Khamiis, Maarso, 10, 2022 (HOL) - Qaramada Midoobay ayaa ka digtay in ay soo food saartay dhaqaale la'aan naafaysa si wax looga qabto abaarta ba'an ee Soomaaliya, taas oo ay " hadheeyeen" xasaradaha kale ee bini'aadantinimo oo uu ku jiro dalka Ukraine.
Qaramada Midoobay waxay sheegtay qalalaasaha Ukraine ka taagan inuu qaadanayo dhammaan taageerada caalamku ugu talo galay dalalka kale.
UN-ka waxa ay xaqiijisey $1.46 bilyan oo u dhiganta (1.23 bilyan oo Yuuro) oo loo baahan yahay in lagu daboolo baahiyaha Soomaalida, Adam Abdelmoula, oo ah xiriiriyaha bini'aadantinimada ee Qaramada Midoobay ee Soomaaliya, ayaa shir jaraa'id oo uu ku qabtay caasimadda Kenya ee Nairobi ku sheegay,
"Xaaladdu aad ayay u xun tahay," Ku dhawaad 671,000 oo qof ayaa lagu qasbay inay ka cararaan guryahooda si ay biyo, cunto ama daaq u raadiyaan xoolahooda, taasoo ka badan laba jibaar 245,000 oo barakacay bishii December. Sanadihii la soo dhaafay.
Qaramada Midoobay ayaa sheegtay dhibaatada abaareed ee ka jirto Soomaaliya inay saameeysay 4.5 milyan oo qof, oo ah ku dhawaad 30 boqolkiiba tirada dadka Soomaaliyeed.
Soomaaliya saddex xilli rooobaad oo isku xigxiga ma helin roobab ku filan oo hoos u dhiga heerka abaartu marayso, oo ah mid aad usii kordhaysa, iyadoo ay jiraan dad u geeriyooday haraad iyo gaajo.