3/28/2024
Today from Hiiraan Online:  _
Wararka Maanta- Isniin, Apr 18, 2022
Raysal wasaaraha Soomaaliya oo si adag u cambaareeyay hoobiyayaal maanta lagu weeraray xarunta barlamaanka

Isniin, April, 18, 2022 (HOL) - Ra’iisul Wasaaraha Soomaaliya ayaa cambaareeyay hoobiyayaal lagu weeraray xarunta barlamaanka Soomaaliya, halkaas oo uu fadhi wadajir ah uga socday xildhibaannada labada aqal ee barlamaanka.

Raysal wasaare Maxamed Xuseen rooble, ayaa weerarkaan ku tilmaamay  fal fulaynimo ah oo la doonayay in lagu cabsigaliyo Baarlamaanka oo ku guda jira waajib gudashadiisa dastuuriga ah si loo cuuryaamiyo in doorashadu dhaqso u dhammaato.

Ra’iisul Wasaaruhu wuxuu ciidamada dowladda faray in ay labalaabaan dadaalkooda ku aaddan suggidda amniga iyo ka hortagista isku day kasta oo lagu carqaladaynayo amniga arrimaha doorashooyinka.

Waa weerarkii ugu horreeyay ee lagu qaado barlamaanka cusub ee Soomaaliya, waxaana weerarkaan uu qalqal ku abuuray habsami u socodka howlaha uu barlamaanka maanta u fadhiyay

Hoobiyayaasha ayaa ku dhacay afaafka hore ee dhismaha barlamaanka, waxaana ku dhaawacmay askari iyo qof katirsan shaqaalaha barlamaanka. Sidoo kale Ammaanka xarunta barlamaanka aad loo adkeeyay.

Xildhibaanno katirsan barlamaanka ayaa sheegay in hoobiyayaasha lagusoo beegay xilli barlamaanku u fadhiyay dood xasaasi ah oo ku aadan jadwalka doorashada guddoonka barlamaanka labada aqal.

Abdiweli M. Sheikh, Hiiraan Online












Click here
4/18/2022 2:00 PM EST
Isniin, April, 18, 2022 (HOL) - Koox ku hubaysan bistoolado ayaa magaalada Muqdisho ku dilay Allaha u naxariistee Abwaan Bedel Jaamac Xirsi, oo kamid ahaa abwaanada Soomaaliyeed ee ku noolaa Muqdisho.

4/18/2022 11:03 AM EST
Isniin, April, 18, 2022 (HOL) - Wararka ka imaanaya degmada Matabaan ee gobolka Hiiraan ayaa sheegaya iney la wareegeen gacan ku heynta degmadaasi dagaalamayaal ka tirsan Al-shabaab.

4/18/2022 8:50 AM EST
Isniin, April, 18, 2022 (HOL) - Hogaanka sare ee xisbiga Waddani oo booqday saxafiyiinta ku xidhan magaalada Hargaysa, ayaa ku baaqay in xoriyadooda loo celiyo.

4/18/2022 6:47 AM EST
Isniin, April, 18, 2022 (HOL) - Tiro madaafiic ah ayaa lagu garaacay agagaarka xarunta Villa Hargeysa oo ay Maanta kulankoodii ugu horeeyay si wadajir ah ugu yeelanayeen labada Gole ee Baarlamaanka Fedaraalka Soomaaliya.

4/18/2022 5:42 AM EST
Isniin, April, 18, 2022 (HOL) - Labada aqal ee barlamaanka Soomaaliya oo maanta kulan wadajir ah ku yeeshay magaalada Muqdisho ayaa meel mariyay jadwalka doorashada guddoonka labada aqal ee barlamaanka.

4/18/2022 3:57 AM EST
Isniin, April, 18, 2022 (HOL) - Hay’adaha Sirdoonka Milliteriga ee Bariga Afrika ayaa shir ku yeeshay Caasimadda dalka Ethiopia ee Addis Abeba, kaasi oo ay kaga wada-tashanayeen Ammaanka Gobalka, Argagixisadda iyo arrimo kale.

4/18/2022 2:33 AM EST
Isniin, April, 18, 2022 (HOL) - Taliska ciidanka Booliiska Degmada Dharkenleey ee gobolka Banaadir ayaa howlgalo ay ka sameyeen gudaha xaafadaha degmadaasi oo lagu bartilmaameedsanaayay ciyaal weero dhibaato xoogan ku haya shacabka degan xaafadaha degmada Dharkenley.

4/18/2022 1:47 AM EST
Isniin, April, 18, 2022 (HOL) - Labada aqal ee barlamaanka Soomaaliya ayaa maanta yeelanaya Kulan wadajir ah oo looga arrinsanayo ansaxinta wax ka badelka Habraaca ku-meel-gaark ah ee Doorashooyinka Guddoonka labada Gole iyo Madaxweynaha.