6/27/2022
Today from Hiiraan Online:  _
Wararka Maanta- Khamiis, Apr 21, 2022
Taliye Xijaar "Ciidanka Booliiska habeen walba laba ama sadax askari ayaa laga dilaa"
 

Khamiis, April, 21, 2022 (HOL) - Taliyaha ciidanka Booliiska Soomaaliyeed Jenaraal Cabdi Xasan Xijaar oo ka hadlaayay dilalka ay geystaan ciidanka Booliiska Soomaaliya ayaa sheegay in ciidanka Booliiska dilalka ay geystaan ay ka badan tahay dilalka ayaga loo geysto.

Taliye Xijaar ayaa sheegay in askarta Booliiska Soomaaliyeed iyaga habeen walba laba ama sadax askari laga dilo, xiliyada ay ku guda jiraan howlgalada ay kula dagaalamayaan tuugada hubeysan ee ku sugan gudaha magaalada Muqdisho, iyadoona aysan jirin cid sheegta dilalkaasi, hayeshee marka ay iyaga dil geystaan si weyn loo buunbuuniyo.

“habeenkii ay ugu yar tahay labo illaa saddex askari oo ka tirsan ciidamada booliiska ayaa la dila, haddii Booliisku xabada kala hormaro ay dilaan tuugga, waxaa magaalada oo dhan la isla dhex marayaa Booliiska ayaa qof dilay, Taleefano dhacayay, Baabuur buu dhacayay, haddii aad u tagna xabad buu kugu ridaya” ayuu yiri taliye Xijaar.

Waxuu intaasi ku daray Taliyaha Booliiska Soomaaliyeed in askarta Booliiska ay ku shaqeeyaan marxalado adag oo u baahan in qof walba uusan fahmi karin, isagoona sheegay in sadaxdii bilood ee lasoo dhaafay xaalada Muqdisho aheyd mid wanaagsan, islamarkaana ciidanka Booliiska Soomaaliyeed ay ka go'an tahay sidii ay u hagaajin lahayeen amaanka guud ee dalka, gaar ahaana kan magaalada Muqdisho.

Jamaal Cali Cabdi, Hiiraan Online












Click here
4/21/2022 5:13 PM EST
Khamiis, April, 21, 2022 (HOL) - Gudoomiyaha gobolka Mudug Cabdiladiif Muuse Nuur Sanyare, ayaa ku eedeeyay wasiirka arrimaha dibadda Soomaaliya, Cabdi Siciid Muuse inuu masuul ka yahay iska hor imaadkii caawa ka dhacay magaalada Gaalkacyo ee lagu dhaawacay taliye ku xigeenkii booliiska gobolka Mudug iyo nabadoon Yaasiin Cabdisamad.

4/21/2022 4:47 PM EST
Khamiis, April, 21, 2022 (HOL) - Hoggaamiyaha TPLF Debrtsion oo warqad udiray Qaramada midoobay, ayaa waxa uu sheegay in Shacabka Tigray aysan wali helin waxyaabo badan oo kamid ah nolosha aasaasiga ah, sida Biyaha, Korontada iyo waxyaabaha lamidka ah.

4/21/2022 2:04 PM EST
Khamiis, April, 21, 2022 (HOL) - Iska hor imaad xooggan oo caawa ka dhacay waqooyiga magaalada Gaalkacyo ayaa waxaa ku dhaawacmay taliye ku xigeenkii ciiddanka booliiska gobolka Mudug iyo askar kale oo ciiddanka amniga katirsan.

4/21/2022 10:42 AM EST
Khamiis, April, 21, 2022 (HOL) - Iyadoo maalintii sadaxaad ay socoto howlaha diiwaan gelinta Musharaxiinta dooneysa iney u tartamaan xilka guddoonka Golaha Shacabka iyo labadiisa ku xigeen ayaa guddoomiyaha guddiga doorashada guddoonka Golaha Shacabka waxuu sheegay in maalinta berito ah ay soo gabagabeyn doonaan diiwaan gelinta Musharaxiinta.

4/21/2022 7:48 AM EST
Khamiis, April, 21, 2022 (HOL) - Wasiirka betroolka iyo macdanta Soomaaliya ayaa looga yeeray xafiiska xeer ilaaliyaha guud, si wax looga weydiiyo heshiiska uu saxiixay ee dhexmaray wasaaraddiisa iyo Shirkadda Coastline Exploration Limited.

4/21/2022 3:22 AM EST
Khamiis, April, 21, 2022 (HOL) - Xildhibaan Sareedo Maxamed Cabdalla ayaa maanta mar kale dib loogu doortay kursigeeda aqalka hoose ee sumadiisu tahay hop154.

4/21/2022 3:16 AM EST
Khamiis, April, 21, 2022 (HOL) - Guddiga hirgelinta doorashada maamulka Hirshabeelle ayaa shaaciyay jadwalka doorashada kursiga HOP 009 oo ka mid ah kuraasta Golaha Shacabka ee ku dhiman maamulka Hirshabeelle.

4/21/2022 2:20 AM EST
Khamiis, April, 21, 2022 (HOL) - Wasiirka Maaliyadda Soomaaliya Cabdiraxmaan Ducaale Beyle ayaa ka qeyb galay shirarka sanadlaha ah ee Bankiga Adduunka iyo Hay’adda IMF oo ka socda magaalada Washington ee dalka Mareykanka.

4/21/2022 1:46 AM EST
Khamiis, April, 21, 2022 (HOL) - Madaxweyne ku xigeenka Puntland, Axmed Cilmi Cismaan Karaash ayaa ku dhawaaqay inuu la wareegay masuuliyadda hoggaamineed ee Puntland.