3/28/2024
Today from Hiiraan Online:  _
Wararka Maanta- Jimco, Aug 5 , 2022
Maamulka iyo hay'adaha Ammaanka ee gobolka Afdheer oo yeeshay kulan looga hadlayay dhanka amniga gobolka
 

Jimco, Agoosto, 5, 2022 (HOL) - Shir ay yeesheen Maamulka iyo Hay'adaha Ammaanka ee gobolka Afdheer ayaa waxay kaga hadleen xaaladihii u dambeeyay ee gobolkaasi iyo waliba sidii loo xoojin lahaa Ammaanka gobolka Afdheer iyo xuduudaba.

Shukri Xasan Barre Guddoomiyaha gobolka Afdheer oo Warbaahinta la hadlay ayaa sheegay in shirkan lagu gurfaynayay, labo arrimood oo ay u horreysay waxyaabihii laga qabtay dhanka amniga toddobaadadii lasoo dhaafay oo ay u horreysay arrinka Ururka Al Shabaab oo guddoomiyuhu sheegay in labo maalmood lagu soo afjaray hawlgalka ay dowladdu kula jirtay Ururka Al Shabaab.

Waxa kale oo guddoomiyaha gobolka Afdheer sheegay in toddobaadada soo socda ay dowladdu qaadayso hawgallo lagu sugayo amniga xuduudda uu gobolka Afdheer la leeyahay dalka Soomaaliya.

Maamulka gobolka Afdheer ayaa dhankooda xusay inay wadaan wacyi galinta ay siinayaan qaybaha kala duwan ee shacabka ku dhaqan gobolka Afdheer, iyagoo dhinaca kale uga mahad celiyay shacabka gobolkaasi dadaalkii ay dhankooda uga qayb qaateen sugidda amniga.

Tan iyo intii ay Al Shabaab soo gashay degaanka Soomaalida isla markaana ay billowdeen dagaallada u dhaxeeya Liyuu Booliska degaanka Soomaalida iyo Ururka Al shabaab, waxaa jiray kulamo iyo shirar kala duwan oo ay dowladdu u qabanaysay maamullada gobollada degaanka Soomaalida iyo shacabka, kuwaas oo lagaga xaajoonayay sidii loo sugi lahaa amniga degaanka.

Gobolka Afdheer ayaa kamid ahaa gobolladii u horeeyay ee Al Shabaab kasoo gashay degaanka Soomaalida labo toddobaad ka hor.

Abdilahi Jawhar, Hiiraan Online
[email protected]












Click here
8/5/2022 2:31 PM EST
Jimco, Agoosto, 5, 2022 (HOL) - Weerar ismiidaamin ah oo loo adeegsaday gaari walxaha qarxa laga soo buuxiyay ayaa lala beegsaday xero ciidan oo ku taal deegaanka Kalabayr ee gobolka Hiiraan.

8/5/2022 11:24 AM EST
Jimco, Agoosto, 5, 2022 (HOL) - Wararka aanu ka helayno meel u dhaw degmada Qabribayax oo lagu magacaabo Qaaxo ayaa sheegaya in hal qof uu u geeriyooday tiro kalena xaaladooda caafimaad laga dayrinayo kadib markii ay ku sumoobeen neef geela oo ay hilibkiisa cuneen.

8/5/2022 10:43 AM EST
Jimco, Agoosto, 5, 2022 (HOL) - Mooto Bajaaj laga soo buuxiyay waxyaabaha Qarxa ayaa ku qaraxday iyadoo maraysay waddo ku taalla xaafadda Taleex ee Magaalada Muqdisho, lamana oga halka ay ku socotay.

8/5/2022 9:27 AM EST
Jimco, Agoosto, 5, 2022 (HOL) - Madaxweynaha Koonfur Galbeed, Cabdicasiis Laftagareen ayaa gaaray magaalada Addis Ababa, halkaas oo la sheegayo inay ku casuumtay dowladda Ethiopia.

8/5/2022 7:39 AM EST
Jimco, Agoosto, 5, 2022 (HOL) - Dowladda Uganda ayaa martigelin doonta shir ku saabsan xoojinta xiriirka Soomaaliya, iyadoo ay kulmidoonaan guddiyo heer wasaaraddeed oo labada dal ka kala socda, sida ay sheegtay wasaaradda arrimaha dibadda dalkaas.

8/5/2022 3:26 AM EST
Jimco, Agoosto, 5, 2022 (HOL) - Masuuliyiin katirsan dowlad deegaanka Soomaaliya iyo Hirshabeelle, ayaa kulan ku saabsan xoojinta dagaalka ka dhanka ah Alshabaab, ku yeeshay deegaanka Labo baar oo katirsan degmada Shilaabo ee gobolka Qoraxeey.

8/5/2022 3:24 AM EST
Jimco, Agoosto, 5, 2022 (HOL) - Mareykanka ayaa 24 ka mid ah gawaarida gaashaaman ugu deeqday howlgalka nabad ilaalinta Midowga Afrika ee Soomaaliya, saddex bilood ka dib weerarkii ugu dhimashada badnaa ee muddo sanado ah lagu qaado howlgalka nabad ilaalinta ee uu Mareykanka taageero.

8/5/2022 1:48 AM EST
Jimco, Agoosto, 5, 2022 (HOL) - Madaxweyne ku xigeenka labaad ee maamulka Jubbaland, Suldaan Cabdiqaadir Luga-dheere, ayaa isagoo ku hadlayay magaca Jubbaland, waxa uu soo dhoweeyay xukuumadda cusub ee raysal wasaare Xamse Cabdi Barre.