11/27/2022
Today from Hiiraan Online:  _
Wararka Maanta- Axad, Nov 20, 2022
Diblomaasi reer Comoros ah oo la wareegay hoggaanka howlgalka Midowga afrika ee Soomaaliya (ATMIS)
 

Axad, November, 20, 2022 (HOL) - Souef Mohamed El-Amine oo ah Dublamaasi u dhashay dalka  Comoros, ayaa la wareegay  inuu noqdo madaxa howlgalka Midowga Afrika ee Soomaaliya (ATMIS), ku dhawaad 7 bilood ka dib markii ay dowladda Soomaaliya cayrisay ergaygii hore ee Francisco Madeira.

El-Amine ayaa Sabtidii ka soo muuqday Muqdisho ka dib markii uu magacaabay guddoomiyaha guddiga Midowga Afrika Moussa Faki. Kahor inta uusan qaban jagada Muqdisho, El Amine wuxuu ahaa madaxa xafiiska gobolka ee Howlgalka Xasilinta Isku-dhafka ah ee Qaramada Midoobay ee Mali.

El Amine, oo sidoo kale ah qoraa caan ah ayaa horay u soo noqday Wasiirka Arrimaha Dibadda ee Comoros, kadibna wuxuu qabtay jagadaas intii u dhaxaysay May 1999-Julay 2005.

Madaxa cusub ee ATMIS ayaa sidoo kale ahaa madaxa Xafiiska Midowga Afrika ee Hawlgalka Qaramada Midoobay ee Darfur (UNAMID) ee Suudaan intii u dhaxaysay Abriil 2011 iyo Sebtembar 2015.

El Amine ayaa hadda hogaanka ATMIS la wareegaya xilli xasaasi ah oo dowladda Soomaaliya guulo waawayn ay ka gaartay howlgallada milateri ee ka dhanka ah kooxda Al-Shabaab.

El Amine ayaa hoggaamin doona qaybta ka hadhay muddada labada sano ah ee kala guurka ah ee ciidamada Midowga Afrika.

Isbeddelka ayaa billowday bishii April ee sanadkan markii howlgalka Midowga Afrika ee Soomaaliya uu howlgalkii AMISOM ku beddelay ATMIS inkastoo tirada ciidamada iyo ka qayb qaadashada ay inta badan sidii hore tahay.

Muddada kala guurka ah ee labada sano ah ayaa lagu wadaa in ay ku ekaato bisha April 2024, markaas oo la filayo in ciidamada amniga Soomaaliya ay la wareegaan mas’uuliyadda amniga ee dalka.












Click here
11/20/2022 1:53 PM EST
Axad, November, 20, 2022 (HOL) - Madaxweynaha Soomaaliya Xasan Sheekh Maxamuud ayaa soo saaray wareegto uu ku magacaabay guddoomiye ku xigeenada iyo xoghayaha guud ee gobolka Banaadir.

11/20/2022 12:36 PM EST
Shalay Sabti ahayd waxaa magaalada Phoenix ee Gobolka Arizona Masjidka Al Rahma lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA).

11/20/2022 10:20 AM EST
Axad, November, 20, 2022 (HOL) - Waqti aad u kooban kaliya ayaa ka harsan iney bilaabato munaasabadda furitaanka koobka kubadda cagta Aduunka oo ay sanadkaan 2022-ka ay marti galineyso wadanka Qatar.

11/20/2022 9:01 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo ayaa Maanta gaaray magaalada Baledweyne ee xarunta gobolka Hiiraan, halkaasoo si weyn loogu soo dhaweeyay.

11/20/2022 7:56 AM EST
Axad, November, 20, 2022 (HOL) - Xukuumada Somaliland ayaa sheegtay in lagu leeyahay dayn dhan $45 milyan, dayntaasi oo aan hore loo ogayn.

11/20/2022 7:45 AM EST
Axad, November, 20, 2022 (HOL) - Xisbiga mucaaradka Somaland ee UCID, ayaa waxan suuragal ahayn ku tilmaamay sharciyadii shalay golaha fulinta ee xisbiga Kulmiye sheegeen in ay kala noqdeen xisbiyada mucaaradka.

11/20/2022 5:22 AM EST
Axad, November, 20, 2022 (HOL) - Madaxweynaha maamulka Koonfur Galbeed, Cabdicasiis Lafta Gareen, ayaa soo dhoweeyay shirka dib u heshiisiinta ee uu shalay ku baaqay guddoomiyaha barlamaanka Soomaaliya, Aadan Madoobe.

11/20/2022 5:08 AM EST
Axad, November, 20, 2022 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw gabi ahaanba uu istaagay dhamaan dhaqdhaqaaqyadii kala duwana ee ganacsiga iyo isku socodka dadka iyo gaadiidka, islamarkaana wadooyinka waa weyn lasoo dhoobay ciidamo aad u farabadan.

11/20/2022 4:45 AM EST
Axad, November, 20, 2022 (HOL) - Waxaa god dahabka laga qado oo kuyaala deegaanka Milxo oo katirsan degmada Laasqoray ee gobolka Sanaag laga soo saaray maydka nin dhallinyaro ah oo shalay uu la dumay god uu dahab ka baarayay.

11/20/2022 1:24 AM EST
Axad, November, 20, 2022 (HOL) - Wasiirka gaadiidka iyo duulista hawada Xukuumadda Federaalka Soomaaliya, Xil. Fardowsa Cusmaan Cigaa iyo Safiirka Kenya u jooga Soomaaliya, Thomas Chepkoto, ayaa wada hadal ka yeeshay xoojinta iskaashiga duulimaadka ee labada dhinac, ansixinta heshiisyada gaadiidka iyo duullimaadka iyo dib u soo celinta duulimaadyada Kenya Airways.

11/20/2022 1:18 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo shalay safaro ku tagay deegaano ka kala tirsan gobolada Hiiraan, Galgaduud iyo Mudug ayaa Xalay ku hoyday magaalada Dhuusamareeb ee xarunta maamulka Galmudug.