3/29/2024
Today from Hiiraan Online:  _
Wararka Maanta- Arbaco, Aug 3 , 2022
Xisbiga UCID oo eedaymo u jeediyay Booliiska Somaliland
 

Arbaco, Ogosto, 3, 2022 (HOL) - Xisbiga mucaaradka Somaliland ee UCID, ayaa Booliiska Somaliland ku eedeeyay in uu baal maray xeerka booliiska lagu dhaqo.

Xogeeyaha Warfaafinta ee Xisbiga UCID Yuusuf Kayse Cabdillaahi, oo warbaahinta kula hadlay magaalada Hargaysa, ayaa booliiska ku eedeeyay in ay galeen tacadiyo ka dhan ah xuquuqda aadanaha, intii uu socday bannaanbixii 9 Juun, isla markaana ay sharciga ka talaabsadeen.

"Qodobka 33aad ee xeerka booliisku waxa uu leeyahay 'ma bannaana fal-danbiyeed kasta oo ka dhan ah bini'adamnimada, sida jidh-dilka, maskax-dilka iyo dhamaan fal-danbiyeedyada', waxad markhaati ka tihiin iyada oo saraakiili ay dumar keeni caarka ahaa ay naaska kala dhacayaan laag" ayuu yidhi Kayse.

Waxa uu sheegay in xeerka booliisku uu hay'adda booliiska farayo in anay ku lug yeelin karin, arrimaha siyaasada isla markaana, ay dhexdhexaad u tahay dhamaan xisbiyada siyaasada Somaliland.

"Booliiska Somaliland oo naga mudan sharaf iyo qadarin waxa noo dhexeeyaa waa xeerka ... cutubka 2aad faqradiisa 5aad waxa uu leeyahay booliisku waa u adeegaha bulshada isaga oo ka madaxbannaan siyaasad, dhexna u ah xisbiyada qaranka" ayuu yidhi Kayse.

Waxa uu sheegay in marka xeerka booliiska la eego, xubin kasta oo booliis ah oo lagu helo danbi jidh-dil ah in xeerku ku ciqaabayo 5 sanno ilaa 10 sanno, waxaana uu codsaday in sharciga la horkeeno, xubnihii ciidanka ka tirsanaa ee dhibaatooyinka gaystay bannaanbixii 9 Juun.



Abdilahi Geel-maal, Hiiraan Online
[email protected]












Click here
8/3/2022 9:38 AM EST
Arbaco, Agoosto, 3, 2022 (HOL) - Xildhibaanada Baarlamaanka Maamul goboleeda Hirshabeelle oo Maanta kulan ku yeeshay magaalada Jowhar ayaa ansixiyay xubnaha Golaha Wasiiradda Hirshabeelle oo laba cesho ka hor uu magacaabay madaxweynaha Maamulkaasi Cali Guudlaawe Xuseen.

8/3/2022 8:44 AM EST
Arbaco, Agoosto, 3, 2022 (HOL) - Culimada dowlad deegaanka Soomaalida, ayaa kullan ay isugu yimaadeen oo uu goob joog ka ahaa madaxweyne Mustafe Cagjar, waxay ku cambaareeyeen duullaankii ururka Alshabaab uu kusoo qaaday gobolka Afdheer.

8/3/2022 7:23 AM EST
Arbaco, Ogosto, 3, 2022 (HOL) - Xukuumada Somaliland ayaa xisbiyada mucaaradka uga digtay in ay dhigaan mudaharaad anay ogolaansho u haysan.

8/3/2022 7:16 AM EST
Arbaco, Ogosto, 3, 2022 (HOL) - Xukuumada Somaliland ayaa beenisay war ay warbaahinta Somali Dispatch, ku sheegtay in xukuumada Somaliland si qasab ah ku masaafurisay 34 qof oo Itoobiyaan ah.

8/3/2022 7:06 AM EST
Arbaco, Agoosto, 3, 2022 (HOL) - Hay’adda dambi baarista dalka Kenya ayaa waxay gacanta ku dhigtay nin si aad ah looga baadi goobayay Kenya.

8/3/2022 5:32 AM EST
Arbaco, Agoosto, 3, 2022 (HOL) - Wararka ka imaanaya deegaanka Golweyn oo ka mid ah deegaanada hoostaga degmada Buulo mareer ee gobolka Sh/hoose ayaa sheegaya in Saakay uu halkaasi ka dhacay dagaal xoogan oo dhexmaray ciidanka ATMIS gaar ahaan kuwa ka socda dalka Uganda iyo dagaalamayaal ka tirsan Al-shabaab.

8/3/2022 2:42 AM EST
Arbaco, Agoosto, 3, 2022 (HOL) - Warbaahinta caalamka ayaa si weyn u hadal haysa in Mukhtaar Roobow Abuu Mansuur oo horey uga tirsanaan jiray Alshabab, uu kamid noqdo golaha cusub ee wasiiradda Soomaaliya.

8/3/2022 2:16 AM EST
Arbaco, Agoosto, 3, 2022 (HOL) - Haweeney Soomaali ah, oo haysata dhalashadsa Holland ayaa lagu xukumay saddex sano oo xarig ah, kadib markii lagu soo eedeeyay inay lacago boqolaal dollar ah ugu deeqday kooxda Al-Shabaab.