5/20/2022
Today from Hiiraan Online:  _
Wararka Maanta- Jimco, May 13, 2022
Dagaal xooggan oo udhaxeeya ciidamada Galmudug iyo kuwa Ahlusunna oo ka socda magaalada Dhuusomareeb
 

Jimco, May, 13, 2022 (HOL) - Dagaal xooggan oo u dhaxeeya ciidamada maamulka Galmudug iyo kuwa Ahlusuna Waljamaaca ayaa saakay waaberigii ka bilowday magaalada Dhuusomareeb ee caasimadda Galmudug.

Wararka aan helayno waxay sheegayaan in ciidamada Ahlsunna Waljamaaca ay weerar ku qaadeen xarumaha ay ku sugan yihiin ciidamada Galmudug, sida saldhigga Dhuusomareeb iyo xarumo kale oo ciidan.

Labada dhinac ayaa isku adeegsanaya hubka nuucyadiisa kala duwan, iyadoo dadku ay bilaabeen inay isaga barakacaan guryahooda.

Lama oga waxa dagaalkaan dhaliyay, hase ahaatee tan iyo markii Ahlusunna laga saaray magaalada Guriceel waxay abaabul ciiddan ka wadeen tuulada Bohol oo hoos tagta degmada Dhuusomraeeb.

Saraakiil katirsan Galmudug oo saakay saxaafadda la hadlay ayaa sheegay inay fashiliyeen weerar ay magaalada Dhuusomareeb kusoo qaadeen Ahlusunna.

Saraakiisha waxay sheegeen in dagaalku meelo yaryar haatan uu ka socdo islamarkaana ciidamada Galmudug ay sii baacsanayaan ciidamada weerarka kusoo qaaday magaalada Dhuusomareeb.

Dagaalkaan ayaa kusoo aaday, iyadoo madaxdii Galmudug ay ku sugan yihiin magaalada Muqdisho kuna mashquulsan yihiin loolanka siyaasadeed ee doorashada madaxweynaha dalka.

Sannadkii hore, dagaal Galmudug iyo Ahlusunna ku dhexmaray magaalada Guriceel waxaa ku geeriyooday soddomeeyo qof, boqolaal kun oo shacab ahna way ku barakaceen, sida ay sheegtay Qaramada Midoobay.

Waxaa xusid mudan in tan iyo waqtigaas aan wax heshiis nabadeed ah laga gaarin colaadda labada dhinac u dhaxeysa, iyadoo ciidamada Ahlusunna ay dhowr jeer weeraro jidgal ah la beegsadeen ciidamada Galmudug.

Abdiweli M. Sheikh, Hiiraan Online
[email protected]












Click here
5/13/2022 4:15 PM EST
Jimco, May, 13, 2022 (HOL) - Xisbiga mucaaradka Somaliland ee Waddani oo taageerayaashiisa ugu baaqay mudaharaad, hadii doorashada madaxtooyada Somaliland ay qabsoomi waydo 13 bisha November ee sannadkan.

5/13/2022 4:04 PM EST
Jimco, May, 13, 2022 (HOL) - Guddiga xallinta khilaafka dhex yaalla labada deegaan ee Soomaalida iyo Canfarta oo maanta kulan ku yeeshay magaalada Jig-jiga, ayaa soo saaray qodobo muhiim ah, oo xal u noqon kara khilaafaadka dhex yaal labada degaan.

5/13/2022 1:41 PM EST
Jimco, May, 13, 2022 (HOL) - Taliska Ciidamada Maraykanka ee Afrika (AFRICOM),oo warbixin labaad kasoo saaray safarkii madaxda talisku ay shalay ku tageen Somaliland, ayaa sheegay in ay doonayaan in ay iskaashi millateri la yeeshaan Somaliland.

5/13/2022 12:28 PM EST
Jimco, May, 13, 2022 (HOL) - Ciidamada Dowladda iyo kuwa Galmudug ayaa si buuxda dib gacantooda ugusoo celiyay magaalada Dhuusomareeb, halkaas oo aay Saakay weerar kusoo qadeen ciidamo Ahlusunna Waljameeca.

5/13/2022 7:23 AM EST
Jimco, May, 13, 2022 (HOL) - Dowlad degaanka Canfarta ayaa deeq lacageed oo gaaraysa 10 milyan ugu deeqay shacabka degaanka Soomaalida, deeqdan ayaa waxaa degaanka Soomaalida soo gaarsiiyay Madaxwaynaha degaanka Canfarta Awal Arbe.

5/13/2022 4:27 AM EST
Jimco, May, 13, 2022 (HOL) - Dagaal u dhaxeeya ciidamada Galmudug iyo kuwa Ahlusunna waljamaaca ayaa weli ka socda qeybo kamid ah magaalada Dhuusomareeb, waxaana ka dhashay khasaare dhimasho iyo dhaawac leh oo aan weli xog sugan laga haynin.

5/13/2022 4:22 AM EST
Jimco, May, 13, 2022 (HOL) - Wasiirka ciidamada ee dalka UK, James Heappey, ayaa booqasho ku tagay dalalka bariga Afrika ee ay Soomaaliya ku jirto, si uu ugala hadlo dadaallada wadajirka ah ee lagu horumarinayo xasilloonida gobolka iyo dhismaha amniga Soomaaliya.

5/13/2022 2:45 AM EST
Jimco, May, 13, 2022 (HOL) - Ammaanka magaalada Muqdisho ee caasimadda Soomaaliya ayaa si weyn loo adkeeyay, iyadoo la soo gaba gabeeyay diyaar garowgii ugu dambeeyay ee doorashada Madaxweynaha dowladda Federaalka Soomaaliya.

5/13/2022 1:50 AM EST
Jimco, May, 13, 2022 (HOL) - Xubno ka tirsan ururka xuquuqul insaanka ee İHD ee ka jira dalka Turkiga, ayaa booqday qaxootiga ka imaanaya Soomaaliya ee ku sugan magaalada caasimadda ah ee Ankara, kuwaas oo la kulmay cadaadis lagu xirayo dukaamadooda.

5/13/2022 12:57 AM EST
Jimco, May, 13, 2022 (HOL) - Cabdikariin Xuseen Guulleed oo kamid ah musharraxiinta isku diiwaan galiyay tartanka doorashada madaxweynaha Soomaaliya, ayaa isaga haraya tartanka doorashada, isagoo u tanaasulay Cabdiraxmaan Cabdishakuur Warsame.