Mid ka mid ah dhalinyarada caanka ka ahaa magaalada Baledweyne oo Xalay lagu dhex dilay hoygiisa
Arbaco, April, 20, 2022 (HOL) - Waxaa Xalay lagu dilay gudaha magaalada Baledweyne ee xarunta gobolka Hiiraan Allah u naxariistee Saciid Xasan Axmed oo loo yaqiinay Saciid Madaxeey.
Dilka loo geystay Saciid Madaxeey oo ahaa shaqsi si weyn looga yaqiinay gudaha magaalada Baledweyne ayaa la sheegay inuu ka dhacay gudaha hoyga uu ka daganaa magaalada Baledweyne.
lama oga sababta rasmiga ah ee ka dambeysa dilka Marxuumka, hayeeshee warar soo baxaya ayaa sheegaya inuu salka ku haayo khilaaf ka dhashay haweeney joogtay guriga marxuumka la dilay.
Majirto wax war ah oo kasoo baxay dhanka laamaha amniga degmada Baledweyne ee xarunta gobolka Hiiraan oo ku aadan dilka xalay loogu geystay gurigiisa dhexdiisa marxuum Saciid Xasan Axmed Saciid Madaxeey.