Hiiraan Online

 

Khamiis, Febraayo, 17, 2022 (HOL) - Waxaa Maanta lagu wadaa in magaalada Dhuusamareeb ay ka qabsoonto doorashada sadax kursi oo ka mid ah kuraasta Golaha Shacabka Baarlamaanka Soomaaliya ee deegaan doorashadoodu tahay Galmudug.

Doorashada Maanta dhaceysa oo ah sadax kursi ayaa guddiga uu soo gabagabeeyay Shalay diiwaan gelinta iyo shahaado siinta Musharaxiinta.

Kuraasta doorashadooda goordhaw iney bilaabato lagu wado waxaa ka mid ah kursiga sumadiisu yahay HOP 147, oo ay ku tartami doonaan Xildhibaan Mahad Maxamed Salaad oo horay ugu fadhiyay kursiga iyo Shamo Cabdullaahi Maxamed.

Kursiga HOP 035, waxaa isna ku tartami doona Musharaxiinta kala ah Maxamed Cabdulle Faarax Geeseey iyo Cabdullaahi Axmed Cabdi, halka kursiga  HOP 055, ay ku tartami doonaan Musharaxiinta kala ah Maxamed Xuseen Abuukar iyo Maxamed Saciid Cabdullaahi.

Maamulka Galmudug ayaa ka mid ah maamul goboleedyada si dardarta leh ku wada qabashada howlaha doorashooyinka Golaha Shacabka Baarlamaanka 11-aad ee dalka.