorashada madaxweynaha Soomaaliya ayaa sheegay in diiwaan galinta musharraxiinta madaxweynaha ay ku egtahay maanta oo tallaado ah, gaar ahaan afarta galabnimo.

5/10/2022 1:13 AM EST
Talaado, May, 10, 2022 (HOL) - Wasiirkii hore ee arrimaha dibadda Somalia, Maxamed Cabdirisaaq Maxamuud, ayaa ku dhawaaqay inuu ka haray tartanka loogu jiro xilka madaxweynaha Soomaaliya.

5/10/2022 1:12 AM EST
Talaado, May, 10, 2022 (HOL) - Guddoomiyaha Xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi, ku eedeeyay in aanu daacad ka ahayn qabashada doorashada madaxtooyada.