3/29/2024
Today from Hiiraan Online:  _
Wararka Maanta- Talaado, Jan 11, 2022
Khilaaf soo kala dhexgalay shirkada DPworld iyo ganacsatada Somaliland

Talaado, January, 11, 2022 (HOL) - Waxa qarxay khilaaf u dhexeeya ganacsada wax kala soo degta Dekedda Berbera iyo shirkada DPworld ee gacanta ku haysta dib u dhiska iyo maamulka dekedda, kadib markii ay shirkadu kordhisay tacriifada (Canshuurta) ay ka qaado alaabaha dekedda kasoo daga.

Maareeyaha Dekeddaha Somaliland Siciid Xasan Cabdillaahi, oo waraysi siiyay idaacada VOA Somali, ayaa sheegay in uu khilaafku soo if baxay kadib markii shirkadu kordhisay lacagaha laga qaado alaabaha dekedda.

"Way jirtaa tacriifada ay kordhisay shirkada ka howlgasha Berbera ee DPworld, koontiinarka 20 ka ah waxa la kordhiyay $60, koonteenarka 40 ka ah na waxaa la kordhiyay $100, taasi oo keentay in ay cabasho xoogan ka muujiyaan ganacsatada J. Somaliland" ayuu yidhi Siciid.

Mareeyaha ayaa sheegay in xukuumada Somaliland ay soo dhex gashay labada dhinac isla markaana khilaafkii lasoo gaba gabeeyay "Sidaana ay dowladu ku dhex gashay, insha allah-na ay maanta soo gaba gabowday".

Mareeyaha ayaa sheegay in Dekedda Berbera ay wali tahay tan ugu jawaban dhinaca tacriifadaha la saaro alaabada, sida ku jirta heshiiska ay xukuumada Somaliland kula jirto shirkada DPworld.

Dekedda ayaan shaqaynin muddo 3 maal mood ah kadib markii ay ganacsatadu ka gadoodeen korodhka tacriifada (Canshuurta) dekedda wax lagagala soo dago, iyadoo la sheegayo in ay hada ganacsatadu dib u bilaabeen in ay badeecadaha dekedda kala soo baxaan.

Abdilahi Geel-maal, Hiiraan Online
[email protected]












Click here
1/11/2022 3:17 PM EST
Talaado, Janaayo, 11, 2022 (HOL) - Qaar kamid ah Puntland oo uu horkacayo Boqor Burhaan Boqor Muuse ayaa go'aan kasoo saaray khilaafka madaxweynaha Puntland iyo hay'adda PSF.

1/11/2022 10:00 AM EST
Talaado, Janaayo, 11, 2022 (HOL) - Wasiirka Wasaaradda Ganacsiga iyo Warshadaha Xukuumadda xilgaarsiinta dowladda Soomaaliya ayaa wareegto uu soo saaray waxa uu ku sheegay inuu shaqada kaga joojiyay Maareeyaha guud ee hay'adda Tayo dhowrka Soomaaliyeed Aadan Xasan Barre.

1/11/2022 9:35 AM EST
Talaado, Janaayo, 11, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta shir guddoomiyay kulan ay isugu yimaadeen guddoomiyaasha degmooyinka gobolka Banaadir iyo laamaha amniga gobolka Banaadir.

1/11/2022 8:59 AM EST
Talaado, Janaayo, 11, 2022 (HOL) - Dowladda Soomaaliya ayaa maanta bilowday qeybinta gargaarkii dhawaan ka yimid dowladda Imaaraatka, waxaana loo daabulay magaalooyinka, Garbahaareey, Baladweyne iyo Xudur oo kamid ah meelaha ugu daran ee lagasoo sheegayo saamaynta abaaraha.

1/11/2022 8:50 AM EST
Talaado, January, 11, 2022 (HOL) - Wasiirka Arrimaha Dibadda Somaliland D.R Ciise Kayd Maxamuud, ayaa sheegay in madaxweyne Biixi uu safar ku tagi doono dalka Maraykanka bisha saddexaad ee sannadkan.

1/11/2022 5:02 AM EST
Talaado, Janaayo, 11, 2022 (HOL) - Dowladda Kenya ayaa xoojisay howlihii shidaal baarista ee gobolka xeebta ee Lamu, ku dhawaad sanad kadib markii ay diiday go’aankii maxkamadda caddaalada adduunka ee la xiriirtay muranka ay galisay badda Soomaaliya.

1/11/2022 3:58 AM EST
Talaado, Janaayo, 11, 2022 (HOL) - Beesha caalamka ayaa soo dhoweysay shirkii golaha wadatashiga Qaran ee socday 3-9 Janaayo lagu gaaray is-afgarad ku saabsan wax ka bedelka iyo dib u habaynta habraaca iyo dedejinta waqtiga doorashada Golaha Shacabka.

1/11/2022 3:00 AM EST
Talaado, Janaayo, 11, 2022 (HOL) - Maxkamada ciidamada Qalabka Sida qeybta 27-aad ayaa maanta xukun dil toogasho ah ku fulisay askari ka tirsanaa ciidamada dowladda Soomaaliya oo horay u dilay qof shacab ah oo ka mid ah dadka reer Baled Xaawo.

1/11/2022 1:22 AM EST
Talaado, Janaayo, 11, 2022 (HOL) - Xamse Warfaa oo ahaa gudoomiye ku xigeenka waaxda shaqada iyo horumarinta dhaqaalaha ee gobolka Minnesota ayaa madaxweynaha dalka Maraykanka Joe Biden wuxuu u magacaabay lataliye sare oo ka tirsan wasaaradda arrimaha dibadda Maraykanka.

1/11/2022 1:12 AM EST
Talaado, Janaayo, 11, 2022 (HOL) - Wararka ka imaanaya deegaanka Qalimow ee gobolka Sh/dhexe ayaa sheegaya in goordhaw dagaalamayaal ka tirsan Al-shabaab ay si buuxda ula wareegeen gacan ku heynta deegaankaasi.

1/11/2022 12:06 AM EST
Talaado, Janaayo, 11, 2022 (HOL) - Madaxweynaha Soomaaliya Maxamed Cabdullaahi Farmaajo ayaa soo dhoweeyay shirka wadatashiga qaran iyo go'aannada kasoo baxay.