11/28/2024
Today from Hiiraan Online:  _
Wararka Maanta- Isniin, Nov 21, 2022
Wasiirka Difaaca Kenya : Ciidamada Kenya waxay sii joogi doonaan Soomaaliya illaa nabadda laga soo celinayo
 

Isniin, November, 21, 2022 (HOL) - Ciidamada Kenya ee ku hoos shaqeeya howlgalka ku meel gaarka ah ee Midowga Afrika ee Soomaaliya (ATMIS) ayaa sii joogi doona Soomaaliya, sida ay sheegtay Wasaaradda Difaaca Kenya.

Wasiirka gaashaandhigga Kenya Aadan Barre Ducaale oo wareysi siiyay wargeyska Nation Africa, ayaa sheegay in joogitaanka ciidamada Kenya ay gacan ka geysanayaan sidii loo tayayn lahaa ciidamada Soomaaliya.

Ducaale ayaa ballan qaaday in dowladiisa ay ku garab istaagi doonto Madaxweyne Xasan iyo shacabka Soomaaliyeed sidii dalkooda ay nabad ugu soo dabaali lahaayeen.

In ka badan 4,000 askari ayaa Kenya ka jooga Soomaaliya, iyagoo ku sugan deegaannada Jubbaland.

Madaxweynihii hore ee Kenya, Uhuru Kenyatta ayaa horey u sheegay in tirada ciidamada Kenya ee ku sugan Soomaaliya la dhimayo si ay qeyb uga noqdaan qorshaha kala guurka howlgalka ATMIS.