6/26/2022
Today from Hiiraan Online:  _
Wararka Maanta- Axad, Apr 17, 2022
Guddiyada Qabanqaabada Doorashada Guddoonadda Aqalka Hoose iyo Aqalka Sare oo guddoomiyeyaal iska dhex doortay
 

Axad, April, 17, 2022 (HOL) - Guddiga qaban qaabada doorashada guddoonka Golaha Shacabka Baarlamaanka Fedaraalka Soomaaliya oo maanta kulan ku yeeshay magaalada Muqdisho ayaa iska dhex doortay guddoomiyaha iyo xoghayaha guddiga.

Xubnaha guddiga qabanqaabada doorashada guddoonka Golaha Shacabka iyo ku xigeenadiisa oo ka kooban 10 xubnood ayaa guddoomiyaha guddiga u doortay Xildhibaan Cabdirisaaq Cumar Maxamed oo helay 5 cod, iyadoo xoghayaha guddigana loo doortay Maxamed Abuukar Cabdi oo helay 4 cod.

Guddoomiyaha iyo xoghayaha Maanta la doortay ayaa shaaca ka qaaday iney si daacad ah ugu shaqeyn doonaan masuuliyada loo igmaday, isla markaana si deg deg ah u qaban doonaan doorashada guddoonka Golaha Shacabka iyo labadiisa ku xigeen.

Guddigaan ayaa looga fadhiyaa iney soo diyaariyaan jadwalka xiliga la qabanaayo doorashada guddoomiyaha Golaha Shacabka Baarlamaanka Soomaaliya iyo labadiisa guddoomiye ku xigeen.

Dhinaca kale xubnaha guddiga qaban qaabada doorashada guddoonka Aqalka sare ayaa dhankooda shalay waxay iska dhex doorteen guddoomiyaha guddiga iyo ku xigeenkiisa.

Xubnaha guddiga ayaa Senator Aadan Cabdinaasir Maxamed waxay u doorteen guddoomiyaha guddiga doorashada Golaha Aqalka Sare, waxaana sidoo kale  Senator Samsam Daahir Maxamuud loo doortay guddoomiyaha diiwaan gelinta murashaxiinta guddoonka Golaha Aqalka Sare, halka Senator Farxaan Cali Xuseen loo doortay guddoomiyaha Maaliyadda Guddiga Doorashada Guddoonka Golaha Aqalka Sare.

Doorashooyinka guddoomiyaha ay kala doorteen guddiga qaban qaabada doorashada guddoonada Aqalka Hoose iyo Aqalka Sare ayaa imaanaya iyadoo madaxda sare ee dalka ay ku baaqeen in la dadejiyo doorashada guddoonadda labada Aqal iyo ku xigeenadooda.

Jamaal Cali Cabdi, Hiiraan Online












Click here
4/17/2022 12:45 PM EST
Axad, April, 17, 2022 (HOL) - Xisbiga talada Somaliland haya ee Kulmiye, ayaa qaar kamid ah xildhibaannada golaha wakiilada ugu jira xisbiga Waddani ku eedeeyay in ay caadaysteen, wax ka sheega iyo u gacan qaadka ciidanka.

4/17/2022 6:35 AM EST
Axad, April, 17, 2022 (HOL) - Xisbiga Waddani ayaa hanjabaadii uu xildhibaan Maxamed Abiib sheegay in uu kala kulmay taliyaha booliiska Somaliland, ku tilmaamay meel ka dhac, isagoo madaxweynaha ugu baaqay in uu raaligalin ka bixiyo.

4/17/2022 6:06 AM EST
Axad, April, 17, 2022 (HOL) - Wasiirka Amniga Soomaaliya Cabdullaahi Maxamed Nuur ayaa booqasho ku tagay Jaamacadda Naif Carab ee Culuumta Amniga ee magaalada Riyadh ee dalka Sacuudiga.

4/17/2022 5:14 AM EST
Axad, April, 17, 2022 (HOL) - Wafdi uu hoggaaminayo Guddoomiyaha Guddiga Doorashooyinka Heer Federaal ee FEIT Muuse Geelle ayaa maanta soo gaaray Magaalada Kismaayo ee xarunta kumeel gaarka ah ee Jubbaland.

4/17/2022 4:10 AM EST
Axad, April, 17, 2022 (HOL) - Warar dheeraad ah ayaa kasoo baxaya qarax xoogan oo goordhaw ka dhacay duuleedka Magaalada Jowhar ee xarunta gobolka Sh/dhexe, kaasoo geystay khasaare isugu jira dhimasho iyo dhaawac.

4/17/2022 1:48 AM EST
Axad, April, 17, 2022 (HOL) - Kooxo hubeysan ayaa Xalay magaalada Muqdisho waxay ku dileen Allah u naxariiste Nabadoon Yuusuf Daahir Kheyre oo ka mid ahaa Nabadoonada caanka ka ahaa magaalada Muqdisho.

4/17/2022 1:28 AM EST
Axad, April, 17, 2022 (HOL) - Guddoomiyaha gobolka Gedo, Axmed Buule, ayaa sheegay inay Garbahaareey ku qabanayaan doorashada 16 ka kursi ee aqalka hoose, isagoo beeniyay inay jirto haba yaraatee wax nabad galyo darro ah oo caqabad ku ah doorashada.