Axad, Febraayo, 20, 2022 (HOL) - Guddiga doorashada maamulka Jubbaland ayaa shaaciyay jadwalka qabashada doorashada 5 kursi oo ka mid ah kuraasta Golaha Shacabka ee deegaan doorashadoodu tahay Jubbaland.
Kuraasta la shaaciyay ayaa doorashadoodu waxay dhaceysa 22-ka bishaan Febraayo oo ku beegan maalinta Talaadada ee soo socota, waxaana ku jira kuraas aad loo sugaayay tartankooda.
Kuraasta doorashadooda ay shaaciyayeen guddiga dooraashada Jubbaland ayaa sumadoodu kala tahay HOP 072, HOP 079, HOP 112, HOP 130, HOP 136, kuwaas oo diiwaan gelintooda Maanta bilaabaneyso.
Maamulka Jubbaland ayaana wali shaacinin doorashada kuraasta taalla deegaan doorashada labaad oo ah Garbahaareey, halka maamulada kale ay wada shaaciyeen, waxaama xusid mudan in masuulyiinta Jubbaland ay sheegeen ineysan suurtagal aheyn doorasho ka dhacda Garbahaareey, mana la oga halka uu ku dambeyn doono xaalka doorashada kuraasta Garbahaareey taala.
Hoos ka akhriso Jadwalka oo dhameystiran.