11/27/2022
Today from Hiiraan Online:  _
Wararka Maanta- Isniin, Nov 20, 2022
Shirkii Jimciyadda Islaamiga Waqooyiga Ameerika IANA oo shalay Phoenix AZ ku soo gabagaboobay.

Axad, November, 20, 2022 (HOL) - Shalay Sabti ahayd  waxaa  magaalada Phoenix ee Gobolka Arizona Masjidka Al Rahma  lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA). Shirkan ayaa si rasmi ah uga socday magaaladda mudo labo cisho ah, Shirkan oo ah shir sannadkiiba mar la qabto ayaa waxaa ka soo qaybgala Masaajidada ay ku midaysan yahiin jimciyadaan oo dhan ilaa 40 xarumood oo kula yaal badi goboladda ay Soomaalida ka dagan yahiin dalka Maraykanka


Waxaana jimciyadaan la aasaasay sandkii 2001, waxayna uga wada hadlayeen sanadkaan qodobbo muhiima oo ugu hareeyaan arimahha dhalinyarada Soomaaliyeed ee dalkaan horemarinta adeegyada dacwada, sidii loo horemarin lahaa mashaariicda masaajida loona wacyigalin lahaa dadka Muslimiinta ah ee ku nool W/ America, waxaa siminaar socday saacado lagu qaatay habka saxda ah ee loo heli karo guryo aan ribo lahayn,iyadoo qabiir arimahaa aqoon sare u leh uu shirka kala soo qaybgalay

Sheekh Yuusuf Cabdi Cabdulle  oo ah agaasimaha fulinta Jimciyadda Islaamica ee (IANA) ayaa HOL u sheegayin shirkaan looga dooday arrimo badan oo ku saabsan maslaxada bulshadda, qoysaska iyo dhallinyarada Soomaaliyeed, gaar ahaan kuwa ku nool Waqooyiga Maraykanka”.


Sidoo kale waxaa sannadkan shirka ka soo qaygalay marti sharaf kale oo ay kamid yihiin Hayadaha Samafalka HARO,,SAMARAADO & DILAALU SADAQA oo iyagu diyaar ah inay qayb ka noqdaan samafaladda Abaaraha Indhoolayaasha , Agoonta ku nool geeska Afrika qaasatan Soomaaliya oo aad looga hadlay shirkaan,



Sh Maxamed Mursal gudoomiyaha gudiga sare ee jimciyadda ayaa isaguna HOL  u sheegay in sanadkaan ay qorshaysteen inay kaalin wax ku ool ah ka qabtaan arimahha dhalinyarada sidii wadada saxda ah loogu soo ridi lahaa ,kuwa wadooyinka ku dhibaataysan na waxii la awoodu lala garab istaagi lahaa, waxaana dajisanay qorsho sanad tijaabo ah oo arimha dhalinta xoog lugu saarayo ayuu yiri Sh Mursal.

Gabagabadii shirkaan shalay ayaa laga aqriyey bayaan ay si wadajira culumadu uga hadleen xaaladaha Maraykanaka & Soomaaliya,

HALKAN KA AQRISO BAYAANKA IANA


Warsaxaafadeed:Taariikhda November 19, 2022 Assalaamu Calaykum ww.

Waxaa manta oo ay taariikhdu tahay bisha November 19, 2022,

waafaqsan Bisha Rabiic Athani 25, 1444 kusoo gabagaboobay shirkwaynihii

kow iyo labaatanaad(21aad) ee Jamciyada Islaamka ee woqooyiga America (Islamic Association of North America. IANA). Waxaan marka hore u mahad naqaynaa Allah subxaanahu watacaalaa.

Marka labaad waxaan u mahad naqaynaa masjidka Arraxma ee Phonix, maamulkiisa,

culumadiisa, iyo jaaliyada soomaaliyeed ee magaalada Phoenix oo

shirka si meeqaan iyo mmaamuus wayn leh u marti galiyay.

Shirka sanadkaan waxaa diirada lugu saaray arrimaha

muhiimka u ah bulshada soomaaliyeed ee ku nool maraykaanka.

Waxaa looga hadlay sidii looga wada shaqayn lahaa istiraatiigiyada

fog ee maraakista hay’ada IANA sida Dacwada, horumarinta maraakista,

dhallinyarada, arrimaha bulshada, iyo ka civic engagement

(raadinta iyo ilaalinta danaha muslimiinta).

Waxaa si aad ah loo qaadaa dhigay muhimada ay leedahay,

barbaarinta, kobcinta, iyo toosinta dhallinyarada Muslimka ah ee

qurbaha ku koray ama ku dhashay. Waxaa si aad ah looga

dooday qorshayaal iyo istiraatigiyad lugu badbaadinayo dhallinyarada

oo uu fuliyo xafiiska IANA. Waxaa la go’aamiyay in isku dubaride

arrimaha dhallinnyrada la hawl galiyo sanadka 2023 ka.

Waxaa shirka lugu soo bandhigay shaqooyinka iyo gargaarka ay

fidiyaan hay’adaha kala ah HARO, SAMRADO,

iyo SHADOW OF CHARITY. IANA waxay ku adkaynaysaa

hay’adaha gagrgaarka inay si dhaqso ah oo wax tar leh ugu

gurmadaan dadka ay abaaruhu saameeyeen, kuwa ku naafoobay,

ama ku dhawaacmay qaraxyada ay kooxaha khawaarijtu

ka gaystaan gayiga Soomaaliyeed.

IANA waxay faraysaa umada Soomaaliyeed meel

walba oo ay joogaan inay u gurmadaan walaalohooda

soomaaliyeed ee tabaalaysan.IANA waxay kula dardaarmaysaa

dawlada federlka, maamul gobaleedyada iyo ,

iyo dhamaan shacabka Soomaaliyeed inay iska kiciyaan

oo iska dulqaadaan ayagoo iskaashanaya cadawga khawaarijta

ah ee bannaystay dhiigooda, xoolohooda, iyo sharaftooda.

Waxaan u dardaarmaynaa umada Soomaaliyeed meel walba

oo ay joogaan inay Allah ha ka cabsadaan oo diintooda ilaashadaan.

Waxaan Allah uga baryaynaa umada soomaaliyeed meel walba oo ay

joogaan nabdgalyo, walaaltinimo, iyo inay diintooda ku sugnaadaan.

IANA Wabillahi Tawfiiq:Wassalamu Calaykum ww 


Siyad Said Salah 

Hiiraan Online













Click here
11/20/2022 1:53 PM EST
Axad, November, 20, 2022 (HOL) - Madaxweynaha Soomaaliya Xasan Sheekh Maxamuud ayaa soo saaray wareegto uu ku magacaabay guddoomiye ku xigeenada iyo xoghayaha guud ee gobolka Banaadir.

11/20/2022 10:20 AM EST
Axad, November, 20, 2022 (HOL) - Waqti aad u kooban kaliya ayaa ka harsan iney bilaabato munaasabadda furitaanka koobka kubadda cagta Aduunka oo ay sanadkaan 2022-ka ay marti galineyso wadanka Qatar.

11/20/2022 9:01 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo ayaa Maanta gaaray magaalada Baledweyne ee xarunta gobolka Hiiraan, halkaasoo si weyn loogu soo dhaweeyay.

11/20/2022 7:56 AM EST
Axad, November, 20, 2022 (HOL) - Xukuumada Somaliland ayaa sheegtay in lagu leeyahay dayn dhan $45 milyan, dayntaasi oo aan hore loo ogayn.

11/20/2022 7:45 AM EST
Axad, November, 20, 2022 (HOL) - Xisbiga mucaaradka Somaland ee UCID, ayaa waxan suuragal ahayn ku tilmaamay sharciyadii shalay golaha fulinta ee xisbiga Kulmiye sheegeen in ay kala noqdeen xisbiyada mucaaradka.

11/20/2022 5:22 AM EST
Axad, November, 20, 2022 (HOL) - Madaxweynaha maamulka Koonfur Galbeed, Cabdicasiis Lafta Gareen, ayaa soo dhoweeyay shirka dib u heshiisiinta ee uu shalay ku baaqay guddoomiyaha barlamaanka Soomaaliya, Aadan Madoobe.

11/20/2022 5:08 AM EST
Axad, November, 20, 2022 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw gabi ahaanba uu istaagay dhamaan dhaqdhaqaaqyadii kala duwana ee ganacsiga iyo isku socodka dadka iyo gaadiidka, islamarkaana wadooyinka waa weyn lasoo dhoobay ciidamo aad u farabadan.

11/20/2022 4:45 AM EST
Axad, November, 20, 2022 (HOL) - Waxaa god dahabka laga qado oo kuyaala deegaanka Milxo oo katirsan degmada Laasqoray ee gobolka Sanaag laga soo saaray maydka nin dhallinyaro ah oo shalay uu la dumay god uu dahab ka baarayay.

11/20/2022 4:00 AM EST
Axad, November, 20, 2022 (HOL) - Souef Mohamed El-Amine oo ah Dublamaasi u dhashay dalka Comoros, ayaa la wareegay inuu noqdo madaxa howlgalka Midowga Afrika ee Soomaaliya (ATMIS), ku dhawaad 7 bilood ka dib markii ay dowladda Soomaaliya cayrisay ergaygii hore ee Francisco Madeira.

11/20/2022 1:24 AM EST
Axad, November, 20, 2022 (HOL) - Wasiirka gaadiidka iyo duulista hawada Xukuumadda Federaalka Soomaaliya, Xil. Fardowsa Cusmaan Cigaa iyo Safiirka Kenya u jooga Soomaaliya, Thomas Chepkoto, ayaa wada hadal ka yeeshay xoojinta iskaashiga duulimaadka ee labada dhinac, ansixinta heshiisyada gaadiidka iyo duullimaadka iyo dib u soo celinta duulimaadyada Kenya Airways.

11/20/2022 1:18 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo shalay safaro ku tagay deegaano ka kala tirsan gobolada Hiiraan, Galgaduud iyo Mudug ayaa Xalay ku hoyday magaalada Dhuusamareeb ee xarunta maamulka Galmudug.