6/26/2022
Today from Hiiraan Online:  _
Wararka Maanta- Axad, Apr 17, 2022
Afhayeen Buuni: Xildhibaanada xisbiga Waddani waxay caadaysteen wax ka sheega ciidamada
 

Axad, April, 17, 2022 (HOL) - Xisbiga talada Somaliland haya ee Kulmiye, ayaa qaar kamid ah xildhibaannada golaha wakiilada ugu jira xisbiga Waddani ku eedeeyay in ay caadaysteen, wax ka sheega iyo u gacan qaadka ciidanka.

Afhayeenka xisbiga Kulmiye Cabdinaasir Muxumed Xasan Buuni oo warbaahinta la hadlay, ayaa sheegay in xildhibaanada kasoo jeeda xisbiga Waddani, ay caado ka dhigteen ka been abuurka, iyo wax ka sheega ciidanka.

"Xildhibaanadii la doortay 31, May, 2021, khaasatan xildhibaanada kasoo baxay xisbiga Waddani, waxay caado ka dhigteen, wax ka sheega, ka been abuurka, gacan u qaadka, Ciidamada Qaranka Jamhuuriyada Somaliland" ayuu yidhi Buuni.

Buuni ayaa sheegay in xildhibaan Barkhad Jaamac Batuun uu horay gacan ugu qaaday ciidamada booliiska, xili shaqaaqo ka dhacday xarunta golaha wakiilada, isla markaana ay ka sugayeen shirguddoonku in uu anshax mariyo lakin anay taasi dhicin.

Buuni oo hadalkiisa ula jeeday xildhibaan Maxamed Abiib oo shalay sheegay in taliyaha booliisku uu aflagaadeeyay, ayaa sheegay in ka xisbi ahaan ay aaminsanyihiin in sharcigu xaaraantinimeeyay wax ka sheega ciidamada.

"Waxa ay maraysa maanta in aflagaado toos ah loo gaysto madaxda ciidamada qaranka iyo saraakiisha, taliyayaashooda, taliye xigeenada iyo dablayda, iyo howlwadeenada kale ee ku sugan xarumaha ciidamada qaranka, waxaanu xisbi ahaan aaminsanahay in sida sharcigu u xaarantinimeeyay ay wax ka sheega ciidamada qaranku xaaraan u tahay" ayuu yidhi Buuni.

Afhayeen Buuni ayaa Golaha Wakiilada Somaliland usoo jeediyay, in ay talaabo ka qaadaan xildhibaannada uu ku eedeeyay in ay ku xadgudbeen sharafta ciidamada kala duwan.

Hadalka Buuni ayaa imanaya iyadoo maalintii  shalay uu xildhibaan Maxamed Abiib, Taliyaha Ciidanka Booliiska Somaliland Maxamed Aadan Saqadhi Dabagale ku eedeeyay in uu u hanjabay.

Abdilahi Geel-maal, Hiiraan Online












Click here
4/17/2022 6:38 AM EST
Axad, April, 17, 2022 (HOL) - Guddiga qaban qaabada doorashada guddoonka Golaha Shacabka Baarlamaanka Fedaraalka Soomaaliya oo maanta kulan ku yeeshay magaalada Muqdisho ayaa iska dhex doortay guddoomiyaha iyo xoghayaha guddiga.

4/17/2022 6:35 AM EST
Axad, April, 17, 2022 (HOL) - Xisbiga Waddani ayaa hanjabaadii uu xildhibaan Maxamed Abiib sheegay in uu kala kulmay taliyaha booliiska Somaliland, ku tilmaamay meel ka dhac, isagoo madaxweynaha ugu baaqay in uu raaligalin ka bixiyo.

4/17/2022 6:06 AM EST
Axad, April, 17, 2022 (HOL) - Wasiirka Amniga Soomaaliya Cabdullaahi Maxamed Nuur ayaa booqasho ku tagay Jaamacadda Naif Carab ee Culuumta Amniga ee magaalada Riyadh ee dalka Sacuudiga.

4/17/2022 5:14 AM EST
Axad, April, 17, 2022 (HOL) - Wafdi uu hoggaaminayo Guddoomiyaha Guddiga Doorashooyinka Heer Federaal ee FEIT Muuse Geelle ayaa maanta soo gaaray Magaalada Kismaayo ee xarunta kumeel gaarka ah ee Jubbaland.

4/17/2022 4:10 AM EST
Axad, April, 17, 2022 (HOL) - Warar dheeraad ah ayaa kasoo baxaya qarax xoogan oo goordhaw ka dhacay duuleedka Magaalada Jowhar ee xarunta gobolka Sh/dhexe, kaasoo geystay khasaare isugu jira dhimasho iyo dhaawac.

4/17/2022 1:48 AM EST
Axad, April, 17, 2022 (HOL) - Kooxo hubeysan ayaa Xalay magaalada Muqdisho waxay ku dileen Allah u naxariiste Nabadoon Yuusuf Daahir Kheyre oo ka mid ahaa Nabadoonada caanka ka ahaa magaalada Muqdisho.

4/17/2022 1:28 AM EST
Axad, April, 17, 2022 (HOL) - Guddoomiyaha gobolka Gedo, Axmed Buule, ayaa sheegay inay Garbahaareey ku qabanayaan doorashada 16 ka kursi ee aqalka hoose, isagoo beeniyay inay jirto haba yaraatee wax nabad galyo darro ah oo caqabad ku ah doorashada.