3/29/2024
Today from Hiiraan Online:  _
Wararka Maanta- Sabti, July 30, 2022
Madaxweynaha Jubbaland oo ka tacsiyadeeyay geeridii ku timid Wasiirkii Arrimaha Gudaha iyo Dib u Heshiisiinta Jubbaland
 

Sabti, Luulyo, 30, 2022 (HOL) - Madaxweynaha dowlad goboleedka Jubbaland Axmed Maxaned Islaam Axmed Madoobe ayaa ka tacsiyadeeyay geeridii ku timid Allah u naxariistee wasiirkii Arimaha gudaha iyo dib u heshiisiinta maamulka Jubbaland Maxamed Warsame Darwiish oo ku dhintay dalka Jarmalka.

Madaxweyne Axmed Madoobe ayaa tacsi u diray qoyska, qaraabada iyo dhamaan shacabka Soomaaliyeed gaar ahaan shacabka reer Jubbaland oo uu ka baxay Allah u naxariiste Marxuum Maxamed Warsame Darwiish.

Madaxweynaha Jubbaland ayaa sheegay in Marxuumka heerar kala duwan uga soo shaqeeyay dalka gaar ahaan dowlad goboleedka Jubbaland oo uu sheegay inuu ka mid ahaa aas aasayaashii wakhtigooda iyo aqligoodaba u huray dhismaha dowlad goboleedka Jubbaland.

"Waxaan ehelka, qaraabada, qoyskii uu ka baxay, dhamaan ummada Soomaaliyeed iyo shacabka Jubaland uga tacsiyaynayaa geerida naxdinta leh ee ku timid Alle ha u naxariistee Wasiirkii Arimaha gudaha Federaalaynta iyo dib u heshiisiinta Jubaland walaalkay Marxuum Gen: Maxamed Warsame Darwiish oo ku geeriyooday dalka Jarmalka. Alle ha u naxariistee Marxuumku wuxuu heerar kala duwan uga soo shaqeeyay dalka gaar ahaana Jubaland isagoo kamid ahaa aas aasayaashii wakhtigooda iyo aqligoodaba u huray dhismaha Jubaland iyo dadaaladii Dowlad dhiska ahaa ee ka danbeeyay isagoo qeyb weyn ku lahaa sal u dhigida Wasaaradahii uu soo maamulayay wakhtiyadii lasoo dhaafay iyo howlahii baaxada lahaa ee uu u hayay shacabka Jubbaland" Ayuu yiri madaxweyne Axmed Maxamed islaam.

Gabagabadii madaxweynaha Jubnaland ayaa Alle uga baryay in uu Jannatul Firdowsa ka waraabiyo, samir iyo iimaanna ka siiyo ehelkii, asxaabtii, dhammaan Ummadda Soomaaliyeed iyo Bulshada Jubbaland ee uu ka baxay alle ha u naxariistee marxuumka Maxamed Warsame Darwiish oo ku geeriyooday dalka Jarmalka.

Jamaal Cali Cabdi, Hiiraan Online
[email protected]












Click here
7/30/2022 5:36 PM EST
Sabti, Luulyo, 30, 2022 (HOL) - Afhayeenka madaxtooyada Soomaaliya ayaa raali galin iyo cudur daar ka bixiyay hadal uu warbaahinta kasii daayay oo uu ku beeninayay inay madaxweynayaasha Soomaaliya iyo Masar ay kawada hadleen muranka webiga Nile.

7/30/2022 5:27 PM EST
Sabti, Luulyo, 30, 2022 (HOL) - Ciidanka Booliiska Somaliland, ayaa xisbiyada mucaaraka Somaliland uga digay in ay qabtaan mudaharaad anay ogolaansho u haysan.

7/30/2022 12:17 PM EST
Sabti, Luulyo, 30, 2022 (HOL) - Diyaaradii ugu horeysay oo sida Rakaab ayaa Maanta ka degtay garoon diyaaradeed markii ugu horeysay abid laga hirgaliyay magaalada Galdogob ee gobolka Mudug, taasoo ka ambabaxay garoonka diyaaraaha Aadan Cadde ee magaalada Muqdisho.

7/30/2022 11:03 AM EST
Sabti, Luulyo, 30, 2022 (HOL) - Wada-hadallo waqti dheer qaatay ayaa goor dhow usoo gabagaboobay Madaxweyne Xasan Sheekh Maxamuud iyo Ra’iisul wasaare , Xamse Cabdi Barre , sida ay HOL u sheegeen xubno ku dhow madaxtooyadda.

7/30/2022 10:43 AM EST
Sabti, Luulyo, 30, 2022 (HOL) - Madaxweynaha maamul goboleedka Galmudug Axmed Cabdi Kaariye Qoorqoor ayaa Maanta Madaxtooyada maamulka Galmudug ku qaabilay Danjiraha Qaramada Midoobay u qaabilsan Soomaaliya James swan oo Maanta gaaray magaalada Dhuusamareeb ee xarunta gobolka Galgaduud.

7/30/2022 8:32 AM EST
Sabti, Luulyo, 30, 2022 (HOL) - Madaxweynaha Soomaaliya, Xasan Sheikh Maxamuud ayaa ugu baaqay shacabka Muqdisho inaysan hay’adda amniga ku faro galin gudashada waajibaadkooda shaqo.

7/30/2022 5:42 AM EST
Sabti, Luulyo, 30, 2022 (HOL) - Ciidamada dowladda Soomaaliya iyo kuwa maamulka Koonfur Galbeed oo is kaashanaya ayaa howgalo qorsheysan oo ay ka sameeyeen deegaano hoostaga degmada Bardaale ee gobolka Baay, waxay sheegeen iney ku dileen sideed xubnood oo ka mid ah dagaalyahanada Shabaab.

7/30/2022 2:50 AM EST
Sabti, Luulyo, 30, 2022 (HOL) - Sii hayaha wasiirka maaliyadda Soomaaliya, Cabdiraxmaan Ducaale Beyleh, ayaa u mahad celiyay Bangiga Adduunka oo dowladda Soomaaliya u ansixiyay $100 milyan oo doolar oo kaalmo miisaaniyadeed ah.

7/30/2022 2:35 AM EST
Sabti, Luulyo, 30, 2022 (HOL) - Afhayeenka howlgalada Al-Shabaab, Cabdicasiis Abuu Muscab ayaa kasoo hadlay Idaacadda Andalus ee ku hadasha afka Al Shabaab, xilli dowladda Ethiopia ay sheegtay inay ku dishay dagaaladii shalay ka dhacay gobolka Bakool.

7/30/2022 2:32 AM EST
Sabti, Luulyo, 30, 2022 (HOL) - Warbaahinta ku hadasha Afka dowladda Itoobiya ayaa tabisay in Ciidamada Cirka ee Itoobiya oo qayb ka ahaa dagaalka ka dhanka ah Kooxda Al Shabaab ay duqeyn ay ka gaysteen xuduudda Itoobiya iyo Soomaaliya ay ku dileen Saraakiil ay ku sheegeen inay kamid ahaayeen Kooxda Al Shabaab.