Hiiraan Online

 

Arbaco, Febraayo, 23, 2022 (HOL) - Raysal wasaaraha Xukuumadda Federaalka Soomaaliya Maxamed Xuseen Rooble ayaa guddoomiyey shirka Amniga Qaran oo looga hadlayaay xoojinta amniga dalka iyo la dagaalanka waxa loogu yeero Argagaxisada, dardar gelinta sugidda amniga Muqdisho  iyo adkaynta amniga Doorashada dalka.

Shirkaan amniga waxaa ka qeybgalay  Hay'adaha Amniga iyo Taliska Ciidanka Midowga Afrika ee AMISOM, waxaana la isku dhaafsaday aragtiyo lagu xoojinayo amniga dalka iyo howlgalada ka dhan ah Al-shabaab oo ay wadaan ciidanka xoogga dalka Soomaaliyeed.

Raysal wasaaraha dalka ayaa faray hay’adaha amniga in ay xil gaar ah iska saaran sugida amniga caasimadda oo lagu qaban doono doorashadda Guddoonka Barlamaanka Fedaraalka Soomaaliya iyo tan Madaxweynaha Soomaaliya.

Gabagabadii Raysal wasaare Rooble ayaa ku boggaadiyey hay'adaha amniga iyo Taliska ciidanka AMISOM dadaalada ay wadaan, isagoona ku adkeeyey in la sii wado howlgalada xoreynta goobaha ay ku sugan yihiin Alshabaab.